بنآآت ريلي مو راضي يعطيني خط موبايله اليديد شنو الحل

[فيونكهq8]

السلام عليكم
بنات مشكلتي مع ريلي توه شاري خط مع موبايل يديد ويوم طلبت منه الرقم يقولي ماله داعي تعرفينه عندج خطي القديم :eh_s(2):

وكم مرا آحاول معاه يقولي لاتعبين نفسج وتصير مشكله بينا وهو ولاداري عني متضايقه ولا مو متضايقه عادي يرد يتكلم طبيعي معاي ولا كأن صاير شي

ارد اقوله عشان يمكن يصير شي والقى تلفونك القديم مغلق يرد يقولي لا انشالله ماتلقينه مغلق بكل بروووووود

شنو الحل يابنات انا خلاص مو قادره اتحمل برستيجه اليديد:rgewrg:

 

[جادل سبيع]

مادري بس ليش مايبي يعطيج هذي سخافه ماله داعي برستيج بهالامور بين الزوجين.

الله يهديه وايسخره لدينه ولج..

 

[حجيه هيونه]

شمعنا !!!

سالفته غريبه بصراحه ماتدش المخ

 

[ام كوثر2007]

يمكن وايد قاعده تحنين ... ؟

ويايتله بالوقت الغير مناسب ..


ويمكن السالفه صارت عناد .. واذا عناد عاد الله يعينج

والغلط منج يا قلبي .. المفروض مو علي اولج تطلبينه الخط وهو توه شاريه عشان ما يحس انج قاعده تامرينه وانه غصبن عليه ملزوم يعطيج اياه

طخي انتي الحين وخلي الامور تمشي عادي .. ومع الوقت اشوي اشوي صدقيني راح يعطيج اياه ..


بس انتي طخي ولا تحنين لانه شكله قالبها مساله عناد واضحه السالفه .

 

[كت كااات]

قوليله يعني اذا ما عطيتني رقمك الجديد بتعطيه حق منو اهم مني يعني ؟؟؟؟ ولي ما تعطيني شالمشكله يعني ؟؟؟ شي يحر

 

[*E.B.D.A.3*]

ماكو اي سبب بالدنيا يمعنه من انه يعطيج رقمه اليديد!!!!

شوفي عطي الموضوع طاف، لان العناد راكب راسه
لكن كبري العين عليه وعلى تليفونه اليديد!!
خلج اشوي مفتحه اوكي!!

ومو دعوة للتحريض عليه
لكن هم سالي خواته والي يعرفونه
تعرفون رقمه اليديد؟
اذا الكل قال لا!
همممممم!!
ارد واقولج فتحي العين عليه مو اكثر ولا اقل

 

[Tom ♥ Jerry]

,




شي غررريب :| !

يعني ليش ؟ آنزين ليش ؟
شوفي كلميه بهدوء قوليله لو انا اشتري خط يديد و اقولك مآله دآعي تعرف رقمي ..
شلون رآح تفكر ؟! رآح ترضى و تخضع للأمر الوآقع :| ؟!
مو انا مرتك المفروض اول من يدري بـ خطك اليديد ..

شلون ( مآله دآعي ) !!

 

[Tom ♥ Jerry]

,





و لا سكتي عن الموضوع الحين ..
بعد مده روحي اشتري ايفون أو بي بي يديد و خط ..
و اذا قالج عطيني رقمج قوليله مآله دآعي عندك خطي القديم !
اذا تبيني دق على خطي القديم ؛)

 

[روح مغليهاM]

الله يهديه ويسخره لك

 

[سكوون انثى]

خليه بس فتحي عينج عليه

الله يعينج ويسخره لج يارب

 

[قموشه21]

عااادي ..

انتي حسسيه انج واثقه منه.. ليش شايفه عليه ششي عشان اتحنين عليه وناطره الششاره

اهو يعاندج وانتي تعاندين.. فجي وراح يفج.. ّّ!!

انتي لو يايته باسلوب ثاني جان عطاج بس شكلج ياييته باسلوب امر وششك اتوقع عشان جذي مايبي يعطيج..

طولي بالج اذا ماعطاج الحين بيعطيج بعدين..: )

 

[الأميرة جوري]

خليه فتره بعطيج الرقم ....

 

[فوفو22]

اما انه يمزح معك ويلعب باعصابك

اما مافي عذر لعدم اعطائك الرقم

ولكن تعاملي معه بالمثل

عندي خط واعذرني مارح اعطيه لك

فوفو

 

[الزين أبوها]

حبيبتي لا تعاندينه وطنشي السالفه ولا تشترين لج خط يديد ترا تزيدين النار حطب

صبري عليه واهو من نفسه راح يعطيج خطه اليديد

بس نصيحه انتبهي عليه واهتمي فيه ولا تحسسينه انج شاكه فيه
والله يسخره لج

 

[انصاريه قمره]

عادي توها صايره فيني السالفه وانا لزمت عليه اعرفه وعاند وركب راسه قالي ما راح تعرفينه يلا
وبعدين سكت عنه وبعدها بفتره اهو من نفسه دق علي من خطه وقالي سيفيه وترى الريال اذا عنده شي ما يحط خط جدامج اشكره يحط من وراج فلا تفكرين بالموضوع يمكن يبي يختبر غيرتج وحبج ما تدرين

 

[اخت خالتهم]

انـا عندي خطيـن زوجي للحين مايعـرف الخط الثـاني طلبه مني قلتله خطي هذا كله سايلنت و مافيه رصيد
بس حق خدمة البلاك بيري اما خط الايفون اهو اللي فيه رصيد ماله داعي تعـرفه
سكت ما قال شي و الصـراحة كبر بعيني حسيت واثق فينـي ..

بعدين انا من نفسـي عطيته انتي سكتـي

انا بفهم ليش تييبون المشـاكل لي عندكم !!!!
خـلاص ما يبي سكتـي ماردج بتعرفيـنه بيضطر بيوم من الايام يتصـل منه

 

[مناير ...!]

مردج بتعرفينه طال الوقت اوقصر لاتخافين

 

[ryoonah]

شهالحركه اليديده بعد

 

[جذابه بنت ذيابه]

صدقيني السالفه عناد



بس انتي طخي عنه اسكتي وبيعطيج او بيدق عليج و اهو ناسي

 

[om MaRyooM]

ممممممممممممم




اتبعي حاستج السادسة وبتعرفين ليش