بنآت ! دشوا ساعدوني تكفون

[om nada]

السلام عليكم
هلا هلا
شخباركم ؟ شلونكم ؟
واللي عندهم عيال شخبار عيالكم ؟
المهم طبعاً انا عضوه يديده هني
وتوي مسجله
...
اممم ابدأ معاكم بنوتات
طبعا انا بقول لكم قصتي واتمنى انكم تساعدوني
بنات
انا قبل لآ اتزوج كان وزني 88 وقبل زواجي بفتره ضعفت وصرت 67
طيب
يوم تزوجت حملت بسرعه والله رزقني ببنت
والمشكله ان بعد الولاده زاد وزني بشكل مو طبيعي ! :eh_s(11):
صرت متينه !
وحتى يوم وقفت على الميزان انصدمت !
ومن ذاك اليوم ماقست وزني
كان تقريبآ 98-وفووووووووق !!!!!
والله حسيت بصدمه كبيره ! ملابسي اللي قبل ! اتحسر لا طالعتها
صرت ماحب اطالع بنفسي ! , زوجي مو من النوع اللي يعلّق او يقول متنتي او ضعفتي
بالعكس يوم شآفني أبجي قال لي لا تبجين ومافي شي يستاهل
قال لي انتي حلوه حتى لو متينه او ضعيفه
وحتى خوات ريلي ,
لكن انا عشان نفسي ! والله بنات احس نفسيتي تعبببببببت بشكل !
بنات الله يخليكم
انا ابي اضعف لكن مشكلتي ما اتقيد برجيم معين !
بس يعني أسوي رياضة مشي
يابنات ياليت انكم تفيدوني شاللي راح يضعفني ؟
حطّوا هني تجاربكم ؟
رجيماتكم , سوالفكم . الخ ...
يعني في وحده مثلي جذي زاد وزنها وبعدين قدرت تضعف؟
والمشي يضعف ولالا ؟
انا ما ابي ايي العيد الا وانا ضعفانه شوي !
واللي مآعندهآ فكره ترفع الموضوع !

 

[منال القلب]

حبيبتي والله حاسة فيج
عندج حل.. انج تشتركين بدايت كير لمدة شهر وابدي من اول رمضان لي نهايته شرط بهالشهر راح تنزلين من 5 إلى 8 كيلوات
بس ودي وياج 250 دينار

25 >> فتح ملف
255 >> فطور - سحور - غبقة حق شهر كامل

وان شالله تضعفين ياااارب

 

[om nada]

حبيبتي والله حاسة فيج
عندج حل.. انج تشتركين بدايت كير لمدة شهر وابدي من اول رمضان لي نهايته شرط بهالشهر راح تنزلين من 5 إلى 8 كيلوات
بس ودي وياج 250 دينار

25 >> فتح ملف
255 >> فطور - سحور - غبقة حق شهر كامل

وان شالله تضعفين ياااارب

هلآ والله اختي
نورتي الموضوع يالغاليه
امممم حلو
لكن انا مشكلتي مو بالكويت !
اناا من السعوديه بالمنطقه الشرقيه
ياليت اني بالكويت
نورتي الموضوع ياعسل

 

[كياني المجروح]

