بنآت آبي حل لـ بنتي عمرهآ آربع شهور

[منوه الودعاني]

السسلآم عليييكم ...



شخباركم بنات ... ان شاءالله انكم تمآم




اول شي ... مدري وين ابتدي صرآحه... متوهقه :eh_s(2):

انا بكريه ولآ اعرف اي شي عن الجهال ... كلش



مشكلتي ي بنآت بنوتي .. وربي خآيفه حييييل من طريقتهآ


عمرها 4 شهوووور ...



بنات وديتها دكتور قال مافيها شي عادي ...

شنو فيهآ


تنآم نوم مو طبيعي ... مو مثل قبل ...
تنآم وتقعد تصيييييح وترضع وترقد... سألت بقوقل الكل يقول عادي هذا فترت نمو طفل
شوي شوي يتعدل نومه


صح بنتي تضحك لي بسس وربي لاقعدت تجلس خمس دقايق او عشر وتصيح تبي ترقد





انا اقول هالشي ... لني مستغربه من هالشي ,,,

هل هذا طبيعي ابي شي ارتاح دماغين
...

دهنتها بزيت مقري سويت يانسسون كلش ... بسسس مو مثل قبل تجلس ساعتين صاحيه وبعدها تنام


الحين تغيرت ... :eh_s(2):

انصحوووووووووووووووووووووووووووووووووووووووووووووني تكفون بنات
مالي خوات كبار علشان استفيد منهم ..

وشي ثآني شششنو اوكلها يمدحون لي بعمرها سيريلاك الرز لنه اخف من القمح شوي شوي الين تتعود
او اجرب سوئل هم تالي سريلاك

وبليز اي شي مو زين لاحد يقوله لني اوسوس​

 

[أشبـاهـ المطـر]

انا بجري كانت جذي نوامه تقعد تاخذ رضعتها وابدلها وتنام
وديتها الطبيب لان الكل لاحظ عليها انها نايمه قالي طبيعي
جدا والحمدالله مافيها الا العافيه نطري جم شهر وتسنن
تخليج تنسين النوم

 

[mafio98]

ان شاء الله مافيها شي دام عرضتيها علطبيب وطمنك يمكن بنتك تحب النوم ليش متصايقه بالعكس نام وارتاحي كثر ماتقدرين باجر اذا سننت تتمني النوم وﻻ تلقينه
وبالنسبه للاكل برايي ﻻتعطينها سيريﻻك حاولي تعطينها سوتيه خضرا كل 3 ااو 5 ايام نوع عشان تشوفين تحسس من شي منهم وﻻ ﻻ زتقدرين تخلطين الخضرا مع روب

 

[Um Tuki]

عادي و طبيعي جدا

خصوصا في هالفترة و هالأجواء

اليهال يبون الدفا

تقعد تبي ترضع و تبدل البامبرز و ترع تنام

طبيعي يا بعد عمري لا تحاتين ولا تخافين

كلنا كنا نفسج في اول بيبي

ربي يحفظها و يخليها لج

 

[Um Tuki]

نسيت اقول لج

لاتعطينها أكل خير شر

حرام خفوا على معدة البيبي

اقري على بسكوت اليهال و السيريلاك
مكتوب من عمر الـ 6 شهور

أكيد لمصلحة البيبي والا الشركة تبي تروج بضاعتها

من عقب الـ 6 شهور وكليها و عطيها اللي تبين

لحد يفر بمخج و يقول لج كلنا أكلنا

و مادري شنو

سألي دكتورتها متى اوكلها بتقول لج

بنت واحد معانه بالدوام .. عطوها أكل بعمر الـ 4 شهور .. لا ليلها ليل ولا نهارها نهار هالياهل

يوم ودوها الدختر الدكتورة هاوشتهم .. و حررررررررررم يوكلها قبل الـ 6 شهور

ترى هالفترة ما تحتاج غير حليبها فيه كل المواد اللي يحتاجه جسمها

 

[Om_HoBi]

الاكل لا تبدين معاها الحين نطري بعد شهرين و ابدي بسيريلاك الرز و بعدين الخضروات و الفواكه و لا تشربينها حليب البقر الا بعد سنه
و كل شي انتي سوييه بنفسج لا تشترين معلبات او تعطين زبادي و هالسوالف

 

[M!SS.LOBY]

الله يحفظها

 

[Mariam bh]

طبيعي اغلب الاطفال ينامون وايد وتدريجيا يخف النوم لي العشر شهور

انا بنتي عمرها اربع شهور بس ماتقدر تقعد فتره طويلة تبي السيرفس مالها وترد تنام

 

[m!ss craze]

طبيعي حبيبتي

والاجواء الباردة تساعد. النوم

والاكل لاتاكلينها قبل الست شهور لاجى عمرها ٦ شهور ان شاءالله ابدي اكليهااشياء مهروسة وكل يومين جربي نوع من الخضار لوحده
عشان تعرفين ايش يناسبها وايش عندها حساسية منه