حمد الرشيد
المختصر المفيد- معظم الطلبة يقولون
5/2.2
ان مستوى الاختبارات صعب
وشرح المدرس شرح متوسط
والأغلبية حصلو على تقدير B
بإختصار لا ننصح به
عدد الطلبة الذين شاركوا في التقييم 14
التقييم ملاحظات الطلبة
- النجوم: لا يستحق نجوم
- المستوى: صعب جدا
- الشرح: شرح غير مفهوم
- حصلت على: C
لا ننصح به
المـادة: اعلام تربوي التاريخ: 2008-09-25
الطالب: dr_911 رقم التقييم: 15503
بصراحه دكتور شي شي بالغيابات والنوم والراحه بس اي شي بالدرجه والشرح والامتحانات,شرحه مو حلو وامتحانه المووت الحمر وحيييييل يرفع بالواحد على الــــــطل وبالنهايه تنصدم منه ,بس اللي يبي حق راحه ويعدي الماده واهو مرتاح خل ياخذ عنده لانه يريح بهالسالفه وبس,ولو تنقز للسما مايعطيك درجه الا طبقا للمثل الشعبي الكويتي الماثور المطبق بكل حياتنا(لي حبتك عيني ما ضــــامـــــك الدهر)
- النجوم: لا يستحق نجوم
- المستوى: صعب جدا
- الشرح: شرح ضعيف
- حصلت على: C
لا ننصح به
المـادة: تطور فكر تربوي التاريخ: 2008-08-06
الطالب: أبلة عربي رقم التقييم: 14857
دكتور .....
كله يسولف و يملق و طول الكورس يحسس انج شاطرة و يطمنج و ما يشرح شرح عدل يعني قعدي نامي احسنلج
بس امتحاناته لو تموتين من الدراسة ما تيينبين درجة زينه عطانا بونص بس 3 درجات
و انا كنت دارسة بس امتحاناته حدها حدها صعبة
لحد ياخذ عنده حتى لو مضطر حسافة عليه اخذوا عند زهاء صويلان تسواه و تسوى أهله نصيحة من إخت لحد ياخذ عنده
احنا شعبتنا 44 طالبة بس 2 يايبين a الغلط من منو أكيد منه مو معقوله كلنا سي والله ظالمنا
- النجوم:
- المستوى: صعب جدا
- الشرح: شرح متوسط
- حصلت على: B
ننصح به
المـادة: تطور فكر تربوي 0820421 التاريخ: 2008-08-06
الطالب: جالسه بحالي رقم التقييم: 14856
الصراحه الدكتور طيب ومحاضرته حلوه بس امتحاناته الله يهداه مدري من وين جايبها صعبه صعبه صعبه موت مو من الكتاب انا كنت ادرس بس الامتحان صعب لكن الدكتور متفهم ويساعد الطلبه وما يشدد على الحضور والغياب و يعطي بوبص بس مشكلته الامتحانات
- النجوم: لا يستحق نجوم
- المستوى: صعب جدا
- الشرح: شرح غير مفهوم
- حصلت على: D
لا ننصح به
المـادة: اعلام تربوي التاريخ: 2008-02-04
الطالب: kuwaity 3sl رقم التقييم: 13095
...........
كتابه كله بدليات من فوق لتحت ..
وامتحاناته معقده بشكل مو طبيعي .. ويموت باللي يرزه بالجرايد والتلفزيون ..
انا متفوق بس هالدكتور حبط فيني مع ان مابقا شي الا وسويته ..الغياب ولا يوم..بس حسبي الله ونعم الوكيل فيه..
- النجوم:
- المستوى: متوسط الصعوبة
- الشرح: شرح ضعيف
- حصلت على: B
لا ننصح به
المـادة: اعلام تربوي التاريخ: 2008-02-01
الطالب: sara رقم التقييم: 13053
صـراحـه وبكـل أمـانه ماده مااستفدت منها بشي و الدكتور
شرحه حيل ضعيف .. غير إنه الكتاب كل فقره تعيد نفسها
بس بإسلوب يختلف شوي .. و الامتحان احنا يانا سهل بس
الطامه الدرجات يعني واثق من نفسك حدك 37 من 50 .. و
طبعا الامتحان ماتشوفه .. .. الزبده طول الكورس مرتاح من
الاوفات و اخر الكورس القريد يكون صدمه !!
