بليز ساعدوني

[lzeeza-3]

بنااااااااات بعد 10 ايام عيد ميلاد اغلى النااس عندي زوجي

ابي افكااااار حلوه انا شريت الهديه خلاص
بس قولولي شنو اسوي بيكون بالبيت طبعا
شنو اشتري واعدل ابي شي رومانسي وناااعم ماحب شغلات الاوراق وجذي

والله يكرمكم اللحمام شلون اسوي والغرفه ياليت تدون علي كلككم والله احببببببببببببببببببكم

 

[فوفو22]

الحمام حطي اكسسوارات جديده وشموع ن سنتر بوينت وكتبي على المنظره شي او رسمه شفايف

وغرفة النوم حطي بالونات وغيري الكفر

والاهم غيري من شكلج خليه ستايل يعني

سوي شكل هو يحبة .......

كبري صوره من ليله عرسكم وحيها بغرفة النوم

والاهم من كل هذا

خلي لسانج عسل حقة واوعديه ان ايامكم كلها عسل

وكل عام وهو وانتي طيبين

 

[أبله كويتيه]

شوفي حياتي اشتري كذا صندوق باحجام ونفس الشكل

حطي الهديه باصغر صندوق وحطي كل الصناديق داخل بعض

خليه يتعب على مايوصل لها لوووول


اووو اشتري كذا هديه وحطيهم بصناديق وكل هديه بمكان

وخليه ينصدم لووول

بالحمام اشتري من وحده هني عندها لمبات ملونه تهبل تنور الحمام

احسن من الشموع .. وحطي فقاعات صابون يبيعونهم بالشايع

وطفي الليتات خلي الحمام ينور من هالليتات

قديمه الشموع وبعدين خليهم حق الغرفه

اشتري ورد احمر ورسمي قلب حب من الورد على السرير وكتبي على منظرة دارج كل عام وانت الحب حبيبي

كتبي اوراق صغيره مثل احبك ياعمري .. عسى الله لا يخليني منك .. اموت فيك ... روحي انت ... ومن هالحجي الحلو

وحطي كل ورقه بمكان مثل بنطرونه او دشداشته عشان ثاني يوم يشوفهم

وحطي بالمكان الي اول مايدش يشوفه او يفصخ فيه

وحطي بالمكان الي ياكل فيه وجذي

وييبي ورد جوري باقه وحطيها على طاولة الطعام وسوي لج خوش عشا

واذا ما مداج طلبي من مطعم وظبطيه بصحونج

وسوي لج ممر من باب السكه لي غرفة الطعام لي غرفة النوم لي الحمام كله من ورق الورد

قصصيه اوراقه وسوي الممر بيطلع زوووغه

والبالونات ترسيهم

وكشخي وصبغي شعرج ولا قصيه وسوي شي يديد بنفسج وحطي مكياج لبناني بصالون وسوي تسريحه ناعمه ولبسي بدلة سهره ناعمه

والله يخليكم لبعض يارب

 

[احلى روح]

رد : بليز ساعدوني

ماقصروا البنات ...
بس انا عندي اضافة حطي سكر نبات بحلقج طبعا بعد كل الترتيبات يعني اخر شي

 

[روحي ابوي]

البنااات ماقصروااا
الله يخليكم حق بعض ان شاء الله

 

[حب الرّمان]

ألله يهنـــــــيكم وايامكم كلها افراح يارب

 

[طواري لـ((العنقا))ـيل]

هلا حبيبتي وكل عام وانتي وهو بخييييييييير



انا عن نفسي كان اول عيد ميلاد اوسويه له وبدعت ههههههههه


خليته يصير بيبي


حطيت زيناااااااات بالبيت كله ووتفخت حوالي 70 بالونه الممر كله تفافيخ والصاله


والكيكه كاتبه عليها كلام وكاتبه يابو فلان << لاني حامل فـ هالشي مونسه حيل


وكنت حاطه الستاره ع السرير وكان شكلها روعه ومانعني اشيلها


ولبسي كان لقنز احمر وبلوزه بيضا طابعه عليها صورته وكلمة احبك بالاحمر
وكاب ابيض ونفس الصوره والكلمه

وشعري كان ستريت اسود انا شعري طويل

ومكياجي كان خيالي والحمره حمرا اعجبته حيل

والهديه حاطتها بصندوق احمر بسلفر مغلفتها عند بوابة الهدايا

وكانت عباره عن طقم ساعه وبوك وقلم


والطاوله كنت حاطه عليها الكيكه ودار مدارها كل سوالف عيد الميلاد مالت الصغار الكبابيس ووالمزامير ههههههه ووالنظارات الورق

وربي حزتها اقتنعت ان فعلا كل رجال داخله طفل صغير

وكنت شاريه اغنية العيد الميلاد كلها المصريه ومالت عبدالمجيد والشريط يشتغل طول الحفله

ماتتصورين فرحته حزتها وكنت قاعده اصوره فيديو


ههههههههه

لا وختمناها قام يفقع التفافيخ ههههههههههههههه صج صج وناسه لما تشوفين زوجج مستانس ومثل البيبي << عقب ماكان عنتر زمانو هههههه


وبس

والله يسعدكم انشاءالله ويسعدنا

 

[Do I Care]

رد : بليز ساعدوني

الله يخليكم لبعض ويحفظكم من العين

 

[كرز حالي.]

رد : بليز ساعدوني

الله يووووووووفقكم

 

[مينونه باباتي]

رد : بليز ساعدوني

الله يخليكم لبعض انشالله
البنات ماقصرو حبيبتي

 

[lzeeza-3]

يعطييييييييييكم الف عااافيه حبااااايبي
ابي فكره حق الكيكه شلون اسويهاااا
وعلى فكره انا حامل بالشهر 4

 

[funkia cool]

رد : بليز ساعدوني

امممممممممممم انصحج تسوين شي ناعم وراقي وحلوو
يعني ترسي المكان اشموووع وفي وايد اماكن يبيعون شموع على قلوب الحب واشكال روعه ونثري عالمكان ورد جوري وحطي وحده على شعرج وخلج نعومه
اما الكيكا ليش ما تروحين محل كيك حلوو ويكتبون رساله عليها على الكيكة تكون رسالة انتي تكتبينها لزوجج وخليها يقراها عالكيكة كنوع من التغير وخلي شكلها على قلب الحب
وربي يحفظج ويوفقج بحياتج يااااااااارب

 

[اشتياق]

حفظت هالموضوع وردود البنات عليه من كثر ماتكرر..

كل عام وانتوا بخير

افتري بالقسم

تحياتي ياحياتي

 

[*سحآبة*]

رد : بليز ساعدوني

وناااااااااااسة ..


ماشاء الله عليج الله يوفقج