بليز فيدوني بالنسبه للمدارس الخاصه (الباكستانيه)

[&شوارفسكيه&]

بليز يا امهات فيدوني حدي محتااااااااسه مو عارفه شسوي

ولدي هالسنه بيدش المدرسه
وودي بمدرسه تاسسه عدل
من كثر ما اسمع عن المدارس الحكوميه وانها ما تاسس
واشوف الواقع المرير اللي عايشين فيه الامهات والطلبه في المدارس الحكوميه
قررت اني ادخله خاصه
وفكرت بالباكستانيه اللي بالجليب
شرايكم فيها
عقب ما فكرت وقررت وخلاص بنسجله
قالت لي وحده انه ميتحيل راح يستوعب وياهم دام ما تاسس من البدايه
صج والله
عاد لو ادري والله دخلته من العام بس ما دريت

الحين ماباقي شي وتبدى الدراسه بالله عليكم فيدوني
وين اوديه
خايفه عليه من المدارس الحكوميه بسبب اهمال البعض
وعدم تاسيس الطفل
شرايكم يا امهات
يعني الحين ينفع ادخل هالسنه خاصه ول ماراح يستفيد شي
الرجاء الرد بليززززز​

 

[سارة_kw]

ولدج بدش روضة ولا ابتدائي

اذا روضة اقولج ودي ولدج وانتي مغمضة :tongue22: لانهم يأسسون عدل من اولى روضة
بس اذا ابتدائي الله يكوون بعوونج :n2006107:

 

[sara999]

الباكستانيه كذا فرع بس السؤال كل لافرع تبع بعض والا كل وحده لمالك منفصل عن الاخر ؟؟؟؟
وووين احسن وحده الي بخيطان والا الي بحولي والا الي بفحيحيل والا الي بالسالميه والا الي بالجليب ؟؟؟ والله احس بكل منطقه في وحده
ههههههههههههههههههه
فيدوني ولي يسلمكم

 

[&شوارفسكيه&]

ولدج بدش روضة ولا ابتدائي

اذا روضة اقولج ودي ولدج وانتي مغمضة :tongue22: لانهم يأسسون عدل من اولى روضة
بس اذا ابتدائي الله يكوون بعوونج :n2006107:

لا انا ولدي ابتدائي
بس ليش خرعتيني
يعني ما تسوى الفلوس اللي تنقط عليهم
بصراحه انا وحده قالت لي والله تقطين فلوسج بالهوا ماراح يستفيد اي شي دام ما تاسس من الابتدائي
:0bee2e8d89:

الباكستانيه كذا فرع بس السؤال كل لافرع تبع بعض والا كل وحده لمالك منفصل عن الاخر ؟؟؟؟
وووين احسن وحده الي بخيطان والا الي بحولي والا الي بفحيحيل والا الي بالسالميه والا الي بالجليب ؟؟؟ والله احس بكل منطقه في وحده
ههههههههههههههههههه
فيدوني ولي يسلمكم

والله اكثر وحده يمدحونها اللي بحولي بس
اللي عند سوق الجليب فيها ولد اختي وماشاء الله فلته يهبل تعليمهم بس اهوه داش من الروضه
وولدي توني بدلخ فا ما ادري اذا يستفيد او لا

 

[السدرة2]

اخذي مني النصيحه احسن باكستانيه اللي بحولي الي مقابله الجابريه يس صعبببببببببببببببببببببببببببببببببببه حيل لان الباكستينين بطبعم ا>كياء ثاني شي يمكن ولا 20 باكستانيه بالكويت ولا وحده لها دخل بالثانيه اللي بالسالميه هم ممتازه واللي بخيطان كذ لك اللي بالجليب يم السوق ماعرفها ما يمدحونها ولايسبونها انا عيالي بالباكستانيه اللي بالجليب مقابل السينما عيالي من الروضعه فيها واللحين بطلعهم لان عيالي تعقدوا صعبه حييل وتعبت من التدريس لان الدراسه كلها بالنجليزي حتى العلوم والحساب واالجتماعياتوكذلك بطلعم لان المدير بصراحه طماع قاعد يزيد الاسعار واحس صار نوعا ما اهمال بالدراسه مو مثل قبل بس تضل صعبه ا>ا ولدج خلص الروضه ترى يستقبلونه بس الله يعينج ويعينه وراح يعطونه دروس مكثفه بسعر ثاني او من الحين تروحين لهم ودزون لج مدرسات على البيت اثناء العطله بس بسعر اضافي

