بميزان اعماله الل يرد اطلق وله ارد

[؛؛sokrrah؛؛]

السلام عليكم ورحمة الله وبركاته

انا متزوجه وعندي ياهلين الله يخليهم لي

وزوجي طبعا واحد مايهتم فينا كلش كلش اربع وعشرين ساعه بالدوانيه
و يقعد عندي ولا عند عياله نص ساعه ساعه اذا طول ولا يخليني اطلع و لايطلعني الا قليل جدا جدا

وحتى مع اهلي مانعني من الطلعة
المهم
اهو بالدوام وانا اشتغل بالمدرسة
قالي طلعي ورقة انا نسيتها بجنطتي وهو يبيها قالي بمر اخذها خلي الفراشه تحطها عند الحارس طلعت وحطيتها عند الحارس مالقيت فراشه بوجهي
وله يدق علي ويقول انه سال الحارس وانه انتي اللي معطيته
ويسبني سب ويقولي يالبقره يا الحماره يالخايسه ياللي ماتستحين
قلت له شفيها اذا حطيتها عند طاوله الحارس وقلت اذا جا بابا عطه خو الحارس اهو جدامك يشيل اغراضي ويصلهم لي سيارتك وليش تسبني جذي حرام عليك هذا مو اسلوب
ويلعن فيني والله قعدت ابجي عند الاداره والناظره وحالتي حاله

المهم يوم رديت وله امه موجوده اهي وحماتي
وحماتي هذي اي شي على طول لرجلي يعني مشاكل االدنيا من سبتها
والله يبنات انه انا اطبخ غداي وعشاي وحتى عيالي مايرضون انزلهم احطهم فوق عند الخدامه بروحهم
المهم قالت لي خالتي ليش ماتوقفين بنتج الصغيره
قلت لها خالتي عمرها شهرين توها على القعده
جان تقول لي انتي نومانه ماتدرين عن بنتج
قلت خالتي انا نومانه انا والله ما انام الا ساعه ولا ساعتين باليوم اروح فوق اطبخ الغدا وانا ارضع بنتي طبيعي شلون مادري عنها وتقولين لي نومانه
وعقبها سولفنا انا وخالتي عاادي ورحت فوق

يوم صعدة فوق
ولا حماتي رايحه قايله لزوجي اني راددت امه

ويجي يكفخني ويطقني بالعقال ويمجع شعري ويطقني باللعبه وتكسرت براسي

ولمه راح دقيت على اخوي وجا خذاني

شرايكم بالظلم مع اني والله قلت لها كلام بسيط رديت على قد الكلمة ؟؟

ودق على ابوي قال اللي جابها يردها ماراح اردها

شرايكم اخلي اخوي يردني عشان عيالي ولا احقره؟
مادري شسوي اخلي ابوي يكلمه
وله نخليهم يولون
ماااعرف شسوي ؟؟
ولا اقول والله ماراح ارد الا برضوه

 

[فلنتينو]

الله يعينج
والله مادري شقولج
انشاللله يفيدونج البنات

 

[Petite]

والله ما أدري شقولج

الله يهديه ويحنن القلوب

 

[ام شووووق]

والله ضاق خلقي الله يعين قلبج

انا مااشجع الطلاق نهائيا بس دامج طلعتي من البيت وهذا حقج عقب الضرب والاهانه

لاتردينله الا معززة مكرمه ريلج شكله تفاجأ من رده فعلج وهو ترى يكابر يوم قالج اللي طلعج هو اللي يردج

انتي ماشالله مدرسه عندج ابو وعندج اخوان لازم يوقفونه عند حده

يمكن السالفه تطول بس مصيره ريلج يطخ واذا صار ماصار لا سمح الله عيالج قانونا بحضانتج وتقدرين تصرفين عليهم

