بليييز علاج حق الهبوط

[srsr]

شلونكم حبيباتي وخواتي الحلوين

انا فيني هبوط ونتيجته الم فظيييييع بالراس لدرجة انه جبدي تلوع منه

بلييييز اللى تعرف حل او دوا اعالج هل المرض اتفيدني واكون شاكرة لها ​

 

[نووووونا]

الف سلامه يالغاليه

هبوط تقصدين هبوط بضغط الدم!!

ناتج عن هبوط فى ضغط الدم عن المعدل الطبيعى وهو 120 على 80 ويرتفع حسب العمر

يمكن تراجعين اطبيب اذا احتاج الامر يحط لج مغذى واذا كان هبوط خفيف ممكن تشربين لبن

اوسفن اب او روب وشوية ملح والف سلامه

 

[كويتيه420]

انا نفسج ومااترتاح الا لما اشرب لبن اب المالح احس براحه عقبه او بيضه وازيد الملح شوي عليها بس مو وايد لان الزياده لها مضار هذا كلام الدكتور مال المستوصف كل مرهة يقولي جذيه وخذيتها من قاصرها علي ما قالو اهل مصر وصرت اعالج نفسي بس اذا طول اكثر من يوم لا وثم لا لازم اروح للدختر

 

[srsr]

تسلموووون حبايبي على الرد الطيب :aha:​

 

[شندوخه]

انا اكل ككاوه وقلاصين ماي وترى ممكن يكون الهبوط نتيجه لفقر الدم سوي تحليل احسن والله يشفيج

 

[مذهلة كويتيه]

الله يشافيج وانا هم مثل حالتش تعبت لدرجه الدكتور يخاف يقول اخاف تدخلين غيبوبه لان طول معاااااي اسبوع اكل مللللللللللللح مافي فايده وضغطي لما قسته كان 110علي 60 هل هو طبيعي ؟؟؟؟؟؟؟؟؟؟؟ افيدوني ومشكوره عالموضوع اللي يفيد اللي معاهم هبوط ماقصرتي ويشافينا يارب

 

[ii DareeN ii]

سوي تحليل يمكن عندج نقص حديد ولا فيتامين وبوقت الهبوط شربي سفن وحطي وياه ملح ادري طعمه الله يزيده بس هذا الحل او لبن

 

[srsr]

مشكوووورين حبايبي على النصايح
وانا سويت تحليل دم الدم عندي طبيعي بس نسبته عاديه
والله يخليكم لي ولايحرمني منكم وشافي كل مريض يارب:33_1185028183::33_1185028183:

 

[عنايد]

حبيبتي انا اعاني منه بعد

الله يشفيني ويشفيج

كثري من شرب القهوه بكل انواعها نامي ورفعي رجولج فوق اي شي تاكلينه زيدي الملح طبعا بالفتره اللي يهبط فيها تصدقين ان مرات لبن اب مايسوي لي شي لدرجة اني ازيده ملح ولا احس بالطعم وآخذ درب بالمستوصف الدكتوره تقول هذا الدرب ماي وملح عاد مادري صاجه جاذبه؟؟
واهم شي الراحه النفسيه

 

[جولي لولي]

حبيبتي اول شئ ماتشوفين شر ثانيا انا مثلك ورحت لدكتور وبعد الفحص تبين انه فيني نقص حديد والحديد مايوصل للمخ ويصير معاي مثل نقص الاكسجين واحس بنفس الالام وكان علاجي مقويات وسلامتك