- النجوم: لا يستحق نجوم
- المستوى: صعب
- الشرح: شرح متوسط
- حصلت على: B
لا ننصح به
المـادة: اصول تربية 0820222 التاريخ: 2007-12-05
الطالب: VIP رقم التقييم: 12203
شرحة معقد وامتحاناته صعبه وماانصح فيه
- النجوم: لا يستحق نجوم
- المستوى: متوسط الصعوبة
- الشرح: شرح ضعيف
- حصلت على: B
لا ننصح به
المـادة: اعلام تربوي التاريخ: 2007-11-15
الطالب: miss-science رقم التقييم: 12081
شرحه معقد والمادة مالها معنى وبصراحة ما استفدت منه ولا شي وما أنصح فيييييييه نهائيا
- النجوم:
- المستوى: صعب
- الشرح: شرح ممتاز
- حصلت على: A
ننصح به
المـادة: إعلام تربوي التاريخ: 2007-09-09
الطالب: A L - G H A N I M رقم التقييم: 11648
بسم الله الرحمن الرحيم
والله إن الدكتور حمد ورده كليّه التربيه ..
يالتعامل ما شفت أحسن منّه ..
و مثل ما قال المثل "إذا حبّتك عيني ما ضامك الدهر"
و إذا حبّك هـ الدكتور لا تشيل هم طول الكورس ..
و أحلى شي فيه إنه ما يحاسب على الغياب ..
و الوصفه السحريه عشان تاخذ الـ A :
1- إقعد جدام [غرامه إلّي يقعد جدام].
2- شارك و ناقش [يستانس على إلي يتفلسف].
3- إشتغل على البونص [و إلّي يشتغل عدل على البونص إحتمال ياخذ 200% لأن عند دكتور حمد البونص ما له حد]
4- الدكتور وايد ينكّت ..ما أوصيك هـ الله هـ الله بالفصله.
[أنا جذي خذيت الـ A]
[تحذير : إمتحاناته صعبه بشكل مو طبيعي خصوصا الفاينل "ذبحني"]
و سلامتكم ..
- النجوم:
- المستوى: متوسط الصعوبة
- الشرح: شرح متوسط
- حصلت على: A
ننصح به
المـادة: اعلام تربوي التاريخ: 2007-06-05
الطالب: غدير رقم التقييم: 9989
الحمدلله حصلت على a بمجهودي درست الكتاب عدل وحافظت على الحضور مع اني شوي زفت بالامتحان الميد تيرم بس الحمدلله خذيت الامتياز
مع ان البعض قالوا امتحاناته صعبه ومايعطي a بس الحمدلله اثبت العكس
- النجوم:
- المستوى: متوسط الصعوبة
- الشرح: شرح متوسط
- حصلت على: B
لا ننصح به
المـادة: اعلام تربوي التاريخ: 2006-05-08
الطالب: طالبة رقم التقييم: 4089
الدكتور نحيس واول ماتاخذ عنده تتوقع الA بس بالاخر تنصدم ويحب احد يرزة بالجرايد وما انصح احد فيه
- النجوم:
- المستوى: سهل جدا
- الشرح: شرح ممتاز
- حصلت على: A
ننصح به
المـادة: اعلام تربوي التاريخ: 2006-04-21
الطالب: بدر البدور رقم التقييم: 3664
دكتور الصراحه ممتاز ومحاضرته مشوقه يعطيك حقك وتعامله حلو الخسران ما ياخذ عنده انصحكم تاخذون عنده
- النجوم:
- المستوى: متوسط الصعوبة
- الشرح: شرح متوسط
- حصلت على: B
لا ننصح به
المـادة: اعلام تربوي التاريخ: 2006-04-17
الطالب: DR رقم التقييم: 3514
ما انصح احد ياخذ عند هالدكتور
اولا افكاره بالمحاضرة مو مرتبه
يشرح ويسولف وايد بس وايد يطلع عن خط المنهج
المنهج ماله اساسا مو مرتب
لا تشوفون كتابه
مخربط وماتعرفون شتدرسون
وكله اخطاء مطبعية واملائية والواحد يتوهق
حتى لو بيفهمك نقطة ما يعرف يوصل المعلومة يلف ويدور على الفاضي ليما تمل وتقوله اي فهمت
طلب منه نسوي برسنتيشن يخص ظاهر انتشرت اعلاميا وانا عن نفسي سويته بنفسي وتعبت فيه وايد وحطيت شواهد من الجرايد والمواقع وفيديو وصور وتعبت حيل فيه بالاخير ولا كأنه بونص وحطلي B+
مع ان المدتيرمات زينة وحضوري كامل
بس الله يسامحه
- النجوم:
- المستوى: سهل
- الشرح: شرح ممتاز
- حصلت على: A
ننصح به
المـادة: أصول تربية التاريخ: 2005-12-17
الطالب: ميمي رقم التقييم: 1651
يهبببببل الله يعطيه العافية يستاهل كلمة دكتوووووور
- النجوم:
- المستوى: متوسط الصعوبة
- الشرح: شرح جيد جدا
- حصلت على: A
ننصح به
المـادة: تطور الفكر التربوي التاريخ: 2005-08-05
الطالب: تربوية رقم التقييم: 570
دكتور ..متفهم لظروف الطلبة...يساعد الكل بالقدر المعقول...يبث روح التفاؤل بين طلبته...
اسأل الله له التوفيق والسداد بالدنيا والآخرة..
