بناااااااااااااااااات تعالوا شوي

[sweet cake]

شلونكم صبايا؟؟
طبعا اغلبكم تعرفون لولي شيطونتي اللي بديت اشك انها شاذيه:eh_s(1):
عمرها شهرين ونص وابي مساعدتكم بكم شغله مع اني اعرف بالقطاوه بس هذي مثل ما قلتلكم شاذيه يعني حاله شاذه

اولا .. شلون انظم وقت نومها؟؟
حاولت اخليها تلعب طول اليوم عشان تصير نايمه بالليل بس ما قدرت لأن اذا قررت تنام ما ترد على أحد وتنام.. وبصراحه هي تزعجني لأنها تقوم بالليل بوقت متأخر وتلعب.. والمشكله ما تلعب بألعابها الا اذا كنت معاها اما اذا كنت نايمه تحاول تعض ايدي او تصيد رجلي من تحت الفراش وأنا نومي خفيف فتخرعني..
واذا حطيتها برا الغرفه تخاف ويضيق خلقها وتقعد عند باب غرفتي وطول الوقت مياو مياو ..

ثانيا .. القطوه لعبها دفش شوي وتحاول تصيد رجولنا وايدنا وتعضها ولما نمشي تجي تركض وتحاول تصيد رجولنا وبصراحه الكل خايف يدوسها بالغلط لأنها تدخل من تحت الرجول واحنا نمشي .. وانا حطتلها جرس يخلينا نسمع صوتها اذا جت بس مرات تتحرك حركه بطيئه ومانسمع صوت الجرس اذا تحركت.. شلون اخليها توقف هالعاده؟؟

ثالثا.. هي مو راضيه تنام بمكانها .. ما ترضى تنام الا معاي عالسرير وانا اخاف اتحرك وتطيح من السرير واختي الصغيره تنام معاي بالسرير واخاف تجيها وهي نايمه..

رابعا.. هي تجنني لما انظف عينها واذنها بس نحاول انا واختي نثبتها وننظفها لكن احس في جزء ما يروح لدرجة اني صرات شاكه ان لو شعرها تحت العين اساسا اسود.. وغير هذا بعرف القطوه كم مره باليوم تطلع هالافرازات من عينها؟؟

خامسا .. هي مو راضيه تعرف اسمها الا بوقت الحاجه ولما اناديها ما تجي وبصراحه انا اشك انها قرده مو قطوه !!

قبل لا تردون اقروا كلامي عدل ولا تحطون لي روابط المواضيع الموجوده لأني مجربتها كلها وانا عندي خبره بسيطه بالقطط وصديقاتي انا انصحهم وتضبط معاهم لكن هالقطوه بالذات مو نافع معاها شي وللعلم ما تخاف من الماي لما ارشه على وجهها بس ما تأذيني لما اسبحها..

 

[Kawaii GiяL]

لوووووووووووووووووووووووووووووووووووووول والله مت من الضحك خخخخخخخخخخخخخخخخخخخخخخ

شنو هاذي .. الله يعينج الصراحه ,,, ترى قطوتج قاضيه ههههههه بس شكلها مسويه جو ونااسه

والله ما اعرف جان افدتج ... شرينا قطاوة شكثر بس طبيعيين ما سوو اللي تقولين عنه الا جم وحده بس مو هالكثر يعني تنام بوقتنا بس مو ببيتها تصعد على الفراش و انشالله يفيدونج البنات

 

[sweet cake]

كاواي المشكله انها فشلتني عند اهلي ..
الكل يدري اني اعرف للقطاوه وانا اعطي نصايح للبنات ونصايحي تنجح بس هذي طلعتني كأني ما اعرف شي..

