بليييز تجارب عيالكم مع القاعدة الحلبيه بأمانه .

[ألماسهABM]

السلام عليكم

عفيه ياأمهات أنقذوووووني ~~~~~

أمس جاب ولدي شهادته والحمدلله تقديره حلو بـــس !!!! العربي والإنجليزي جــيــــــد !

وصرااااحه ودي ياخذ امتياز ، لكني ماأعرف أدرس

حاولت بكل الطرق كله يتدلع علي وماأقدر عليه حبيبي

المهم فكرت أدخله القاعدة الحلبية ( شرايكم فيها ؟؟؟؟؟ )

____________

عفيه أبي تجاربكم مع القاعدة الحلبية ، يعني :-​

متى دخلتوا عيالكم ؟

وبأي فرع لهم (أي منطقه) ؟

وجم أسعارهم ؟

ومتى دوامهم بأي حزه ؟

وشنو الماده اللي جربتوها ؟

وهل بين على عيالكم تقدم من أول شهر ؟ أو متى بين عليهم ؟!!!

وبكل صراحه هل يستاهل أو عاااااادي (العوض ولا القطيعه !) ؟​

أدري طولتها بالأسئله بس والله مالي غيركم

********

عسى الله يخليلكم عيالكم وتفرحون فيهم يارب

* نـاطـــررررررررتكــم *​

 

[غلاي عزوزي]

انا دخلت ولدي السنه الي طافت زينيين نظامهم اي ماده بساعه عندهم ثلاث مواد ااسيه عربي رياضيات انجليزي
من 10 لي 15 طالب بالصف كل واحد تقعد معاه الابله 5 دقايق تفهمه الورقه ويرد مكانه يحل وينسخ ويحفظ وبعدين تردله وهكذا
نظظامهم المنهج السوري ومايبيله مدح
ب شنو الي تعبني التوصيل لازم عالاقل يلتزم معاهم 6 شهور يالله يبين مستواه انا مليت من التوصيل جربت شهر
يعطونه كتاب علي حب مستواه علي اساسه تمشي معاه الابله يعني مو كل الي بالصف نف المسوي بس نفس العمر
ولدي استفاد شويه امكن لانه شهر ومامداه بس تعليمهم بطئ ويبيله وقت واتمرار معاهم
وسلامتج

 

[غلاي عزوزي]

نسيت
الماده ب35 والكتاب ب10 واذا كذا مادة يسولج خصم فتكونين مظطره تاخذين علاقل مادتين لانه مايسوا تودينه وتييبينه بساعه للماده
كان فرع السلام
مرت اخوي جربت القاعده الشاميه تمدحهم حيل وارخص بوايد من الحلبيه
دقيت لقيت اقرب فرع لبيتي قرطبه عجبني شكلي بوديه بالعطله

 

[طاسه حنا]

ان شالله البنات يفيدونج