بليز منو اللي اتعرف تسوي ورق عنب حامض حلو بالتمر الهندي

[باحثه_اجتماعية]

يابنات انقذوني ريلي بخاطره ورق عنب حامض حلو بس بدون لحم
بليز ساعدوني عشان اسويله اياه بالعشى

 

[جارة القمر]

تفضلي طلبك
http://q8yat.net/showthread.php?t=513110&highlight=%CD%C7%E3%D6


http://q8yat.net/showthread.php?t=404564&highlight=%CD%C7%E3%D6


http://q8yat.net/showthread.php?t=436489&highlight=%CD%C7%E3%D6

http://q8yat.net/showthread.php?t=428906&highlight=%C7%E1%E6%D1%DE

http://q8yat.net/showthread.php?t=447235&highlight=%C7%E1%E6%D1%DE

http://q8yat.net/showthread.php?t=603080&highlight=%C7%E1%E6%D1%DE


http://q8yat.net/showthread.php?t=587654&highlight=%C7%E1%E6%D1%DE


http://q8yat.net/showthread.php?t=466559&highlight=%C7%E1%E6%D1%DE



http://q8yat.net/showthread.php?t=612424&highlight=%C7%E1%E6%D1%DE

 

[أم*سلمان]

اتمنى من البنات يساعدوونج

 

[ام عباااااااااادي]

انا بكتب لج طريقتي ولو جارونه الله يعطيها العافيه ماقصرت

المقادير على حسب الكميه

رز مصري-بصل -ثوم-بقدونس-طماط- ماجي- كزبره ناشفه-فلفل اسود-شبت -معجون طماط

الطريقه

تقصصين البصل والثوم والطماط صغار وبعدين حطي بجدر زيت زيتون وكثريه شوي وحطي عليه البصل واحمسيه على النار وتالي حطي الثوم واحمسيه مع بعض وتالي حطي الطماط والماجي ومعجون الطماط وكلهم احمسيهم مع بعض
وبعدين عندج الرز المصري مغسول ومنقع 10دقايق اشخليه من مايه وحطيه على الجدر اللي فيه الخلطه واحمسيهم مع بعض
وتالي قصري النار عليه شوي وخلي الرز يتشرب الماي واذا حسيتي انه نشف سكري النار عليه وحطي البقدونس المفروم والشبت والكزبره الناشفه والفلفل الاسود وخليه شوي يبرد وتالي لفي ورق العنب بس شوفي بقولج على سر لما تلفين الطبقه الاولى من ورق العنب حطي عليها قمر الدين قطعيه بايدج وحطيه على ورق العنب وتالي كملي اللف وهم بالاخير حطي قمر الدين يعطيها نكهه لذيذه

الطبخ بالاول تكونين منقعه تمر هندي انا تقريباً حطيت نص الجيس مع تمر تقريباً ثلاث فردات تمروخليهم وبعدين صفي الماي وحطيه بجدر صغير وحطي عليه ماي وشويه ملح وعلبه معجون الطماط وخليه يغلي شوي وبعدين صبيه على جدر ورق العنب وخليه يطبخ اول شي حطيه على نار عاليه بس لما يبدى يطبخ خليه على نار هاديه وتحته الحديده ومده طبخه ماتقل عن ثلاث ساعات وبعدها سكري النار عليه وخليه بالجدر لاتقلبينه على طول لمده تقريباً ساعه وتالي اقلبيه واكليه وعليج بالعافيه......اسفه طولت عليج بس شسوي احب اشرح بذمه وضمير ...........

 

[أحلى همبه كويتية]

يعطيكم العافية جارة وام عبادي

وبالعافية صاحبة الطلب مقدما