بليز محتاجه مساعده

[om '3ala]

قوه بنات انا كنت مسجله بنك دوسرية عسل بس نسيت الباسوورد من زمان و صارلي فتره و سجلت بهالنك لاني بهالفتره مخطوبة و ان شاء الله ناويه اذا يتني بنت اسميها غلا المهم انا وضحت هالنقطه عشان اذا حطيت الموضوع ما يروح بالكم اني جذابه كاتبه ام غلا و انا عروس

بنات انا متضايقه مو من سالفه اني بتزوج بالعكس مستانسه بس احس اني ضايعه مو عارفه شنو اجهز او شنو اسوي خصوصا اني توني طالعه من المستشفى و مسويه عمليه مادري شنو شعوري ابي استانس و انا ليلحين ما حددت موعد العرس قلت لما ابدى بالتجهيز بس مشكلتي مو عارفه من وين ابدى او شنو الاشياء اللي لازم اسويها و اشتريها بليييز ابيكم تساعدوني


سوري ادري الموضوع شوي مخربط بس لأن افكاري مشوشه

 

[أميـِـِره]

أول ششي الحمدلله ع السلآمه و مبرووووك الملجه

والتجهييز ابدي بالاشيآء اللي مالهآ موضه يعني بجايم قمصان نوم مكيآج و هالسوالف
و شيلي مبلغ حق البدله البيضآ و مكياج عرسج والدي جي
وانطري لمآ يتحدد العرس علشآن تعرفين متى تفصلين الدراعات و هالاشيآء اللي موضتهم تروح بسرعه
اي واذا ناويه تشترين ذهب اشتري من الحين لان كل ماله و يرررررتفع



وموفققه

 

[كويتيه صح 84]

شيكي على الخاص حبيبتي وعسى ربي يوفقج وانشالله اكون فدتج

 

[om '3ala]

ما قصرتو اميره و كويتية صح

 

[om '3ala]

كويتية صح ماكو شي عالخاص ؟

 

[صادقة بكلمتي]

انا بعد اقول نفس اللي فوقي بس ازيد عليها بنصيحة ترااااااااااااا وااااااااااااايد الذهب غااااااااااااالي الحين انصحج ما تشترين الماس او ذهب في احجار وايد علشان بسرعه يطيح سعره انا اقول خشي بحسابج جزء من فلوس الذهب ويبيلج طقم نااااااعم بدون لويه ولا تقولين الناس ولا شنو بيقولون والله لا خلص العرس ماحد بيهتم والله يهديهم الناس بعضهم بيحش وبنسى ومصلحتج فوق كل شي وعادي قولي خشيت فلوس الذهب لي شعليج من النااااااااااااااس وحمدلله على سلامتج والله يستر عليج ويسعدج مع الريال الصالح وتيبين غلا وعزيز ومشاري ومحمد وسارة و و و و ولووووووووووووووووول

 

[كويتيه صح 84]

شيكي دزيتلج رقم وحده وعنوانها فاتحه معرض عرايس روحي لها وعندها اشياء عجيبه من ملابس سهره واستقبال وطلعه وعز الله السامع جواتي واطقم اكسسوارات ماتفرقين بينها وبين للذهب والالماس وعطورات فافافوم وبيضون بربع السعر

 

[om '3ala]

مشكورين على اللي ردو و كويتية خلاص وصلني ما قصرتي بعد عمري

 

[كويتيه صح 84]

العفو ياقلبي وعسى الله يوفقج

 

[كلي انووثة]

كويتية 84 دزيلي المعرض وين ابي 

 

[كويتيه صح 84]

كلي انوثه شيكي عالخاص دزيتلج عنوانها ورقمها وراح تدعيلي اذا رحتي لها أشياءها عجيبه وباسعار مغريه

 

[MiSS B.K]

الله يوفقج يالغاليه

 

[سنيوريتآ]

مووفقققــهه ..~

 

[نيو سيدنى]

"سبحان الله وبحمده عدد خلقه ورضا نفسه وزنة عرشه ومداد كلماته"

اب

اب

 

[قلبهـ 86]

الله يوفقج يالغاااليه