 

[&شوارفسكيه&]

يااااي من صجج
خلاص الحكومه ارحم ولو انه كلها اهمال وتسيب وبصراحه ما احب المدارس الحكوميه كلش
بس شكلي بشوف احسن مدرسه وادخله
الله يعني بس
ومشكوره حياتي على الرد
بجد ردح مقنع

 

[بنت اشيوخ]

اختي اناعيالي اثنينهم بالتميز الباكستانيه الكبير يروح الابتدائيه ومادش الروضه عندهم بس سجلته تأسيس شهرين وخلصهم والله من احسن مايكون وانابدخله القاعده الحلبيه عشان يعيدون عليه عشان ماينسى والله دراستهم روعه والمدرسات نفسيتهم حلوه ويشجعون مايكرهون الجاهل بالدراسه :gathering:

 

[الجوررى]

والله انا تحسفت كان زوجى بيدخل ولدى اجيال من الروضه تاسيس بس انا مارضيت
خفت عليه من الزحمه والمواصلات
وودى انى احطه بخاص بس ياقلبي ان ماتاسس شالفايده؟؟
الحكومه ابرك
وشدى حيلج واساسى ولدج من الحين
والله يوفقه

 

[&شوارفسكيه&]

اختي اناعيالي اثنينهم بالتميز الباكستانيه الكبير يروح الابتدائيه ومادش الروضه عندهم بس سجلته تأسيس شهرين وخلصهم والله من احسن مايكون وانابدخله القاعده الحلبيه عشان يعيدون عليه عشان ماينسى والله دراستهم روعه والمدرسات نفسيتهم حلوه ويشجعون مايكرهون الجاهل بالدراسه :gathering:

صج يعني تنصحيني
ووين صايره التميز هذي
وانا حاليا مدخلته تساسيس لمدة شهرين قبل الدراسه واللويه

والله انا تحسفت كان زوجى بيدخل ولدى اجيال من الروضه تاسيس بس انا مارضيت
خفت عليه من الزحمه والمواصلات
وودى انى احطه بخاص بس ياقلبي ان ماتاسس شالفايده؟؟
الحكومه ابرك
وشدى حيلج واساسى ولدج من الحين
والله يوفقه

واله ما ادري فريتووو مخي
ادخله الحين ولا لا :krkrkr:

 

[الـحـ الاول ـب]

مرحبااااااااااا

بالاول عن تجربه صج للحين ماعندي عيال
ولاجربت توني صار لي سنه متزوجه
بس انا عيال خالي باجيال اللي في الرقعي
والحين واحد بـرابعه والثاني بثانيه وماشالله بلبل انكلش
بس شنو من الروضه واهما فيها وتمدحها مرت خالي حيل
وانتي الحين يمديج تدخلين بالصيف يتاسس وانتي بعد شدي حيلج معاه
واذا ولدج من النوع النبيه اسم الله عليه حرام لاتدخلينه حكومي
وانشالله بيفهم على طول واولى ابتدائي سهل الانكلش يقدر
انشالله يندمج معاهم اذا تاسس الحين

 

[بنت اشيوخ]

مدرسةالتميزالباكستانيه الانجليزيه بالجليب جدام مسجد بلقيس وهذارقمهم 24330155 ماعندهم لعب جادين بالدراسه ومرسة اجيال اللي بالرقعي ترفيهيه اكثر من دراسه شكثر العطل عندهم والاحتفالاتتروح السنه على جذي حرام واهي مورخيصه:gathering:

 

[سيدة الذوق]

الف مبروك وان شالله تشوفينه وهو داش الجامعه يارب

شوفي حبيبتي مهما كان الفلوس اللي تقطينها انتي اولي فيها شوفي اغني الناس بالكويت وعيال تجار يدرسون بالحكومه عالاقل يتعلمون عاداتنا وتقاليدنا

