.. بنآآآت التربيه الاساسيه .. تكفوون فديييتكم خدمه ..

[الـــ ج ــووود]

0
0
0
يسعــــــد صبــآآآحكـــم بنــآآت ...

بصــرآحه انا تعبت من التفكـير ومحتآآآره حييل ..
انا نسبتي 90 % وسجلت رغباتي > اسلاميه - رياض اطفال - مكتبات - تكنولوجيا

ومحتاره حيل بين الاسلاميه ورياض الاطفال ..
شنهي الافضل ..
وكيف دراسة الاسلاميه ؟ والمقابله الشخصيه ..
ورياض الاطفال..؟
وايهي الافضل بنظركم ؟؟

واللي عندها اي معلومه تساعدني الله يخلييكم ..​

ولاهنتووا مقدمـــــــا ً ..

 

[فطـووم-89]

صباااح الورد حبيبتي

اول شي بقولج ..حياج الله بكليتنا وعسى الله يوفقج يارب
وانا بصراحه تخصصي تكنولوجيا بس ماحبيت اطلع وماارد عليج
انا أأيدلج رياض الاطفال ومن غير ماتحتارين
تخصص حييييل حلوو انا كل رفيجاتي فيه يهبل
واتمنى تنقبلين فيه لان اساسا التخصص مسكرينه صارلهم سنه
كنت جايبه معدل على اني احول له بس من القهر افتحوا التخصص للمتقدمين الجدد فقط
انا اقولج استخيري وشوفي اللي يحبه قلبج بالاخير
واتمنى لج التوفيق

تحياتي

 

[●•∫ استثنآئيهـ]

هلا حبيبتي الجود
انا عربي ومساند اسلامية
وشوفي الاسلامية حلو
ومقابلته ماكو سهلة يسالونج
اسئلة جدا عادية
لكن صراحة هالتخصص يبي دراسة
ومساندة عربي
بس بما انه نسبتج حلوة فلا تحاتين ان شاء الله
ومواده حلوة تجويد 1 و2 والباجي امور متعلقة بالدين
ورياض الاطفال هم حلو وبصراحه اسهل من الاسلامية
واذا انتي اتحبين اليهال واتلائمين معاهم يناسبج هالتخصص
بس انتي استخيري وشوفي شنو احسن لج
ان شآء الله افدتج بشئ

 

[~ أريج الكون ~]

[ التربية الاسلامية >>> تخصص حلوو بس يسألونج عن حديث حافظته وتسمعينه وبعد سورة وتسمعينه منها لو جزء بسيط ]

[ رياض الاطفال >> تخصص حلووو حيل بدراسته بس الشغل بعدها راح تتعبين بشكل مو طبيعي وكل اللي تخرجوا قعدوا سنة وبعدين حولوا سكريتارية يعني تروح الدراسه هباء منثروا ]

[ مكتبات >> تعب بالدراسه حيل بس راحه لما تتخرجين حيل ومعاشك اقل من المدرسة ب100 دينار بس اشتري راحتي ]

[ تكنولوجيا التعليم >> انا تخصصي تكنولوجيا دراسته صعبة بس حلو وفريد حيل يعني اغلبه عملي وفي نظري بس نفس المكتبات لما تتخرجين راااااااااااااااااحه ] وانا شاريه راحتي ما ابي لما اكبر واتخرج اندم على التخصص لانه اشغلني وتعبني بحياتي ... والفلوس تروح وترد وراحتي ااذا راحت منو يردها لي ]

كذا مدرسة شفتها وقالت لي ابعدي عن التدريس .. كل ماله ويصير اصعب والمناهج تتجدد وراح تتعبين حيل ...
عشان جذي دخلت تكنولوجيا التعليـم ...

ولله الحمد المنه
مرتاحه منه حيل [ وافادني في دراستي وفي حياتي ]

كنت قبل ما اعرف اصور
الحين خبيرة وللله الحمد والمنه
[ اصور اهلي واللي احبهم وباسويها لهم بالكمبيوتر ]

كنت قبل ما اعرف اصمم والحين صرت مصصممه ...
[ بفضل الله سبحانه ]

وكنت ما اعرف اقص الصوتيات ولا اعرف للفيديو ..
الحين اسوي فيديو ووصويتيات حق العايلة ...
[ والكل يتمنى يتعلم نفس ماتعلمت ]

والحمدلله والمنة .. [ تخصصي عجبني ]~
... وانتي كيفج اختاري اللي تحسين انج تحبينه ...
وراح ترتاحيـن فيه ...

بس قلت لج نبذة عن [ تخصصي ]
واتمنى لج التوفيق في كل امورك يالغلا .. ْ~

 

[الـــ ج ــووود]

فطوووم >

تسلمييييييين حياتي وماقصرتي,,

 

[الـــ ج ــووود]

استثنائيه ..
مشاركتج اسعدتني..
بس مادري رياض اطفال يقولون الوظيفه تعب ؟

 

[الـــ ج ــووود]

بنت التكنولوجيا

تسلمييين حياتي ع مساعدتج لي ..

بس المقابله الشخصيه مالت الاسلاميه ؟ شلون صايره ؟

انا مثلج لآخر لحظه كنت مسجله تكنولوجيا بس
قالولي ماتصلح لج وتصيرين هامشيه بالمدرسه مع اني حابه هالتخصص ..

 

[الـــ ج ــووود]

بس اللي عندها علم ..
ابي اعرف المقابله الشخصيه مالت الاسلاميه شلوون ..؟

والحين انا خلاص سجلت كل شي انطر القبوول شهر 9

في مجال احوول من تخصص لتخصص ووشلوون ؟؟

 

[ليالي العاشقين]

حبيبتي ... كل تخصص له ايجابياته وسلبياته...
وفي مجال تحولين ... بس ماعتقد يفتحون تخصصات .. غير الي
فاتحينهم الحين ...
واذا بتحولين من تخصص لي تخصص لازم يكون معدل 2.50
او 3 ...

 

[~ Spoil Girl~]

انا مع ليالي كل تخصص له ايجابياته وسلبياته.....خليج علي الاسلاميه صدقيني دين ودنيا