بليز ياخبرة الاعشاب الرد السريع

[احب السعودية]

:0bee2e8d89:اختي خبيرة الاعشاب ماهي الاعشلب الي تفيد مع القلق والتوتر الاكتئاب والخوف بليز

 

[ام الغاليه]

صج سوألج لخبيرة الاعشاب بس انا حبيت افيدج باللي اعرفه تعرفين العصفر تلاقينه بالحواج وبالجمعيات يشبه الزعفران تاخذي منه ملعقه متوسطه وتنقعيها بماي وتشربيه هذا للخوف اما القلق تشربي مغلي البابونج وتضيفي زهور البابونج الى ماي البانيو للسباحه واسبحي بماي فاتر مايل للبروده لان الماي الدافي يشد الاعصاب

 

[ام@محمد]

اختي

للشعور بالسعاده عليج بالمشاريب التاليه

النعناع
و البابونج
و الزنجبيل
و الزعفران مع ماي الورد وقفشه عسل

هذي مشاريب كلها حلوه

وفيه شغلات تساعد في حالة الأكتئاب مثل

المشي بالهواء الطلق
والضوء يعني فتحي الدرايش او قعدي بالحديقه
واكيد التهليل والتسبيح والأستغفار

وما وصيج بكلام الرسول عليه الصلاة والسلام لما وصانا بالتلبينه
وهي عباره عن شعير مطحون مع ماي وحليب واطبخيهم على النار مثل الشوربه
واشربيها هذي وصفها الرسول عليه الصلاة والسلام للناس اللي عندهم حالة وفاة يعني اكتئاااااب

واختي الأكل اللي يخفف التوتر هو الخس والروب والبقدونس

وجيبي لج زيت عطري اسمه لافندر يعني خزاما وشميه عدل يعني استنشقيه لمده دقيقه

وحطي اربع نقط منه على مخدتج

هذا اللي يحظرني الآن لأني مستعجله بأطلع

أختج أم محمد

 

[امراة من زمن الحب]

يعطيكم العافيه

 

[ريمه الكويت]

زهره الافندر معروفه تهدي الاعصاب سواء العطر مالها او اذا حصلتيه على شكل شاي من الصيدليه
وبعد النعناع معروف مهدىء ومثل ماقالو البنات البابونج وحطي لج اصوات عصافير او من اصوات الطبيعه الي تحبينها واقري سوره الم نشرح