انا خالاتي واهلي كلهم متبعين طريقه وحده الحين بالصيف جيبيله مدرس انجليزي يعلمه الاسس وياسسه عدل وانتي حاولي تعلمينه عربي وتخلينه ينسخ وكل شي واذا لا جيبيله مدرس

ودخليه الحكومه وتابعيه مع الدرسين الخاصين ابد شوي الا ولدج الاول بالمدرسه هذي طريقه شكثر ناس تسويها

 

[حلم الطفولة]

الله يوفقه ويوفقج بالاختيار الأمثل يارب ,, موفقين شوارفسكيه

 

[سيدة الذوق]

رفع

 

[&شوارفسكيه&]

مرحبااااااااااا

بالاول عن تجربه صج للحين ماعندي عيال
ولاجربت توني صار لي سنه متزوجه
بس انا عيال خالي باجيال اللي في الرقعي
والحين واحد بـرابعه والثاني بثانيه وماشالله بلبل انكلش
بس شنو من الروضه واهما فيها وتمدحها مرت خالي حيل
وانتي الحين يمديج تدخلين بالصيف يتاسس وانتي بعد شدي حيلج معاه
واذا ولدج من النوع النبيه اسم الله عليه حرام لاتدخلينه حكومي
وانشالله بيفهم على طول واولى ابتدائي سهل الانكلش يقدر
انشالله يندمج معاهم اذا تاسس الحين

والله للحين ماني عارفه وما شفت مسواه
بس حيل هالشغله متعبتني وكل دقيقه افكر فيها من كثر ماصار فيني هوس:krkrkr:
ثانكس قلبو على الرد

مدرسةالتميزالباكستانيه الانجليزيه بالجليب جدام مسجد بلقيس وهذارقمهم 24330155 ماعندهم لعب جادين بالدراسه ومرسة اجيال اللي بالرقعي ترفيهيه اكثر من دراسه شكثر العطل عندهم والاحتفالاتتروح السنه على جذي حرام واهي مورخيصه:gathering:

صج اجيال مو شي ولد اخوي دخلها وما استفاد منها لعى قولتج كلها ترفيهيه
وطلع ولده ودخله حكومه الحين

الف مبروك وان شالله تشوفينه وهو داش الجامعه يارب

شوفي حبيبتي مهما كان الفلوس اللي تقطينها انتي اولي فيها شوفي اغني الناس بالكويت وعيال تجار يدرسون بالحكومه عالاقل يتعلمون عاداتنا وتقاليدنا

انا خالاتي واهلي كلهم متبعين طريقه وحده الحين بالصيف جيبيله مدرس انجليزي يعلمه الاسس وياسسه عدل وانتي حاولي تعلمينه عربي وتخلينه ينسخ وكل شي واذا لا جيبيله مدرس

ودخليه الحكومه وتابعيه مع الدرسين الخاصين ابد شوي الا ولدج الاول بالمدرسه هذي طريقه شكثر ناس تسويها

فديتج سيده هذا اللي قاعده اسويه الحين
باسسه بالنادي لانهم يعطونه عربي وانقلش ورياضياء وهذا اهم شي عندي
بس للحين توه له يومين مداوم
وبشوف مني الى شهر 9اكون حددت المكان اللي نحطه فيه

الله يوفقه ويوفقج بالاختيار الأمثل يارب ,, موفقين شوارفسكيه

بعد قلبي انتي ما قصرتي

رفع

الله يرفع شانج خيتوووو

 

[عابده لله]

