بليـــــــز اول حمال لي ومو عارف

[شباصة حمرا]

صباح الخير ومساء الخير على الجميع


بنات انا بشهري الخامس اول 3 اشهر عطوني حمض الفوليك واستمريت بس مو وايد وقطعته بالرابع

عطوني حبوب حديد وكالسيوم وماني منتظمه عليهم يوم اكل وعشره لا


انا مااستمريت بالحبوب لانها كانت تجيب لي حارج وعلى طول ارجعهم يعني ماكو فايده غير اني احس بحموضه بالبلعوم طول اليوم منها

المهم قريت من يومين موضوع عن حمض الفوليك وانه زين لتشوهات الطفل ويوم تذكرت اني قاطعته خفت لاسمح الله الطفل صار فيه شي

ارجع اكله ولا شنو اسوي


والي سويته ياثر على البيبي ولالا​

 

[مو عايشة بالدنيا]

لا تاخذينهم مع بعض
وحدة على اغلدا ووحدة على العشا
اذا خذيتيهم مع بعض يختلطون وماتستفيدين منهم
بس لازم تاخذينهم

 

[om Firas]

لا تحاتين ان شالله ماكو الا كل خير واايد ناس ماياكلون حبوب وكاعيالهم مافيهم الا كل خير لا توسوين
لان الوسواس مو زين لليهال وحده من رفيجات ماكلت حبوب ولا شي وبنتها كا سليمه وشحلاتها
عسى الله يسهل عليج ويرزقج بالطفل السليم يااارب وانتي اقريه اذكار وانفخي على بطنج
وقولي هالدعاء

ادعيه للحامل (وهي للامانه منقوله )

اللهم اجعل ما في رحمي طفل سليما معافى
استودعتك اللهم نفسي وابني ومافي رحميوزوجي وأهلي
اللهم أسألك أن تحفظه وأن تجعله تقيا ذكيا جميلا
اللهم حسن خلقهوخُلقه وسهل حمله ومخرجه

اللهم أستودعك ما في رحمي يا من لا تضيع ودائعه
اللهم يسر حمله ووضعه وأجعله قرةعين لي ولوالده
اللهم أحسن خلقته وخلقه
اللهم أجعله من عبادك الصالحين
اللهم يسر لي عاقبتي في الأمور كلها..والمسلمين أجمعين
اللهم احفظ جنيني ..وأرزقه الصحه والعافيه
يارب العالميــــــــن
اللهم احفظ جنيني من كل شر وسهل حمله وولادته وارزق اخواتي بالله بالحمل السليممعافى عاجلا غير اجلا
اللهم هون حمـــله ووضعـــه،، وأحسن خَـلـــقه وخُـلـــقه
اللهم اني استودعتك جنيني يامن لاتضيع ودائعه فاحفظه وسهل حمله وولادته ونفاسه وحسنخلقه وخُلقه واجعله من الصالحين ومن حفظة كتابك وارفع شانه في الدنيا والاخرهواجعله سليما معافى ......امين
اللهم أعيذ ما في رحمي بكلماتك التامة من كل شيطان وهامه ومن كل عين لامه*اللهماسألك أن تحفظه وتجعله معافى كامل الخلقة دون زيادة أو نقصان
اللهم اميييين
ونفخي على بطنج وان شالله خير احين استمري على الحديد والكالسيوم

 

[شباصة حمرا]

ام صباح يعطيج الف الف الف عافيه وييسر لج امور

معايشه مشكوره حبيبتي

بس بسأل
ارجع اكل حمض الفوليك ولا خلاص

 

[بيلسـان]

ياحبيبتي الحين ردي استخدمي الحديد والكالسيوم اهي المهمه الحين واضغطي على نفسك
اما حمض الفوليك اصلا يوقفونه بعد الشهر الثالث ولا تنسين الدعاء الله يثبت حملك ويحسن خلقه وخلقه
تحياتي

 

[كـ غلا ــلي]

للحين عندج مجال بعدج بالخامس رجعي اخذيهم تلاحقي عمرج ومثل ما قالت وحده من الخوات بعد كل وجبه اخذي نوع

وانشاءالله ما فيج الا العافيه

 

[ام محمد..]

اذا تاخذين فيتامين ماله داعي تاخذين حبوب فولك اسيد لانهم موجودين مع الفيتامين

 

[الأمل الباسم]

حبيبتي الفوليك لاتاخذينه الحين وسألي دكتورتج بعد أحسن لاتتصرفين من كيفج

لان اللي أعرفه ان بس بالاشهر الثالث الأولى وبعدين تاخذين فيتامينات وحديد وكالسيوم

ونصيحه الكالسيوم والحديد لاتاخذينهم مع بعض حطي فرق بينهم ساعتين تقريبا

والحين بس استمري عالفيتامينات والحديد والكالسيوم وانتظمي فيهم لانهم وااايد مهمين لجسمج وللبيبي

والله يقومج بالسلامه

 

[_j'aime mon mari_]

حبيبتي لاتوسوسين كاهو امهاتنا ماكانو ياخذون لا فوليك ولا بطيخ ويابونا مافينا شي
وترى حبوب الحديد فيها نسبه من الفوليك ... انتي الحين بس خلج عليه وعلى حبوب الكالسيوم وان شاء الله مافيج الا العافيه

 

[شباصة حمرا]

يعطيكن الف الف الف عافية ويسخرن لكن ازواجكن ويخلي عيالكن
تسلمن ياقلبي

 

[tmtmt]

اصلا حمض الفوليك له فتره معينه وبعدين الدكتور بقولج لا تاكلين

انا الصراحه ما كنت مداومه على الحبوب
ما عدا الفوليك

ان شاءالله ماكو ال العافيه

 

[كويتيه مذهله 87]

يعني اذا ماكليته راح يصير شي لا سمح الله

اكيد لأ

امهاتنا ماشالله ولا حبه ياخذون


خليها علي الله ولا تاخذينه الحين لان بس اول 3 شهور