حبيبتي في رمضان الوحده صعب تدخل مراكز الدايت اقصد اللي يوصلون لج الاكل لانه تعرفين عالفطور اللمه والقعده تكون حلوه غير لاكل يعني ما بتلتزمين بالوجبات اللي توصلج
انا بقولج نصيحتي اللي سويتها العام ونزلت عليها
اول شي وقت الفطور اكل تمره وعقبها اشرب قرشة ماي ب 500 مل وعقبها احس بشبع بس اكون عطشانه من جي اخلصها طبعا اكنسل الفيمتو والتانج
وبس عقبها احس معدتي امتلت فاقعد اذوق من الاكل ملعقه من كلشي وبس اقوم واسوي لي دلة مرمية هاذي اتسلى عليها لين السحور
بس خليني اكمل لج وعقب صلاة التراويح اجيب جهازي المشي واحطة مشاهد التلفزيون وبس يبتدي المسلسل المفضل عندي ابتدي امشي ولا احس بالوقت الا المسلسل خلص واكون مشيت من 30 الي 40 دقيقه طبعا الماي مستمر لين الامساك
وقبل لانام اشرب لي قلاص لبن دايت وبس انام
وعلى هالحال رمضان كله وليلة العيد اقيس وزني الا نازله من 4الى 5 كيلو هاي طبعا بالنسبة لجسمي لاني مليانه مب متينه يعني العام كنت 69 وصلت 64 اتوقع انتي بتنزلين اكثر لانج امتن ويكون الحرق عندج اكثر
سووي هالطريقه وبتدعين لي
الله يوفقج ان شالله

 

[ranh]

الله يعينك حبيبتي
كل شي ممكن وزنك مو فوق ال 100

المهم الاراده

اهم شي وقفي الاكل قبل النوم ب 4 ساعات
اكثر شي تزيد الوزن العشا

وشربي ماي كل ماحسيتي بالجوع

وكوب ماي قبل الاكل يكون دافي
وبعد الاكل كوب عصير اناناس او برتقال

وقفي العيش والخبز طول ايام الاسبوع بس كلي بالجمعه والسبت مره
والاسبوع العقبه خميس وجمعه تاكلين خبز وعيش

ولبسي حزام
راح يساعدك بانقاص الوزن لانه راح يقلل الاحساس بالجوع ويقلل حجم المعده

الله يوفقك حبيبتي ان شاء الله

 

[chnoof11]

مساء الخير هاي

كيفكم بنات دبدوبات جايبتلكم اليوم رجيم جنان اسمه رجيم الدكتور حسين الدشتي او اتكينزاو رجيم الكيتوني من جد بنات الا يفوتكم اسال مجرب ولا تسال طبيب وانا ساكنه في سعوديه ورحت زياره للكويت وزرته شخصيا وعطاني رجيم يجنن ينفع لكل الاشخاص مكون من اربع مراحل وانا جربت مليون رجيم ورجيم ورحت كل دكاتره الرياض بدون ذكر اسماء طبعا ولا واحد فادني وبصراحه هو الدكتور الوحيد الي شفت النتيجه من اول اسبوع
وانا كتبتلكم اليوم هذا الموضوع مثل ماستفدت ابي غيري يستفيد وجربوه وانتوا راح تصدقوني والي حابه تبدى معي حاياها الله وراح اكتبلكم الاربع مراحل بتدريج وافكار لطبخات وموقع الدكتور بعد ولا يهمكم راح اكون معاكم خطوه بخطوه جاينا رمضان والله يعين على السمنه من جد الي موافقتني تردلي
وانا بنتظاركم :lololoe::lololoe::lololoe::lololoe::lololoe:

 

[chnoof11]

حبيباتي حنا داخلين مجموعه قروب الي تبي تدخل حياها الله راح نبداء يوم السبت

 

[chnoof11]

الي حابه تدخل بالقروب تروح لصفحه الي انا كاتبه فيها الموضوع بعنوان واخيرا لقيت الحل ادخلوا وشوفوا وصدقوني الي بتشترك معانا راح تشوف النتيجه باذن الله في اليوم الاسبوع

 

[om nada]

هلا هلا بكل الحلوآت اللي مرّوا هني وساعدوني
منورات حبوبات
, أعتذر عن تأخري في الرد على مروركم
وأشكر اللي حطوا لي هني رجيم ,
لكن الحين رمضان , وتدرون طبخ واكل وصيام ومادري شنو ولخبطه ! p;
فأبي رُجيم حلو لرمضان :*
يعني صج وحده جرّبته واستفادت عليه
وسبق وقلت يعني ما احب اني اتقيد بشي مُعين
يعني أبيه شي حلو وبسيط ^^
انطلقوا حبوبات