بليز ساعدوني ضروري

[الاميرة الحلوة]

ابي اشتري هامستر وامي مو راضيه وتقولي شنو هامستر اقولها فار تقولي لا مارح اخليج تشترين جرذي
شسوي بنات ساعدوني بليز والله محتارة اهئ اهئ اهئ اهئ:0bee2e8d89:

 

[daloo3ah]

اغلب البنات يعانون من المشكله نفسها ..^_^

والمشكله الأهــــــــــــــــــــــــــــــــل .. ااه منهم هالأهالي لووووول..

حبيبتي اقل شي تسوينه ..
1- دموعج ودلعج ..
2- سوي سيرج بالنت عن الهامستر سواء بمواقع عربية أو اجنبيه .. واقريلهم عنه .. و خليهم يقرون بنفسهم لين يقتنعون انه اساسا مو فار .. صج انه شكله قريب من الفار .. بس اهوه اساسا مو من فصيلة الفيران !! حرام ..

و وريهم انه ما يسبب امراض ولا شي !! وترا الهامستر حيل نظيف ..

انا هاذا الي سويته لين امي رضت .. كانت حدها معارضه وتكره هالمخلوق .. عقب ما قريتلها عنه وعطيتها معلومات و وريتها صور .. الحين اهيه قامت تجابلهم وتسألني عنهم بعد ..

و مثل ما قلت حق البنات في المواضيع الثانيه ..

بكرر وبقولج :

رحت حق دكتــور بيطري وسألته عن الهامستر ان كان مضر \ وصخ \ يسبب امراض ...إلخ
قال : " بما انج تربين الهامستر داخل البيت .. من سابع المستحيلات انه يسبب لج اي نوع من انواع الامراض !! مستحيل انه يسبب مرض دام انه بمكان نظيف و يتربى داخل البيت .." ..

وبــس ^_^ ..

حاولي وصبري وانشالله بيرضون تاخذين .. وانصحج تاخذين الروسي علشان بعد ما يقولون لج الريحه وهالسوالف ..

 

[الاميرة الحلوة]

مشكوره حبيبتي واستقدت منج وان شا الله راح اطبق الكلام

 

[jod.q8]

نفس الشئ

ليش يعتقدون انه فار و اهوا مو فار ؟؟

بس ابجي لما يرضون

 

[سكارف.فوشي]

انا مع دلوعه

 

[ღلولي الحسآويهღ]

هههههههههههههه والله صاجه امج ايه صج جنه فار

 

[SaD FaCe]

دلوعه ما قصرت واهوه مو فار فديتهم والله لوووول

 

[الاميرة الحلوة]

حدي محتاره امي مو راضيه ابجي ولا شسوي

 

[الاميرة الحلوة]

تخيلوا اقولها تعالى شوفي صورتك تقول لا لا لا لا لا لا

 

[daloo3ah]

لا تقوليلها تعالي ماراح تيي .. قوليلها قريت و سمعت و شفت كذا وكذا وكذا ..

انا امي بصراحه اقولج لووول .. تهاوشت معاها والسبه ابي هامستر .. اهي كانت معصبه وقالت ما يدخل هالحيوان بيتي بتدخلينه والله اطلعه بره .. سكت انا وما تكلمت .. رحت لأبوي وقتله انه الهامستر مو فار وما يسبب امراض و...الخ .. قال خلاص روحي انتي قنعيها انا مالي شغل .. كلمتها لما كانت هاديه >> اهم نقطه انتبهيلها لوول .. اهم شي تكلمين امج واهيه حدها حدها رايقه ومستانسه .. قوليلها ترا انا قريت وجذي وجذي .. راح ترفض .. حاولي لين ترضا .. انا سبوعين وانا احاول فيها وطبعا بدموع ودلع .. اخير شي بروحها قالت لي ترا انا راضيه انج تاخذين الهامستر ..

يعني انتي وشطاااااارتج وسياستج معاها ^_^ ..

وفديتها امي الحين اهيه تجابلهم وتسألني عنهم اذا نزلت وما نزلتهم معاي .. وتشتري لهم خضره وفواكه ..

لا تيئسين لوول حاولي..^_^ يعني بشطارتج حببــيها فيه ..

 

[الاميرة الحلوة]

مشكورين حبايبي والله شجعتوني

 

[احلى حساويه]

:krkrkr::krkrkr::krkrkr: أنصحج إسمعي كلام أمج أوووكي .

​

 

[الاميرة الحلوة]

اهئ اهئ اهئ اهئ اهئ اهئ انا مصره اشتركي هامستر وامي عكسي تماما
جنه فلم مو جذي هههههههههههههه