بليز هالمره دشو وعبروني

[hayzabona]

قوه بنات

انا مره حطيت ان القطو اللي عندي يرجع

ومحد عبرني

اللي صار انه المشكله كبرت

صارله اكثر من شهر على هالحاله

كل يومين يؤجع مره
وساعات يوميا

صار ضعييييييييييييييف حيل حيل من بعد ماكان بطبوط ويلعب ويناقز الحين صار كله خامل

مايلعب ولاشي

انا ادري اهوا مريض بس المشكله ان وديناه البيطري اللي بوق اليمعه يقول بررد وبس

اشدعوه برد واهو كله يرجع واشمعنى الثانيه ماصار لها شي

عزكم الله حتى البول لونه مايل للحمار ومسكين لأنه ماياكل وايد صار يرجع ماي

جربت كلشي وياه

حطيتله بس بسكوت

يبتله اكل نفس الجلي مال القطاوه الصغر

وكله ماله خلقنا ويعطينا ظهره ويطالع الطوفه

اهوا عمره 9 اشهر تقريبا

امبيه شنسوي بنات فيدوووني بلييييز والله قلبي معورني عليه وحده قالتلي قطيه بحديقه بس بجيت اهناك ورديته

عشره كان وياي وايد

عطوني الحل او عالاقل اللي صارتلها نفس المشكله تقوللي

 

[عود ومسك]

حيزبونه لازم تودينه الطبيب لازم والقطو مو مره والا مرتين صارله شهر شناطره؟
وديه الدهماء يعطونه ابره ويطيب ان شاء الله اذا الدهماء ما سوالج شي روحي رويال روحي الدولي
صارله شهر جذي زين انه للحين عايش
لازم تودينه مهما يقولون لج البنات ما راح تستفيدين مع ان البنات ما راح يقصرون معاج لكن ماراح نقدر نسوي شي لين تودينه الطبيب لان على قولتج انتي سويتي كل شي فا حرام لازم لازم تودينه والحين لو في مجال روحي

 

[sweet cake]

الحين ليش تسألينا ؟؟

خلاص روحي للدولي او رويال وقطي فلوس عليه وخلي صحته تتحسن.. الحين هو بذمتج لأن مر عليه شهر تعبان وحالته من اردى لـ اردى..خلاص وديه البيطري زين انه للحين عايش !!

وديه للبيطري هو حايشه شي جايد الله يستر لا يصير فيه شي.. لحقيه عليه بسرعه

 

[miss t]

حبيبتي شهر حراااام عليج
بيموت
وديه اكثر من بيطري شوفي شنو يصير معاه

وانا قطوتي صارت معاها مره وحده رجعت بيوم كان برد وكنت معطيتها حبوب نيزورال
عشان الفطريات

اهتمي فيه بالاكل والماي على طول
ووديه اكثر من بيطري
الله يشافيه

وعوضي جسمه بالفيتامينات

 

[حلاها بلاها]

هذا شكله الفيروس اللي ما ينتسمه :$ نصيحه ودي رويال اذا وزنه نزل وايد ترى يموت خصوصا اذا حرارته انخفضت.. اصلا زين منه صبر كل هالفتره .. لا تودينه الدهماء ماراح يعطي الا ابرة مضاد حيوي ويقولج 50\50

ودي رويال ضروووووووووووري يعرفون شغلهم اهناك بس زهبي فلوسج

 

[سكارف.فوشي]

8
88
888
8888
معاها

 

[شيــوخه]

حرام مادري ليش جذيه اشناطره

وديه الطبيب خل يعطونه شي

 

[shurooq]

صج صج الله يعينج

بس الغلط مو منج انتي من البيطري اللي رحتيله ما سوا الشي المفروض انه يسويله تحاليل عشان يعرف شنو الخلل اللي في جسمه

مو بس يقول برد


وانتي يالغاليه ماعليج كلام ماقصرتي وفرتيله كل شي عشان يتحسن


بس موبيدج اتحسنين من حالته


واهو تلقينه من كثر مانه نفسيته اتعبت من اللي فيه قام وجابل الطوفه وما ياكل وانعزل عنكم


شوفي انا ماجربت رويال بس البنات يمدحونه برغم اسعاره المرتفعه


وماصادفتني حاله مع قطاوتي نفسج

انتي وديه روويال وخل يفحصونه


واستعيلي عشان لاتضيعين وقت اكثر


وان كلفج علاجه بس لج اجر ان شاء الله


ولاتقطينه بره عشان لايكون بذمتج


وبالحالتين خليه بمكان دافي

 

[hayzabona]

حبييباتي مشكورين عالرد انشالله بس ينزل معاشي بوديه رويال واشوف

الله يصبره ويعينه والله حبيبي يكسر الخاطر

 

[lojeeen]

نفس كلام حلاها بلاها وديه رويال الدهماء ما يفتهمون لمثل هل حالاات بيقولج فيفتي فيفتي
و رفيجتج اللي قالت لج وزعيه بالحديقه الصراحه مادري شاقول عنها يعني قطو شيرازي متعود على الدلع و الحنان تتوقع يقدر يصير شوارعي و يتخانق مع القطاوه تالي الليالي حتى يقدر ياكل من الزباله و اهو بهل حاله !!!!!!!!!!!!!!!

