بليز منو ولدها اعاقه حركيه ودخلته الروضة او المدرسه

[كويتية^_^كول]

شلونكم بنات
انا عندي استفسار صج اللي عنده اعاقه حركيه ويدرس بمدارس خاصه مايصير بعدها يكمل جامعه؟!!
ومنو جربت روضه العطاء وباجي المراحل اللي بحولي يم التجاري شلون مستوي للدراسه؟؟ للاعاقه الجسديه ؟؟
لانه انا ولدي الحمد الله عقليا زين وكنت بدخله خاص خوف وني قالو ترا حرام تضلمينه لانه ماراح يقدر يكمل جامعه!
واللحين بروضه العطاء ماني مرتاحه معني ادري تو الناس احكم عليهم لانه توه بدايه الفصل!
لانه من بدايتها احس ماكو اهتمام!
1. تأجيل الدوام اسبوع ليش مادري !
2. وبعد التاجيل وداوم بعد اسبوع قالو ترا اول اسبوع تعالو اخذوه ساعه 11 اوكي آمنا بالله
3. ماخلص لسبوع تونا 3 يوم جان يقولون تعالو اخذوه ساعه 10:30 اليوم
4. لما خذيناه قالو ترا مو بس اليوم لمده اسبوعين يخلص 10:30 !!!!
ليش جذي احس يمكن مدرسات مالهم خلق؟!!!
ومسكين ولدي يقول بعد بقعد مع العلم انا ولدي كان بحضانه خاصه وذكي وعنده معلومات فخايفه أظلمه بهروضه والمراحل اللي بعدها عندهم!
لانه بس سالفه الجامعة خلتني ادخله عندهم بليز اللي تعرف عن هالموضوع الجامعة تفيدنا؟؟
واللي جربت هالمدارس او المدارس الخاصه هم تفيدنا من ناحيه اهتمامهم بالطلبه والدراسة؟
وسوري طولت عليكم بس لاتبخلون عليي بردكم

 

[بنوته كيكه]

هلا اختي الله يشفي ولدج
بنسبه الاستفسار الاول لا منو يقولجك يصير يكمل الي جامعه والتخصص الي يبيه
اما بخصوص المدرسه مادري امكن نظام تخفيف لهم بداية الدراسه وبعده تعدل
وانشاءالله الخواة يردون عليج

 

[كويتية^_^كول]

مشكوره اختي عالرد بس قصدج اذا وديته مدرسه خاصه اقصد بالخاصه ثنائيه لغه مو المدارس خاصه تبع الحكومه اللي بحولي, عادي بعدها يكمل جامعه ??

 

[كويتية^_^كول]

بنات بليز ليش تشوفون وماتردون! ردو عليي

 

[الصابرة المحتسبة]

هلا أختي

أول شي ياهلا فيج بين خواتج

وعسى ربي يبلغج بوليدج

بالنسبة للإستفسارات:

نسبة الذكاء من التطوري تحكم

مادام ولدج ماعنده اعاقة ذهنية والحمدلله

فتحي ملف تعليمي للمدارس الخاصة والثنائية واستخيري بالاختيار ، وان شاءالله يكون من المتفوقين ويكمل الجامعة والهيئة تتكفل بابتعاثه للخارج للدراسة وان شاءالله يكون بأعلى المناصب والإعاقة الحركية عمرها ما كانت تحد أو تكون سبب لعدم النجاح والتفوق في دكاترة على الويل جير وبرفيسور وغيرهم واجد

http://www.q8yat.com/t320398.html?highlight=%CD%D6%C7%E4%C9+%C8%ED%CA+%C7%E1%C3%D8%DD%C7%E1


http://www.q8yat.com/t284520.html?highlight=%C7%E1%CD%D6%C7%E4%C9+%C7%E1%E3%CB%C7%E1%ED%C9

 

[كويتية^_^كول]

مشكوره يالغاليه ويبلغج بعيالج واحبابج يارب
أنا ولدي عنده ملف تعليمي ولما سويتله لختبار تعمدو يغيرون النتيجه من بعد اذني عشان لايروح المدارس ثنائيه اللغه وأدخله عندهم ( روضه العطاء) بحجه عشان بعدين يكمل جامعه
مع العلم الحضانه كان تبع المجلس مدخلته ثنائيه لغه

بكل الاحوال أنا اليوم رحت سالت بالمجلس وقالولي سالفه الجامعة مانعرف روحي سالي أداره المدارس الخاصة بالسالميه اذا تعتمد الجامعة شهادتهم ولا لا وقتلهم وين مكانهم قالو ماندري
وعطوني كشف المدارس الخاصه ثنائيه اللغه

انصدمت قليل جداً اللي يأخذون اعاقه حركيه او بالجهرا او الفروانيه دقيت علي مدرسه خليفه لانه ما ادل أداره المدارس الخاصه
قالتلي نأخذ حركيه (((بس مايكمل جامعه))) بس لي عمر ٢١ يدرس وبعدين مكاو شي!!

يعني بنات دربالكم اللي ولدها (اعاقه حركيه فقط) مالها الا المدارس التربيه الخاصه تبع الحكومه اللي بحولي عشان يقدر يكمل جامعه بإذن الله
(حضانه عادي اي مكان أنا أتكلم عن روضه وبعدها))
أتمني التنبيه علي هالموضوع لانه وايد ناس مايدرون

والله يوفق عيالنا وعيالكم للي فيه خير يارب

 

[(حكاية قلب )]

up
up​

 

[كويتية^_^كول]

تأكدت اللحين ١٠٠٪
الزبدة من الاخير


جميع المدارس اللي تندرج تحت مظله الهيئه العامه لشئون الإعاقة
((((ثنائيه اللغه))))
مافي مراحل دراسيه حدهم لي عمر ٢١ وبعدها خلاص
مايقدرون يكملون جامعه مايعترفون بشهادتهم