وغصب عنه يمشيلهم نفقه وانتي معززة مكرمه

السالفه بس يبيلها صبر اصبري ان الله مع الصابرين

اقري سورة البقرة واستغفري قد ماتقدرين بتشوفين شلون الله بيقلب حالج من حال الى حال

 

[ام احلى خلودى]

الله يعينج يااارب ويصبر قلبج

 

[nadoooy]

شوفي حبوبة اولا انتي ادرى ببيتج وريلج واهله يعني مانقول لج تطلقي بس مو معقولة عدم الاحترام هذا بعد منه ومشاكل من اهله ومدت ايده عليج يعني خلي اخوج ولا ابوج يتفاهم وياه يقولون له بنتنا عاشت معززة مكرمة مانسمح لحد يمد ايده عليها او امج تكلم امه دام عيالج وخدامتج وياج قعدي يا تردين بكرامتج يا بلاها من رده فوق الطق والسب والاهانات بعد تردين وين كرامتج واشلون يحترمج هو او اهله ليش ما تطلعين ببيت بروحكم يمكن يتعدل

 

[الينبوعة]

انا اقول انتضري شوية واصبري حتى يعرف قدرج وما يعيدها مرة ثانية خلي هو يجي حقج ويراضيج لانةهو الغلطان ​

 

[ليموني]

والله مالومج شي يحررررررررر

ومالت على حماتج ربي لايوفقها

كل هالمشاكل لانها محتره منج

والله انا لو مكانج ماارجع يطقني على كلمه قلتها

انا خالتي قالتلي نفس كلامج ليش ماتوقفين بنتج قلتلها صغيره حتى زوجي موجود

قالت لا مايصير انتي ماتشيلينها ماتوقفينها قلت اي عادي توالناس عمرها شهرين

جان تسكت ماصار شي كلها سوالف

انا اقولج حماتج يمكن قالت انج قلتي شي ثاني مانقلت الحجي صح

والزوج مايصبر على فراق عياله

اذا ماحبني عالاقل يحترمني انا ام عياله

ويحط خط احمر بينج وبين حماتج لاتتدخل شي يقهر لو انتي عيوبه وخبيثه يخافون منج ويحسبولج الف حساب

والطيب ماله نصيب والردي حظه يكسر الصخر

انتي كيفج انا قلتلج رايي من حرتي عليج



ولا انا ماحب ادخل فالامور لانج ادري بيتج واخاف اقولج راي يايتحمل الصواب او الخطا

والله يوققج ويهدي زوجج وعسى خالتج الله يهديها وتصلح بينكم من بعد رب العالمين

ولاحول ولا قوة الا بالله

 

[قاهره عذالي]

انا اقول
كلميه
وقولي له
انا ما راددت امك ولا غلطت
امك قالت عني نومانه
ودافعت وقلت انا على طول بنتي معاي ارضعها
هي ماخذه فكره غلط عني وصححتها لها
بس
وانك ظالم
وحسبي الله ونعم الوكيل
احقريه ليمه هو يجي من نفسه ياخذج

 

[SOKAR MALE7♥]

♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥
مع نادوي مو طلاق لا خلي احد من اهلج يكلمه

دمتي بود .. ♥​

 

[الشامخة بوطنها]

الله يكون غي عونج ويفرج كربتج ويهدي زوجج انا مااشجعج على الطلاق لان عندج اعيال حاولي تخلين احد من اخوانج يكلمة ويتفاهم معاه بس بهدوء ان ماله حق يمد ايدة عليج الله يهدية ويصبرج

 

[Tulips]

قوليله ما ارد الا تسكني بشقه بعيده عن اهلك

 

[أميرة زوجي أنا]

ربي يسخرة لج

 

[Čut!e Quèéи]