 

[Kawaii GiяL]

هههههههههههههههههههههههههههههههههه يالله احسن عشان لما تطلعين لها حل تزيد خبرتج فيهم .... و اذا اهلج سألوج قوليلهم لا انا اعرف اتصرف معاها .. بس معطيتها على راحتها هالجم يوم خلتستانس عن خاطرها توها يديده .. ههههههه خوش ترقيعه هااا xD

 

[سكارف.فوشي]

حبيبتي عادي قطوي جذي انا
بس اذا بتنام مو بكيفها
قعديها ولعبيها واذيها لول لين تطير النومه
وبعدين القطوه بهالعمر نشيطه وتحب اللعب اي وقت
وابي اسأل اهي بيكي فيس
لان البيكي فيس طبيعي عينها تفرز يعني مومرض والحل بالتنضيف اليومي
بس اذا غيره فحصيها بالطبيب يمكن عينها فيها شي يعطيج قطره

 

[sweet cake]

لا سكارف مو بيكي فيس

ومشكووره عالمرور والرد

 

[سكارف.فوشي]

اسمها تعرفه وقت الاكل لوول اهيه تدري ان هذا اسمها من جذي وقت الاكل تي لما تنادينها
وبعدين وقت الاكل وقت حساس عندها من جذي لازم تركزين على اسمها وقت الاكل عشان تعرف ان اسمها

 

[كلي انوثه]

سويت نفس شطانة اللي عندي بالضبط الظاهر من عائله وحده هههههههه

 

[lojeeen]

هههههههههه ا لله يعينج
شوفي لو كانت قطوتج اصغيره من عمر شهر و نص لثلاث شهور لازم تجيبين لها قفص كبير فيه أكلها و مايها و ترابها اتخلينها بالقفص و تعتنين فيها شذي يتنظم عندها وقت اللعب و وقت النوم على الأقل لما يصير عمرها اربع شهور
و لي عندت و صارت تنونو وايد غطي القفص بالخام حتى يصير المكان ظلمه لها بتهدى بعد فتره شذي حتى بتحمينها من الدوس
و انتي اختاري لها قفص كبير اشوي و حطي داخله شراشف و علقي لها شرايط و العاب و بدلي لها الشراشف كل يوم انا شذي اسوي مع قطاوتي الصغار حتى لا يضيعون داخل البيت أو ينططون علينا حزه النوم

 

[$$كويتية$$]

اتوقع لانها صغيرة اتصيير نشيييطة

وقت النوم حطيها بدار بروحها عشان اتعرف انة وقت نوم

والصبح طلعيها ولعبي معاها وبس يمكن تتسنع

بس الدار الاحسن اتكون فاضية او فيها قطعة خام عشان اتنام عليها



واتمنى اني افدتج

 

[sweet cake]

مشكورين عالمرور
وانا مفكره بالقفص بس مو لاقيه حجم مناسب ..
اذا تعرفون وين فيدوني..

وانا اطلعها برا الغرفه بس تخاااااااف وما ترتاح الا عندها اوادم

 

[بــدويه]

ههههههههههههههه فديتهااا لولي والله حبيتهـاا ..

شوفي سويت ترى اللي تسويه قطووتج جدا طبيعي بالنسبه لعمرها كلش لا تحاتين شي ..

تعضض وتلحقكم تلعب معاكم ومعتبرتكم عايلتها واخونها وتلعب لان دايم القطط الصغيره تلعب مع بعض وتلحق بعضض وتعضض بعض ...

وطبعا لولي ما شافت نفسها بالمنظره وما تدري انها مختلفه عنكم هههههههههههههههههههههه..

تنام معاج لا تخافين ما راح يصير فيها شي لان حجمها صغير القطوه تتحرك وهي نايمه يعني لو صار ضيج عليها تغير مكانها كلش كلش تنزل من السرير من نفسها لاتحاتين هالشي وع فكرره تنام معاج لانها حيل تحبج وتعتبرج امها دايم القطط الصغيره ما تفج عن امها ..

وتحاول تنام معاها عشان تحس بالامان وهالسوالف ..

موضوع الاسود الافرازات .. شوفي لازم تضغطين شوي لي تحت وتسحبين الافرازات ترى المسح برقه ماراح يشيله لا تخافين ماراح تتعور ولازم القطنه فيها ماي دافي وسحبه قويه بشكل قوس للأسفل ..

