بنآت خايفه شوي طمنوني ..

[أم فتوته]

قوه


بنات تكرمون دشيت الحمآم ولا القى شوي نازل علي سائل بني يمه اخترعت وقف قلبي

مآدري هل شي عآدي ولا لاء ؟
آنا بالشهر السادس الله يتمم علي وعليكم حملكم

طمنوني

 

[زينة الزين]

إن شاء الله ماكو إلا العافية
يمكن إلتهاب ولا شي بسيط

روحي الطبيب اليوم وإن شاء الله تتطمنين

 

[أم فتوته]

انشالله آنا موعدي يوم الأحد
واذا على الالتهاب الحمدالله مافيني التهابات
يعطيج العافيه يآقلبي

 

[وردة الكاميليا]

روحي للدكتور أحسن والله يتمم عليج

 

[أم فتوته]

انشالله الله يستر
حدي خآيفه

لا تلوموني بجر

 

[منوووورة]

رووحي لموووعدج اليووم ابرك والله يثبته لج يااارب

 

[أم فتوته]

آمين الله يسمع منج

 

[نرجس 85]

رد : بنآت خايفه شوي طمنوني ..

الله يطمنج حبيبتي ولا تحاتين يمكن يكون مجرد تعب

 

[_ظل الياسمين _]

ان شاء الله ماكو الا الخير..الحامل معرضه لهالامور مرات ..

ربى يتمم لج على خير يارب.

 

[Om 3zo0oz_2011]

يمكن تعبتي شوي

اذا حابه تطمنين روحي الطبيب ياقلبي

 

[بنت الحرزي]

الله يتمم عليج وانشاءالله مافيج الا العافيه بس عشان تتطمنين روحي لدكتورتج او دقي عليها الله يطمن بالج

 

[بشور]

حبيبتي ماابي اخرعج بس ترى مو زين .. آنا رفيجتي نزل عليها اول شي بني وبعدين صار دم وقامت تاخذ مثبتات وماتتحرك وكله منسدحه .. وآخرتها اولدت بالسادس لانه المشيمه انزلت ديري بالج على روحج وروحي الطبيب والله يثبت حملج يارب ولايضيع تعبج آمين

 

[raneen]

رد : بنآت خايفه شوي طمنوني ..

اختي وحبيبتي ان شاء الله مافيج الا العافيه بس تره هذا موزين روحي للطبيب ولا تنطرين وتغلطين غلطتي ابحمالي الاولي...لمه نزل علي سائل بني والكل قالي يمكن بقايا دم والرحم قاعد ينظف نفسه ولاتخافين بس تم معاي يومين والله العظيم ماعدا اليوم الثالث الا (الحمدلله على كل حال ) واجهضت وقالتلي الدكتوره لو يايه ابجر جان عطيتج مثبت ولا شي بس قدر الله وما شاء فعل والحين الحمدلله انا حامل والله ايثبت حمالج وحمالي ويرزقنه بالذريه الصالحه ...فروحي للطبيب ولاتتاخرين واقري على نفسج والله يحفظج انتي والي افبطنج ان شاء الله

 

[miss2007kuwait]

روحي الطبيب مو الا تنطرين موعدج بس روحي جيكي عشان ترتاحين

 

[*ماي الورد*]

روحي تطمني احسن
سالي عن امكانية تاخذين ابرة الرئة تحسبا للظروف