بموووووت من الحكه بيز الي عندها حل بدعيلها من قلبي

[shoshowoo]

شلونكم كروشاتصارلي اسبوعين معاي حساااااسيه وحكه بريلي الثنتين بالساق من ورا حطيت نشا مافاد رحت حق دكتوري عطاني دهان وحبوب بس ماااااكو فايده صج صج ذابحتني الحكه انا الحين باخر السابع داشه الثامن في وحده صار معاها جذي ولقت له علاج لان قمت احس ان حتى بفخوذي قام يصير بعد

 

[منيرة العتيبي]

عليك بزيت زيتون دهني فيه وادعيلي

 

[رتبه دبلوماسيه]

مادري والله

 

[دلوعة مبارك]

انا قبل كنت نفسج بس كنت احك وكانت هاااذي اكبر غلطة ارتكبتهاااااا ..... حاولي تستخدمين كريمات زيت زيتون عشااااان يخف عنج ....

 

[shoshowoo]

ان شالله ينفعني ويخفف علي زيت الزيتون فديتكم خواتي

 

[نفوش]

لا تحكينه تزيد مع الحكه ومثل ماقالو البنات زيت الزيتون زين

وارقي نفسج حبوبة

وماكو الا الخير ان شاء الله

 

[q8helwa]

الله يشافيج انشالله

 

[بناااوي]

حياتي يمكن عندج اخزيمات الجبد مرتفعه عندج
انا صار معاااي جذي وولدووووني لانه خطر عالبيبي كانت فيني حكه مت منها
اخذوا على وظائف الجبد لقوا الانزيمات مرتفعه وولدونبي عالطوووول

 

[shoshowoo]

بناوي الحكه كانت بمكان واحد وانتشرت ولا تمت مكان واحد اقصد صارت بايدج وريلج والظهر انا كانت بس ريلي الحين باديه بايدي
وباي شهر كنتي
دكتوري قالي ان زادت تعالي والحين صج بموووت منها

 

[بناااوي]

كان بكل مكان احك جسمي وكنت بأول التاسع وكان في بجري
وتكرمين كان البول عندي لونه غااااامج
والانزيمات تجي بالسابع بعد وحده اعرفها كانت بالسابع ونوموها بالمستشفى
ولدوها بس مااذكر باي شهر ولدت عندهم لانها طولت بس نصيحه اخذي على انزيمات االجبد
وماالج شر ان شاء الله

 

[HmS al JaLiD]

مادري والله

 

[GOLDEN_FISH]

حبيبتي هذي حساسيه حمل انا طالع لي بريولي القدم والساق شي خيال يقعدني من النووم واقعد بس احك الدكتور عطاني حبوب حساسيه وشوي خف بس مو ١٠٠./.

 

[Lady-_-fushia]

الحكه لها اكثر من سبب ومسبب للحامل

ممكن تكون لتمدد الجلد و ممكن تكون حساسيه اكل
وممكن تكون انزيمات الكبد و ممكن انها من كريمات لان الجلد يكون حيل حساس وقت الحمال

انا طلع معاي مثل الطفح الجلدي
كان على بطني اول شي و بغيت اموت من الحكه ماقدر حتى البس هدوم

طبعا طلع له اكثر من سبب اللي صار وياي

وبدا من السادس يمكن

المهم طلعت حساسيه اكل
و قبلها من اول ما حملت صار معاي اكزيما بايدي

و انا كانت اقوا حساسيتي اللي ببطني من السمج المشوي
و كليت منه جان تزيد طلعت بصدري و بايدي و اللي بريلي كانت اخف شي

بس وصفولي زيرتك و هديت كل شي من الاكل يسوي حساسيه حتى كريمي مال التمدد الجلدي هديته وقتها لان وصفولي كريم ثاني

عاد قريت عن اللي صار وياي و فعلا اهي حساسيه من الاكل و من الكريمات تزيدها


انا تركت البيض و السمج و كل شي فيه فلفل و البهارات اللي اوفر والبيديان و المانجا
ادري بتقولين ماظل شي هههههه بس ولا هالحكه اللي تموووت

عموما لما سويت جذي حمدلله راحت واااااااااااااايد
بس كنت اتعب لي تسبحت الماي الحار كان يهيجها واللي قريته يقولج لا تغسلين مكانها بماي حار خليه بارد و لا تستخدمين لا صابون معطر لمكان الحساسيه و لا كريم معطر

في كريم اسمه لانولين و بعد عندهم صابونه
انا استخدمت كريمهم وصفتلي اياه دكتورتي واااااااااااااايد فادني

بس الحين عفست روحي مره ثانيه
كليت شغله فيها فلفل و لا بعد رديت حق كريم بالمرز اللي كنت مداومه عليه من الرابع لي السادس و بس عقب وقفته و صراحه عجيب
بس ماقدر احطه الحين مع حساسيتي يزيدها

الحين ردت الحساسيه اللي ببطني و بس قاعده احاول انتبه لاكلي مره ثانيه و قاعده استخدم الكريم لانولين
و اذا ماخفت بقول لدكتورتي موعدي الياي يمكن يعطوني دوا ثاني


وفي شغله ان اذا حساسيه ترا ماتضر البيبي

بس اعتقد اللي تصير في انزيمات الكبد واهي نادره هذي مضره وايد
وفي شغله تصير مثل الهيربس تطلع حبوب ومثل فيهم ماي بس اهو مو هيربس يسمونه شغله جذي لان يشابهه


روحي طبيب جلديه و لاتحطين شي يزيدها و تتحسفين عقب والله صج
اصلا انا ماقدر الا على الكريم الخفيف اي شي ثقيل يذبحني

والله يخفف عنج

 

[الخزامه]

عليج بزيت الزيتون وماتشوفين شر ان شاءالله

 

[shoshowoo]

حبيباتي مشكورين عالردود بس الزيت الزيتون ماااافادني
ليدي فوشيا الله يكون بعونج بس انا الي متاكده منه ان مو من اكل لاني ماكليت شي يديد ولا كليت شي يسبب حساسيه
ولله اني اموووت من الحكه خصوصا بالليل ماقمت ادهن ساقي كلش والدكتور عطاني كريم فنستين وحبوب بس ماسولي شي برجع له وبشوف شنو يعطيني صج تعبت

 

[kitty eyes]

سوي تحليل وظائف الكبد علشان تتطمنين اكثر

وان شاء الله ما فيج الا العافية