ترى اهي صغيرره اللحين ما يفيد معاها كل تتحرك ومو عاجبها شي يبيلج صبر معاها:dddds: خخخخخخخخخخخخخخخخ

لو تكبر شوي راح تصير عادي لانها راح تتعود عليكم اكثرر تخاف من الماي لا تسبحينها واجد مره بالشهر هي نظيفه دامها بالبيت ترى حرام القطوو حيل يتعبه الماي ..

وصح القطاوه لعبهم دفش بس يونس بس لما تكبرر تصير تكانه بس لا تعودينها على عض الايدين ترى تكبر وتصير العضه قويه حيل ..

 

[sweet cake]

بدويه انا ادري ان القطاوه جذي بس هذي حبتين زياده..
بس عادي احنا متأقلمين معاها بس وقت النوم اخاف على اختي الصغيره لا تتخرع منها لأن اهم اختي تحب تنام معاي بس صارلي كم يوم اخليها تنام مع اختي الثانيه لأن لولي محتله مكانها..
اختي تحبها بس تدرين الصغار يخافون بالليل..

بس انا قلت انها ما تخاف من الماي .. ما قلت تخاف قلت ما تخاف..
يعني لما نبيها توخر عن شي ونرش عليها شوية ماي عادي ما تخاف واصلا ما تأذينا حيل لما نسبحها..




بس بنات انا ابي القفص الكبير حيل اللي يكفي اللتر بوكس واكلها ابي احطها فيه مؤقت يعني وقت نومي بس لأن عندي صيفي وانا نومي خفييييييف واي شي يقعدني فلما تنام عندي وجهي اقوم..

 

[.. Dior ..]

مالج الا الصبر القطوه الصغيرخ نفس البيبي يبي امه

انا قطوي قبل جذي لما اطلعه عن الغرفه يوقف عند الباب وينونو والا ينام معاي ع السريرولما انزله عن حضني يقعد يغفي واهوا واقف ههههه اما الحين اناديه احطه معاي ع السرير يقوم يبعد وينام بمكان ثاني

والله دوخني واهو صغير كل شوي يقعدني ولعبه خبال يهجم على ريولنا بس لما كبر عقل

نطري عليها وراح تتعود من نفسها لما تكبر تستقل بروحها بس اهي الحين معتمده عليج

 

[sweet cake]

ديور..
الله يسمع منج والله يخليلج كوكي..
لما انام بالليل صرت اخليها مع خواتي لأنهم يسهرون..
بس حياتي تعرفني..
لما ارد من الكليه تجي تركض وتمسح راسها بإيدي ومرات لما اطول عنها تسوي نفس الحركه والله شكلها يكسر الخاطر ..
اقول لامي شوفي والله انها تعرفني وتحبني ..


بس هم انا محتاجه هالقفص عشان اقدر اخليها قريب مننا وقت النوم لأنها تخاف بروحها وامي ماتبيها تنام على القنفات

 

[.. Dior ..]

الله يسمع منج ياقلبي

انا يبت له قفص بس هم مايرضى يقعد فيه يقعد ينونو لحد مااطلعه ولحد الحين مايرضى يقعد بقفص ولا بغرفه بروحه

مره حطيته بغرفه فاضيه وحطيت اغراضه معاه ونمت لما قعدت امي هاوشتني تقول من نمتي لحد الحين واهو يصيح ويطلع ايدينه من تحت الباب يحاول يطلع

عاد تحملته لحد ماتسنع من نفسه صرت انام واخلي له الباب مفتوح يطلع ويدخل على كيفه

والقفص اشتريته من بقاله كنا بنسافر واخذته علشان احطه فيه هههههههههه بس جنه مال حمام

 

[sweet cake]

حياتي كسر خاطري

انا قطوتي تلعب مع اهلي بس تفصل عليهم وهم يقرون الجرايد ولا وهم يتقهوون ولا لما يشتغل ابوي عالنت..
تأذيهم وغرامها تصيد الرجول

بس لا قفصج هذا صغير..
انا شايفه صورة قفص كبير وهو اساسا للقطاوه يعني يكفي اللتر بوكس والاكل واللعب بس مادري وين احصله

 

[.. Dior ..]

اذا ماحصلتي قفص تقدرين تاخذين لها سرير بيبي هم يمشي الحال