بموت من القهر !! دخلو شوفو شصار فيني بليز :(

[تمطاف]

السلام عليكم بنات

شلونكم !

مابي اطول عليكم بقولكم السالفة باختصار ..

انا شارية جنطة Lv البيضة اللي فيها الحروف الملونة و انا البس عباية ..

ما صار لها معاي شهر !

امس اشوف و لا فيها صبغة على الاطراف و مكان القضبة صار غامج

صار شكلها مو حلو و يلوع الجبد و مادري اذا استعملتها بعد شهر شنو بيصير فيها !

المهم انا شاريتها بالقيمة الفلانية و سئلت بنت عمتي تقول ان الجلد الطبيعي ما يروح

شنو اسوي ؟؟

بليز بنات ابي حل منو صار لها هالموقف ؟؟

لا تحقروني الله عليكم

 

[ميمي777]

رد : بموت من القهر !! دخلو شوفو شصار فيني بليز

اب لعيونج

انا مثلج كان عندي روكو بروكو بيضا وتغير لونها مع الاستعمال وديتها مصبغه لما يأست من تنظيفها جان يرجعها بوصخها

 

[مغرورة بتواضعي]

رد : بموت من القهر !! دخلو شوفو شصار فيني بليز

اكره شي اسمه جناط بيضة وانتي الله يهداج جان اخذتي لون ثاني
اب اب

 

[الذبانه الحايره]

يا تروحين .. لمصبغه متخصصه للجناط تنضفهم لج ..

وأكيد بتاخذ منج المبلغ الفلاني. .

ونصيحتي ... سفنجه لييييينه .. او كلنكس وشوية شامبو جونسن ... ومو تفكرني لا .. شوي شوي ..

ويروح ..
انا أسويهم بجناطي .. ( بس مو ماركات قويه ... إذا ذبحت عمرها 80 دينار. . بس

ويروح سواد العبايه ..

 

[أم حمد =)]

مره قريت بالجريدة ان اكو محل متخصص بتنظيف الاشياء الثمينه بس مادري شسمه :/ وينظفون الاكسسوارات بس جناط مادري ..

ان شالله البنات يساعدونج ..

 

[حلآوهـ حمرهـ]

هذا عيب الجنااط البييض ~ اختي عندها من بربري وهم صار لها نفس الشي قالها اللي يشتغل منااك رجعيها لي وبدليها بجنطه من الكوليكشن اليدييد


اذا جنطتج ماركه اصليه دقي على محل لويس فويتون وساليهم اذا يصير تردينها لهم او لا ~ او حتى وانتي خاطفه على محلاتهم ساليهم لانه هم ياخذون هالجنااط ويغسلونها ويردونها يديده ويبيعونها بالاوت ليت بنص السعر

 

[chanel N22]

فيه شركه تنظف الجناط الماركه بس ماعندي رقمها حبيت ارفعلج الموضوع

 

[جوك احلى جو]

مادري اخاف اقولج جربي مزيل مكياج ا تنظيف فرش الميكب وتدعين علي

 

[تمطاف]

مشكورين بنااااااات ..

انا خذيت البيضة لان البس عبي فمابي اكون اسود بأسود و الجنطة كانت عاجبتني و اول مرة اخذ شي ماركة فما اعرف بسوالف الجلد الطبيعي

مشكورين بنات بس ابي شي اكيد و مضمون و ما اخرب الجنطة فيه

مع العلم اني جربت قلم التايد اللي ينظف و محاية و ماكو فايدة

بليز بنات اللي حاشها هالموقف لا تبخل علي ,,

 

[تمطاف]

بنات انا الجنطة ماخذتها من باريس يصير اروح Lv اللي بالصالحية و اقولهم مشكلتي ؟؟

 

[يا قلبي لا تحزن]

رد : بموت من القهر !! دخلو شوفو شصار فيني بليز

الجنطه البيضه داااااااايم جذي
لاتشرين جناط بيضه تري تبتلشين

 

[عشق ذاتي]

رد : بموت من القهر !! دخلو شوفو شصار فيني بليز

بالبنات ساعدوج وما قصروا....~

 

[عيارة]

حبيبتي تقدرين تاخذينها حق lv الصالحية واذا تبين رقم مصبغة تغسل الجناط عندي الرقم بس مو مجربتهم 25721115 ودقي سأليهم

 

[MoonDiamond]

رد: رد : بموت من القهر !! دخلو شوفو شصار فيني بليز

والله انا عندي جنطه غوشي رمادي باسود
وهم طبع العبايه على لون الرمادي ولا راح وحاااااااااااولت كل شي بس ماراح

 

[تمطاف]

مشكورين و يعطيكم الف عافية ما قصرتو حبايبي

 

[ba6re8a]

انا كان عندي جنطتي جذي اوف وايت قوتشي صارت سووووووووووووده عيزن وانا احاول انظفها ماكو فايده

 

[Tom ♥ Jerry]

.

اصليه و لا تقليد
مآ آعتقد الاصليه يصير فيها جي بفتره قصيره ؟

 

[غربــــة اِحساس]

كل الجناط الفاتحه خاصة البيضا والبيج يصير لهم جذي


صرت اتردد لما اشتري هالالوان ..

جربتوا مصابغ الجناط؟؟!!

 

[đeɱɛɼɑ™]

حبيبتي شي طبيعي اذا بيضة تتوصخ
خاصة اذا مع العبآية ..

المهم بس حبيت اقولج انه ال في بالعكس كل ماا غمج جلد الجنطة كل ما صارت احسن ومعتقة
وهذا يدل على انهآ اصلية .. لانه هذي طبيعة الجلد الاصلي ..
وتقدرين تسئلين البوتيك بهالشغلة ..
وسوي مثل ما قلتي روحي حق فرع الصآلحية وان شاء الله يفيدونج اكثر لانهم اكيد خبرة

 

[kwt9090]

يبيعون بمحل aldo شغله حق الجناط البيضه انا مرة شريت منهم جنطه بيضه و قالولي عنه و شريته اهو سائل ينظف الجناط

جربيه يمكن يفيد وياج