بليز فسرولي حلم خالتي

[hopfull]

السلام عليكم بنات



خالتي ام زوجي حلمت ان شعرها طويييل وكثيف وان مرت اخوها قاعده تاكل اطراف شعرها وتعلج فيه وجنها قرمت منه شويه


شنو يعني واهيا تحاتي هالحلم بليز اللي تعرف تفسر تقولي

مشكورين حبايبي

 

[hopfull]

مازلت انتظر التفسير

:lkmnkl:

 

[لقيت حبي]

مرحبا اختي اتوقع والله اعلم انها تحجى عنها حجي مو زين وي شكلي بخرب العلاقات بس احسه جذيه بصراحه

 

[فطفط نجد]

الله واعلم مرة اخوها تتحجى فيها وتقرضها عند الناس
والشعر الطويل معناه ستر وخير ورزق ....زالظاهر غابطتها على عيشتها

 

[مــ_ــا مــ_ــي]

معروف ان الشعر هو الزوج وعلى هيئة الشعر بالحلم يكون زوجها ... اذا كان طويل وحلو يعني زوجها محترم .. ومرات يقولون الشعر الطويل ستر ... بس ان مرت اخوها تعلج فيه ما اقدر افسر لج هالشغله .. وخير ان شاء الله

 

[hopfull]

حبايبي ماقصرتو

وعلى طاري تخريب العلاقات اهيا خربااانه من امه لووووووووول

خالتي زوجها متوفي من زماااان

وماقرصرتو عاد انا بقولها الكويتيات فسرولج خخخخخخخخ

 

[أزهار الربيع]

خليها ادق على مفسر ثقه احسن لها واظمن

 

[سعودية ميه ميه]

رد : رد: بليز فسرولي حلم خالتي

حبيبتي مو زين اي احد يفسر الحلم
ماتسمعين الي يفسرون الاحلام اذا صار الحلم تفسيره مو زين يقولون خير انشالله ومايفسره
لان فيه حديث فيما معناه ( ان الحلم على جناح طائر اذا حدثت به وقع )
يعني اذا تفسير الحلم كووويس عادي يتفسر بس الي اقصده بكلامي اذا كان تفسيره مو زين وجاء اي احد فسره لك
فاانتبهي مو اي حلم تخلين اي احد يفسره لك

 

[فديت ضحكاتك]

رد : رد: بليز فسرولي حلم خالتي

الحلم..ع جناح طائر ان فسر وقع..

يعني ثبت ..يعني لااحد يفسر مني والطريق..اوكيه..

 

[دلع العتبان]

رد: رد : رد: بليز فسرولي حلم خالتي

الشعر الطويل يقال انة خير وستر وعافية وشكلة تقرض منة حاسدتها على عيشتها ولاشي عندها

خير باذن الله مايجيها شر مادام تقرا المعوذات ومتوكلة على الله

 

[fato_kw]

رد: رد : رد: بليز فسرولي حلم خالتي

حبيبتي الحلم ما يصير يتفسر اكثر من تفسير

وفي حديث بما معناه انا مو حافظته بس معناه ان الحلم يتفسر عالتأويل الاول يعني ما يصير تفسرينه اكثر من تفسير

شوفي احد ثقة وفسريه

والحم اللي تخافون منه يابنات ما يصير يتفسر الا عقب 3 ايام اصلا مايصير يسولفون فيه يعني تخشينه بقلبج 3 ايام وتدفعين صدقه والصدقه تدفع البلاء وبعدها فسريه

وما يصير تفسر بوقت تقلب الزمان يعني ما يصير تفسرينه الفير او المغرب بوقت اللي يتغير فيه اليوم فهمتي علي

ان شاءالله احلامكم خير بخير والله كريم

 

[hopfull]

حبايبي والله ماقصرتو

تسلموووووون:balo: