بلييييز اسرع فيزا شنغن

[re78em]

:eh_s(2):حبيباتي خواتي انا حجزي الي ميلان 3/7 ولي الحين ماسويت فيزا ابي شنغن بس مالقيت احد يخلصها بسرعه كله بعد 15 يوم بس ماادري عن النمساويه والايطاليه ياليت الي تعرف اتفيدني جزاها الله خير تراى خدمه انسانيه اذا ماساعدتوني راح تتكنسل سفرتي

 

[re78em]

خواتي وينكم معقوله محد عنده خبر عن هالموضوع

 

[jen2n]

الاسبانيه شفتيها؟

 

[فواصل]

شوفي اي سفارة تقدر تخلصها لج قريب

مب شرط الايطالية ممكن اي سفارة اوروبية ماعدا بريطانيا

 

[re78em]

جزاكم الله خير ال رديتوا بس ابي احد جرب وسوي فيزا بسرعه

 

[jen2n]

حبيبتي سويها عن طريق المكتب اكيد راح يخلصونج بسرعه

والاسبانيه يقولون عنها بسرعه

اصلا مستغربه يقولون لكم بعد اسبوعين انا اعرف ان الفيزا لازم تطلع قبل موعد السفره!

 

[نداااوي]

روحي على مكتب القبس وادفعي مبلغ 30 أو 20 دينار مستعجل

 

[re78em]

كلمنا واحد وقال اخلصها لكم على الاسبانيه خلال خمس ايام بس خايفه ايتنيحسون لنا الالمان لانه قالولنا ناس بالمانيا على حسب الموظف فيه واحد يمشي وواحد لا وزوجي ملتحي اخاف يردونا لانه سبق وحجزنا سياره من مطار ميونخ واحنا بالكويت ويوم جينا بنستلم جان يشوفون زوجي ورفضوا يعطونه السياره مع انه حجزه مؤكد عندهم بس جذي نحاسه منو جربت تدخل المانيا بالفيزا الاسبانيه الشنغن ياليت اتقولي تجربتها وسامحوني لعوزتكم معاي*

 

[re78em]

ايه نسيت قولكم غيرت حجزي من ميلان الي فرانك فورت

 

[[ Ms RoRo ]]

لازم الفيزا من سفاره الديره اللي بتروحون لها


يمكن ما يقولون لكم شي اذا طلعتوها من سفاره ثانيه
بس خوفج يتنيحسون و يرجعونكم
اذكر العام اكتبوا بالجريده ان لازم من نفس سفاره الديره

 

[Samurai]

روحي مكتب القبس المفوض الرسمي لفيزا الالمانيه
الفيزا الالمانيه ما تاخذ اكثر من اسبوع ان شاءالله
واستخيري وشوفي. امورج شلون تتسهل
*قدمي اوراقج كامله

 

[فواصل]

انا اللي اعرفه عادي مب شرط الفيزا نفس البلدا للي تروحين له

 

[re78em]

جزاكم الله خير خواتي وماقصرتوا انا توكلت وقدمت على الاسبانيه والله يكتب الي فيه الخير واشكركم من كل قلبي *

 

[أم حمادين]

الله يعينج ويعيني إحنا السفريات نفسها خذوا جوازاتنا بصير لنا تقريبا شهر وللحين ماطلعت

 

[smaillips]

السلام عليكم انا فيزتي سويتها من الالمانيه بس حجزت علي فيينا وانا حاليا بفيينا ولما دخلت المطار عادي ما قالو شي والفيزا اخذت عشر ايام وخلصت والله يسهل دربج.

 

[re78em]

الله يطمنج حبيبتي ويسر لج سفرتج تروحين وتردين بالسلامه واشكر لج مشاركتج يالغاليه

 

[رهف ورهش]

وانا بعد بروح فرنسا بس3-7 وماادري شسوي الفيزا الفرنسيه يبيلها 20 يوم وخايفه اغامر باي سفاره ثانيه واتوهق وخصوصا ان عيالي معاي ياريت اذا وحده مجربه هالسنه وراحت فرنسا بفيزا من دوله ثانيه تقولي.....