 

[hayzabona]

وديته رويال صح كلامكم حرام الدهناء ولاشي صح

قالت فيه يا لوكيميا يا ايدز واااااي عورت قلبي

مسكته حيل وقالت يمكن يموت اذا صج فيه وسوت تحاليل وناطره النتايج ادعوووله من قلب

 

[shurooq]

واي من وين ياتله اللوكيميا


الله يشفيه ياربي


ويارب مايمووووووووووووووووووووووووووووووت


عورتي قلبي والله


الله يعيينج

 

[الكرزي]

اخذيها مني نصيحة سيدة وديه رويال عند دكتورة جين صدقيني شاطرة وماشاءالله عليها تهتم فيه عدل وماطلعة لج الا واهو بعافيته
انا قطوتي ماتت والسبة الدهماء اما الثانية لحقت على عمري ....كانت اترجع الثانية وللاسف وديتها نفس اليوم الدهماء قالي اعطيها حليب ورديتها البيت عطيتها حليب مثل ماقالي الدكتور اندرو بس زادت حالتها وكانت امكملة الشهرين تخيلي رديت وديتها اليوم الثاني عند اندرو ولاحضرته اقولي ""وديها رويال احنا ماعندنا اجهزة "" تخيلي قلتلة ليش مابلغتني امس ولا اقولي احنا لازم انجرب الاول واذا مانفع انطرشهم رويال!!!!!!!!!!!!!!!!!!!!1
والحمدالله وديتها رويال بس يوم واحد والحمدالله استلمتها اليوم الثاني مافيها الا العافية

 

[samsmeya]

لا كسر خاطري

شنو ايدز القطاو يصيرلهم ايدز بعد :eh_s(12):

شي غريب اول مره يمر علي

طمنينا عليه يارب يصير زين واللي قالتلج قطيه بالحديقه صج ماعندها قلب شلون تقطينه واهوا الحين محتاجلج

ان شاء الله يقوم بالسلامه :yaaaaaarb:

 

[♥Pink♥Cat♥]

الله يشفيه يــــــــــــــا رب وترد له صحته و عافيته ,,
والله يحفظه ويخليه لج ...

 

[MELANO]

حبيبتى وديه رويال

بيسوون له فحص شامل ويخلونه عندهم يومين

صج غاااااالى بس هذا امانه عندج لازم تراعينه

والله يشفيه ان شاء لله

( هيضتو مواجعى ) دخت مع الدهماء ( حسبي الله عليهم اغبياء )

 

[روج وردي]

شنو صار عالقطوه طمنيني عالخاص


متأثر كاسكوي امس توفي

 

[ســكــّر]

اهو مصاب بالفيروس لكن انا ماقدر احدد اي واحد فيهم لازم تحليل الدم

لانه على كلامج حبوبه


القطو في " إحتباس البول " وهذا من اخطر شي تصاب في الذكور

ولازم طبيب ولايهمل القط حتى يسوون له العمليه


ويتغير نظامه في الاكل ولا يتزاوج انا مادري جم عمره لان اكثر الحالات هذي تصاب فيها الذكور

احتباس البول

والله يعينج .. وياليت تطمنينا ..


والمشكله اللوكيميا < هذا مرض يخترق جهاز المناعه القطوو ويهدمه وبالتالي ماتكون عنده مناعه نهائيا

ونسبه النجا ضئيله


ويارب يكون كلامي كله خطا ويكون مرضه خفيف ويتعالج

وياليت تطمنينا :"(

 

[Kawaii GiяL]

حبيبتي طمنينا عنه
والله شئ يعور القلب الله يعينج

و انشالله يتشافى بأسرع وقت و يرجعلج سالم

 

[q8_goga]

بعد عمري والله اول شي شوفي شنو ماذيه؟؟قاعد ياكل شي من البيت العاب شعر اوراق نايلون او يمكن دوا انتي حاطته بالبيت او على جسمه انا قطاوتي حاشهم تسمم والسبة كانو ينظفون الدوا الي على جسمهم
ثاني شي دام بوله احمر يعني فيه شي يا اما مايشرب ماااااي او شي ثاني لازم الطبيب يفحصه وروحي المستشفى الدولي الي بالوفرة اسمع انهم خوش شي احسن من هذيل الفلبن مايفهمون شي ..ما رفوله سوي فحوصات كامله له
والي ابيه منج الحين حطيله روب (زبادي) مال كي دي دي ورح ياكل غصبا على خشمه لان الروب عندهم لا يقاوم واذا كلاه حطي معه دياي وانا افضل في حالات المرض انتي تسويله بالبيت دياي مسلوووووق بالماي فقط لا غير اذا اكله بروحه كان الله غفرو رحيم وان ما كلاه خلطيله شوي مع الروب وتاكدي انه يشرب ماي ماشي ويا ويلج يا سواد ليلج ان قطيتي بالشارع حرام والله حرام عقب ماتعود عالبيت والاكل جاهز والدلع كله ينقط بالشارع ما يعرف راسه من ريوله
وسلامتج ابيج تطمنينا بس