بلييييز ساعدوني بأفكار لتجهيز بعد النفاس

[زوجة مقهورة]

السلام عليكم

يعطيكم العافية حبيباتي

اول مرة اكتب موضوع فرفقاً بي هههههههههه

حبييييييت وودي تساعووووووووني

العنوان وااااااااااضح ابي مساعدتكم للتجهيز بعد الاربعين

ابي نيولوك عجيييييب

مترددة بصبغ الشعر

مابي اقصه

وابي حركات يديدة للجسم من حنه او اشياء ما ندري عنها

ابي من وين نشتري احسن القمصان

وشنو نحتاج بعد

اعتبروني اختكم والصراحه غبية بهالسوالف

ابي اكسب زوجي بعد النفاس مابيه يبعد اكثر

يارب يوفق كل وحدة ترد علي وتساعدني​

 

[دلوعت مودها]

انا بعد محتاره ابي احد يعلمني من وين اخذ دراريع والبدله لطلعتي يليت البنات يفيدونا...
بس من ناحية الصبغ صبغي شعرج لون عكس الوانج المعتاده اذا كان غامج فتحيه حيل والعكس
والقص اذا ريلج يحب الطويل لاتقصينه بس اذا عادي قصي قصه غريبه انا جذي بسوي
وحطي خلطات حق جسمج توحد اللون لان الجسم صاير مرقع (الحمدلله على كل حال)
استعملي الخلطه الصابونيه تهبل تنعم وتوحد الجسم وشقري جسمج كله
وسوي تاتو المؤقت تلقين رقمهم بمجله الاعلانات حلووو يهبل انا ماجربته بس يمدحونه وحركه غريبه ختسويلج اخر الظهر
اذا تذكرت شي برد لج,,,

 

[دلوعت مودها]

اب اب

 

[المسكـ]

بنات في تجمع لطلعة الاربعين دشوا هناك يمكن تلاقون اجوبه لاستفساراتكم

 

[~LiBrA~]

صح التجمع لطلعة الاربعين كل شي فيه

بالنسبه للقمصان روحي الايوب تحصلين كل شي فيه

وابدي خلطات حق ويهج وجسمج من الحين

صبغي شعرج وقصيه قصه غريبه بس لا تقصرين طوله اذا تبينه طويل

غيري عطوراتج لا تستخدمين عطورج القديمه

اهتمي بالمنطقه الحساسه من سوالف تفتيح وتضييج

غيري لوكج بالبيت يهني اذا اول كله دراريع وهالسوالف

لبسي بالبيت شورتات واذا بالشتا تريننقات وهالسوالف الكل يعرفلها

وانشالله زوجج ما يشوف غيرج يارب

 

[غرام القمة]

راح اقووولكم واظبطكم بس بكرة باذن الله لان حديييييي بناممممممم

 

[زوجة مقهورة]

مشكورييييين على الرد

شوقتيني غرام القمة ناطرتج

انا شفت التجمع بس احس يبييييله وقت اقرى كل الصفحات واخاف الافكار قديمة نبي شي عالموضه

 

[زوجة مقهورة]

يالله بنات وين ردودكم حدي متصرقعة من التجهيز واحاتي النيولوك

 

[نور ونوير]

حبيبتي اول شي حمدلله ع سلاااامتج ومبروك مايبتي عموما الوحده عقب الاربعين تحلااا انتي الي عليج نفس ماقالو البنات صبغي وقصي وحطي مكياج ثقيل ولبسي عدسات فاااتحه وحطي لصقات ملونه ع اظافيرج ووووبس هذا عندي واهم شي الرووح الحلوه والابتسااااامه والله يوووفقج

 

[زوجة مقهورة]

فديتج نور ونوير ما قصرتي يا حياتي. وفكرة اللزقات على الاظافر يديدة بالنسبة لي مشكووووووورة

 

[الـزين و الجـود]

طالعه من الشر مقدما انا معاااج ولدنا مع بعض ونطلع مع بعض (;
بالنسبه لي صار يومين استعمل خلطة الكريمات السبعه عشان اوحد لوني والدكتوره كتبت لي كريم لترهلات مرتين باليوم توني مبلشه فيه بعد(;
طلبت خلطة مزيونه وشقرا وان شاء الله بس يصير لي 30 *اسوي لي برنامج بالصالون واقص شعري مدرج على طووله واخصله ثلجي لان شعري بوني وعندي بخااخ سبري تاتو بس اشتري الشكل اللي ابيه مااحتاج نقش (;
والله يعيينا على فرارة السوق اذا عني انا عروس ماصار.لي سنه واغلب قمصاني مالبستهم بس يبي لي بدل كشخه وبجامات وسوالف النكهات وعطور.صج معرض العطوث بيفتوحنه لا يطوفج اخذي لج 3 عطور ع الاقل (;*

 

[زوجة مقهورة]

صاجه ننوس الله يعينا على السوق

 

[تبطي عظم!]

زوجه انا بعد وياكم لوووول

توني طلبت قمصان من لامودا ستور بس الطلب كله وصلني غير

اول شيء اللون مو الي طالبته ولا القياس وفي واحد طالبته وماجابته !!


اتمنى ترد علي لان صج تضايقة من هالشيء اذا مو متوفرين ليش اطرشهم !!! حدي متضاايقه مو كبري واحد سمول والثاني اكس لارج

وانا طالبه لارج !!!!!!!


المهم

البجايم ماكس عنده شغلات حلوه واسعاره مناسبه لنا احنى لان النفاس بتجهزين شغلات شكثر

العطور اشتري شيء ماجربتيه انصحج بعطر فندي وعطر ch وقوتشي عجيبين

المكياج غيري الالوان الي معتده تحطينها وحطي الوان غيرها

شعرج اممممم لان انا مابي اصبغ ولا اقص فكلش ماعندي اي فكره اقطر افيدج فيها

الخلطات انا حالتي صعبه يوم ادهن وعشره لا مالي خلق

لا بعد الحين ريضه صخه ونشله واحتقان وصدري متنك فكلش مالي خلق !

 

[زوجة مقهورة]

فدييييييتج تبطي ما تشوفين شر يا عمري

من ناحية لا مودا بنات وايد سوت معاهم هالحركة الله يستر عندها شغلات اعجبتني بس خايفة اطلبهم من هالاغلاط

روحة السوق احااااااتييييييها واااااااايد حتى الصالون اعيالي وين احطهم ٣ ما شاء الله

اهم شي اصغر اثنين اكبير عادي اخليه عند حمولتي بس الصغار صعبة وصعبة اخذ الصغيرووووونه معاي السوق مادري

 

[قلبش]

99119590 هذا صالون خدمة منازل خذيت عندهم برنامج نفاس حمام ملكي وتبييض وتنظيف بشره وشيره وتشقير جسم وبديكير منكير وسشوار وحواجب وماذكر شنو بعد كله ب 50 دينار وشغلهم نظييييف انصحج فيهم عن تجربه

 

[M!SS.LOBY]

كشخي وصبغي وقصي شعرج ولا تنسين البدل والدراريع مع الاكسسورات

 

[*مطبخ الذواقة*]

خووش موضوع

يبيله بعد نروح لتجمع الأربعين نشوف أفكارهم

 

[*مطبخ الذواقة*]

أكثر شي يغير المره الشعر

غيري التسريحة تماما

قصي قصه جريئة ومميزه وصبغي ألوان تناسبج

وخلي أول شوفه لج كأنج عروس

راح ينطبع هالمشهد براسه دايما