مشكلة الباكستانيه حرف ال r بيعلموه للعيال غلط وانا وديت ابنى وهو صغير باكستانيه السالميه واتعود ينطق ال r بطريقتهم وكنت بتجنن من كده غير إن منهجهم صعب والمصيبه فى الأجازات كانت فيها أعياد الباكستانيين وكان بيحفظها هههههههههههه وأنا بشوف إن منهجها كبير بالنسبه لسن الطفل وخصوصا لو كان مستواه ضعيف هتلاقيه مش هيقدر يمشى بالمدرسه دى
وعموما جربى بس مش من باب انك تختبرى المدرسه لااااااااااا
من باب إنك تشوفى قدرات ابنك وتتابعيه لو هو من النوع اللى بيحفظ المعلومات بسهوله وبيخزن فى دماغه كل اللى يتقال له يبأه إن شاء الله هيمشى فيها أما لو حسيتى ان ابنك مش ماشى فيها بمعنى انه بيخلص واجباته بصعوبه يبأه أنصحك بلاش منها لأنها فى هذه الحاله ستكون فوق طاقته وقدراته العقليه وأنا عن نفسى عملت كده مع ابنى ونقلته لمدرسة خاصة عربى والحمد لله ماشى وأنا بساعده
وربنا معاكى حبيبتى .
بس نصيحه لكل الأمهات لازم تحطى قدرات ابنك فى الإعتبار وقيسى عليها المدرسه اللى تناسب قدراته وإمكانياته .

 

[سارة_kw]

لا انا ولدي ابتدائي
بس ليش خرعتيني
يعني ما تسوى الفلوس اللي تنقط عليهم
بصراحه انا وحده قالت لي والله تقطين فلوسج بالهوا ماراح يستفيد اي شي دام ما تاسس من الابتدائي
:0bee2e8d89:



التأسيس يكون من الروضة مو من الابتدائي

بنتي اسم الله عليها من اولى روضة بالباكستانية اللي بحولي والحمد لله للحين ماشية معاهم

بس ترى تدريس وما اكوو لعب

 

[&شوارفسكيه&]

مشكلة الباكستانيه حرف ال r بيعلموه للعيال غلط وانا وديت ابنى وهو صغير باكستانيه السالميه واتعود ينطق ال r بطريقتهم وكنت بتجنن من كده غير إن منهجهم صعب والمصيبه فى الأجازات كانت فيها أعياد الباكستانيين وكان بيحفظها هههههههههههه وأنا بشوف إن منهجها كبير بالنسبه لسن الطفل وخصوصا لو كان مستواه ضعيف هتلاقيه مش هيقدر يمشى بالمدرسه دى
وعموما جربى بس مش من باب انك تختبرى المدرسه لااااااااااا
من باب إنك تشوفى قدرات ابنك وتتابعيه لو هو من النوع اللى بيحفظ المعلومات بسهوله وبيخزن فى دماغه كل اللى يتقال له يبأه إن شاء الله هيمشى فيها أما لو حسيتى ان ابنك مش ماشى فيها بمعنى انه بيخلص واجباته بصعوبه يبأه أنصحك بلاش منها لأنها فى هذه الحاله ستكون فوق طاقته وقدراته العقليه وأنا عن نفسى عملت كده مع ابنى ونقلته لمدرسة خاصة عربى والحمد لله ماشى وأنا بساعده
وربنا معاكى حبيبتى .
بس نصيحه لكل الأمهات لازم تحطى قدرات ابنك فى الإعتبار وقيسى عليها المدرسه اللى تناسب قدراته وإمكانياته .

بعد عمري على الرد
بشوف
اللي يناسبه-ياااااي هالموضوع شاغل بالي كثير بشكل ما تتخيلونه
بجرب الحين مع النادي الي دخلته للتاسيس
تخيلو قالو تبينه يروح رحلات قالت موبي ابي كله دراسه واهوه بعد عمري قام يبجي يقولي ماما مره في الاسبوع ليش ما اروح لوووووووووول
قلت دام جذيه روح معاهم :dddds:
بشوفه هالشهرين بالتاسيس في النادري وعقب بفكر

لا انا ولدي ابتدائي
بس ليش خرعتيني
يعني ما تسوى الفلوس اللي تنقط عليهم
بصراحه انا وحده قالت لي والله تقطين فلوسج بالهوا ماراح يستفيد اي شي دام ما تاسس من الابتدائي
:0bee2e8d89:



التأسيس يكون من الروضة مو من الابتدائي

بنتي اسم الله عليها من اولى روضة بالباكستانية اللي بحولي والحمد لله للحين ماشية معاهم

بس ترى تدريس وما اكوو لعب

انا 90%شلت الفكره من راسي
لان اغلبيت اللي شاورتهم قالو ماراح يستفيد دام مو متاسس من البدايه