بليز لاتحرموني من نصايحكم

[حبيبه حماده]

كيفكم جميعا ان شاء الله بخير
حبايب قلبي انا بغيتكم تنصحوني بما انكم لكم خبره
القصه ومافيها اني توني عروس لي شهرين
المهم ان زوجي اليوم الصبح الساعه 7 دق علي وطنشته لاني نايمه ورجع دق مره ثانيه
الا يقول لي انا جاي البيت ياقلبي استاذنت ساعتين من الدوام وجاي البيت
قومي البسي خلنا نقوم نفطر برا واتونس معاكي
قلتله راسي يعورني ماني برايحه ماكان
قلم زعل علي وقال انا طالع ومستاذن من الدوام وبالعافيه وانتي تقولين مابي ارجع شغلك:eh_s(14):
عموما سلامتك ولاتنسي قفلي جوالك علشان لااحد يزعجك حسيته يدقني بالكلام :eh_s(2):
وقال احبك وقفل الخط ادق عليه مايرد علي لين مارد من الدوام الساعه 2 ونص ماتغدي وحط راسه ونام
ولما قام يطالع فيني ويقول ها خف الصداع يقولها وبتريقه وكل مااحاكيه يرد بالقد او يسوي حاله يشوف
التلفزيون :eh_s(14): ولا كاني موجوده والحين طلع من غير اي مايسالني اذا ابي شئ
وقال لاتنطريني علي العشاء بتعشئ عند العيال:eh_s(14):
قولوا ايش اسوي معاه ادري اني غلطانه بس وش اسويله علشان يرضي :eh_s(2):
لاتجرموني من نصايجكم فديتكم:eh_s(17):

 

[ورد]

بـ ذمتك هذي تدقيره تعمليها في الرجال ؟
هذا وانتي عروس وما عندك عيال والمفروض تكوني مرتاحة وتفزي لما اتصل لك ،، بعد ما يصير عندك بيبي وش بتعملي ؟
وبعدين من بداية المكالمة حسيتي ان بيزعل ما عرفتي ترقعي الموضوع وتقومي ؟

عاد الحين اعتذري الف مرة لين يطخ من روحه ،، وشيلي من بالك سالفة التغلي والثقل الي علموكي عليها البنات ،، ترى الرجال بسرعة يطفش وبسرعة يلقى له من يونسه

بجد منتي بوجه خير ،، غيرك يتمناها وانتي الله يهداكي ..

 

[حور البحور]

راضيه بليله رومانسيه

انا اذا صار لي جذيه اسوي روحي زعلانه ولا اكلمه اذا كلمني وامثل اني شوي وببجي ههههههههه

اذا جى يكلمني اقول له مخنوقه لأنك زعلان مني ههههههه

 

[ورد]

اسمحي لو قسيت عليكي ،، بس انتي بغيتي نصايح وهذي الحقيقة ،، وتقريبا شبه متأكدة من الفكرة الي في بالك ونصايح البنات لك وانتي عروس ،، حتى لو ما انتي مقتنعة فيها بس تظل في عقلك وتجي لك فترات ما تنتبهي لـ عمرك وتطبقيها ،،

عـ العموم زوجك حاس بالاهانة ،، مستأذن من الدوام وشوفي العذر الي قدمه وانتي بسهولة دقرتيه ،، لا بيقدر الي يرجع الدوام ويتفشل قدام العيال ولا الي انتي طلعتي معاه

الله يعينك ما لك الا كل شوي تعتذري منه لين يطخ .

 

[قــل مـا تـشـاء]

طيب الحين الرجال يقول لج مستأذن من الشغل وجاي يبي يطلع معاج تفطرون مع بعض وتقولين له لأ !!!!!
حتى لو فيج النوم كان قمتي عن خاطره وشربتي لج كوفي يصحصحج وطلعتي معاه ,,,
الله يهدييييج عااد وش هالعنااااد ! الله يعييينج تراضينه الحين ,,
مالج الا نستنينه لمنه يجي وتسوين له جو رومانسي وتعتذرين منه وتقولين له ماراح تعودينها
وقولي له كنتي قااافله ومالج خلللق لشي ,,

 

[آنا من دونك أندمر]

توني عروس لي شهرين
...................................................................
والحين طلع من غير اي مايسالني اذا ابي شئ
وقال لاتنطريني علي العشاء بتعشئ عند العيال:eh_s(14):

أحس في شغله غلط بالموضوع >> شلون راح يتعشى عند العيال وانتي تقولين صارلكم شهرين متزوجين؟؟

 

[ورد]

أحس في شغله غلط بالموضوع >> شلون راح يتعشى عند العيال وانتي تقولين صارلكم شهرين متزوجين؟؟

لوووول لهجتها سعودية حجازية

العيال = اصحابه = الشباب = يسمونهم العيال

 

[ام بوحنة]

اسمحي لي انتي غلطانه 100 %
حاولي تعذرين منه باسلوب حلو وبدلع وغنج زايد
وقوليله متى تقدر تستاذن مره ثانية انا ما ادري اشفيني كنت تعبانه بس بخاطري نطلع نتريق

 

[الأميرة الحزينة]

انتي غلطانه تحملي لوووول . بعد قايلج نتريق برة مو قايلج سويلي ريوق عشان راسج يعورج .. اذا استمريتي تدقرينه جذي ترا ماراح يطلعج عقب...

 

[حبيبه حماده]

حبايباتي شكرا لكل وحده دخلت واعطتني نصيحتها:eh_s(7):
الحمد لله واخيرا وبعد عذاب يومين وزعل وتطنيش:eh_s(11):
رجع زوجي وقبل اعتذاري وحبيب قلبي الله لايحرمني منه
دخل علي يوم الاثنين ومعاه باقه ورد وهديه واعتذر عن تطنيشه وزعدم مبالته
حبيبي مع اني كنت انا الغلطانه عاد انا مامسكت روحي وقمت ابكي
المهم ان اليوم كان حلو وتصافينا علي خيروكانت ليله لاتنسي
واشكر كره ثانيه كل وحده دخلت موضوعي

 

[خشف العذارى]

اب اب اب

 

[pusy cat]

اهو كان يبي يونسج وانتي كسرتي فيه

ميخالف راضيه لا تصيرين ناشفه معاه

روحيله تحرشي فيه حتا لو سوا روحه زعلان اضحكي قولي فديت الزعلانين

قرصي خدوده امسكي خشمه واذا عصب طالعيه وانتي فيج ضحكه عقب بوسي راسه وقولي انا آسفه

اهو يبيج تراضينه صدقيني اعرف دلع الرجاجيل هههههه

 

[just ask me]

^^^

ماشااااء الله الله يديم عليكم الحب ياااااااااارب

بس انتبهي تعيدينهاااا

انتبهي لاتضيعين رومنسيته بحركاتك

موفقه يااااااااااااارب