انتي اشلون عايشه مع واحد همجي جذي !!!
اسفه لاني قلت هالكلمه بس هذا المسطلح الي يناسبه
الصراحه معروفه عند الرياييل الي يمد ايده على مره
لا تسكتين خلي الرياجييل يتفاهمون معاه وين ابوج واخوانج ؟
خليهم يكلمونه ويوقفونه عند حده عيب عليه الي يسويه مايستحي
اهو عارف اخلاقج المفروض واثق انج ما تسوينها وتراددين امه
اعوذ بالله ع الاقل اسأل قول يا فلانه صج انتي قايله لامي كذا وكذا
مو على طول يطقج كأنج نعجه اسفه على الكلمه بس هذا الي اشوفه من كلامج
الله يهديه ويصبرج عليج
كلمي الرياييل يوقفون بوجه

 

[*ريما*]

الله يهدية

 

[اكابر]

خلج افبيت اهلج .. وحتى لو طالت المده .. اهم شي تكونين مرتاحه وشلج بالمشاكل بس طلاق نصيحه لا تتطلقين .. عالاقل اسمج متزوجه حتى لو قاعده افبيت اهلج عشان عيالج .. وعشان هالمجتمع الردي اللي ينظر للمطلقه بأنها مجرمه ..

لا تردين له الا بشروووط ولا تشرطين لين اهوا بنفسه ايي ويقول ابي اردج .. نصيحه لا تتصلين عليه وتنزلين من مستواج له ..

لانه حييل تمادى معاج ..

 

[njoom1]

صراحه المفروض اهلج يقفونه عند حده
يمشي ويطقج والله بس عشان اخته قاطت له سالفه باذونه
المفروض حزتها تروحين تاخذين تقرير طبي مادري شسمه وتروحين المخفر ويا اهلج تخلونه يكتب تعهد انه مايجييييسج

 

[زينبو]

لا حبيبتي الله يفرجها ان شاءالله طولي بالج ..

وريلج اذا يسوي جذي من الغيره الزايده ترى بالشرع المرة اللي تصبر على غيرة زوجها لها مكانه كبيرة ان شاءالله فيعني هذا شي وارد بالدين ان الريال ممكن يكون شديد بهالشي والمرة تتأذى

الله يعوضج بعيالج قولي امين

 

[ريتااجي]

الله يهديه

ولاتطلقي بس قولي له ماارد الا بشروط

ومن شروطج إنه مايمد يده عليج وخلي ابوج يكلمه على مدة اليد عشان مايعيدها

وإنج تبين شقة بروحج طالما الخدامة هيه اللي تجلس مع عيالج ومايرضون تنزليهم فخلاص مافي شي يخليج

تستحملي تسكنين معاهم في بيت واحد​

 

[جديده 1]

والله توقيعج غريب !!

ماعلينا .. كل شي يهون الا طق المرأه .. نصيحتي لج لاتردين .. اول شي خليه يتوهق بعياله و لا يابهم قطهم عندج رديهم خلي يعرف شنو قيمتج .. و خلي امه و لا اخته الملسونه تطبخ له غدا ولا عشى و تنظف له ملابس و تخم و تنظيف البيت !

انتي زعلتي و طلعتي من البيت .. صدقيني لو هوشه عاديه قلتلج ردي زعلي ببيتج .. بس دام طقج جنه قاعد يطقله ريال بالعقال و تمجع و كسر اللعبه على راسج انا اقول خليه ياكل تبن " سوري عالكلمه " .. خليه اييج للبيت و يعتذر لج و يعطيج رضاوه فلوس سفره اي شي عشان ثاني مره مايكررها .. اما من بعد كل هالتكوفن و بتردين له عالساهل صدقيني راح يتكرر هالامر واااااااااايد

اهم شي لاتردين عليه لا مكالمات ولا مسجات .. قفلي موبايلج .. خلي التواصل مع ابوج ولا اخوج يعني مع رياييل .. حتى امه لو دقت على امج خلي امج تقولها تفاهموا مع ابونا .. هذي نصيحتي .. ممكن صح و ممكن خطأ انتي وزني الامور .