بليز تعالوا ابيكم .. في احد نفسي و لا بس انا

[.. أم فاطمه ..]

السلام عليكم

بناااااااااااااااااااااااااااااااااااااااااات
شصاير



دخلت القسم كله روايات خليجيه و كله حبني و احبك و مراهقه

شدعوه مافي قصه تاريخيه وواقعيه الا الكونتيسه اليزابيث .. وين روايات كريستي و موليير

محد يحب يقرا روايات و اساطير من التاريخ من الادب الفرنسي

يا بنات ابي وجهة نظركم


شدعوه الكل تستهويه قصص المراهقين .. احسها تلعب بعقول البنات الصغار


و نسخه طبق الاصل من مسلسلاتنا


يعني الواحد ينحاش من التلفزيون اللي صار كله قلة ادب لي الكتب و الروايات و القصص و يلاقي نفس الشي

والمصدر كله واحد كله خيال مراهقيين الخلييج


بصراحه اسفة على عقول البعض

نبي قصص تحاكي العقل مو تلعب ع وتر المراهقه حتى هالنوعيه من القصص احسها ساذجه مادري شلون نكتبت !!!

يعني القصص و الروايات القديمه تخليج تشغلين عقلج و تفكرين و تستنتجين تشدج و تعلمج و توسع مداركج اذا كانت واقعيه


عيل قصة الكونتيسه المشاهدات ماتعدوا الخمسين و القصص الباجيه المراهقه بالالاف



ابي رايكم واتمنى محد يزعل من رايي

 

[خفوقي عاف دقاتة]

ٍٍ​

عدل كلامج وجهه نظر شدتني اكثير
اتفق معاج بالراي

وبما انه اغلب اللي يقرون القصص مراهقات
عشان هيك تلقين هالروايات تشدهم اكثر وللاسف
في البعض منهم ينجرف ويطبق وهذا الشي السلبي
اللي ياثر ع البعض

ومنا الى الكاتبات

ٍٍ​

​

​

​

 

[روووح طفولية]

إي والله صح كلامج

 

[.. أم فاطمه ..]

فديتكم زين لقيت احد نفسي

يمكن البعض يشوف رايي و يعتقد اني كبيره بالعمر

لا انا بعمركم بس صراحه الانسان يدور الشي اللي ينمي عقله

معلومات عن شخصيات تاريخيه على الاقل لي كنتي بمحاضره و لا حوار مع اي احد الا عندج معلومات و خلفيه

حرام نترس الراس و نمرض القلب بقصص انا مادري شنو الهدف منها

 

[~.ąvȍƈaȚ.~]

شدعوه الحين الحب بس حق المراهقين على قولتج ؟!

و انتي تقولين ما منها فايده !! لو تقرين تلقين وايد قصص لها عبره بالنهاية تناسب على قولتج عقول المراهقين

يعني على سبيل المثال لا الحصر عندج قصص ريريز و همسات حالمه لازم تلقين شي بالنهاية

و نوع الادب اللي تتكلمين عليه اكثر شي موجود بالكتب ... اوكي في مواقع فيها هالنوع بس مو وايد

و الواحد يبي أحد يتابعه عشان جذي يحط شي يشده... و مو الكل يشده الروايات التاريخية

و لولا اختلاف الآراء لبارت السلع

انشالله يزيدون الروايات التاريخية و يزيدون جمهورها و كل واحد حر باختيار الشي اللي يقراه

و قصص المراهقين مثل ما تقولين ممكن ننحط بنفس التجربة و نتذكر الموقف و نستفيد منه ... أو ناخذ حذرنا

و مافي مانع لو الواحد يجمع بين النوعين بالنهاية ينمي معلوماته و ثقافته و يستمتع بنفس الوقت !!

و أتمنى تكون وصلت وجهة نظري

 

[.. أم فاطمه ..]

ممكن ننحط بنفس التجربة و نتذكر الموقف و نستفيد منه ... أو ناخذ حذرنا

عقب ما قريت ردج عدل اكثر من مره اكتشفت ان جملتج هذي اكبر دليل على تأثير هالقصص و نوعيتها من المسلسلات الهابطه على اللي يتابعها


الدنيا تعلم الانسان شلون يتعامل معاها و القصص التاريخيه تنمي الثقافه و العقل
اما القصص اللي بس حبني و احبك .. وكانت كاشخه و رايحه سوق و شافت بالصدفه اخو رفيجتها و ماتدري ........... الخ من السذاجه


في قصص رومانسيه حلوه اللي يكون كاتبها اديب معروف او حتى مو معروف
انا مشكلتي مو ان القصص تتكلم عن الحب لا انا وجهة نظري ان صاير تسليط الضوء بس على الحب بين شاب و فتاه و ووصف حق شكلهم و ووصف حق العلاقه بينهم انزين انا شنو استفدت ؟؟؟ شنو اللي طلعت منه بهالقصه ؟؟؟


ارثي وضع البعض

 

[cute princess]

كلامج عدل وما اعترض عليه
وانا وحده تعجبني القصص التاريخيه بس احبها تكون واقعيه
واغلب القصص اهني يمكن على قولتج عن الحب بس واقعيه وفيها عبره بالنهايه ونصيحه حق البنات يعني مو منزلينهم بس جذي

وليش باجي القصص الي بالقسم وين راحت ؟ في قصة اسمها " كيكه من نار "
ووحده نسيت اسمها بس كانت بنيه كاتبه قصتها انه حايشها " مس " وكاتبه شلون تعالجت منه ونصحت البنات
ووحده قصتها مع ولدها انا ما قريتها بس سمعت عنها من البنات الي اهني ...
وفي ثنتين نزلو قصة سيدنا يوسف عليه السلام..
والحين عندج العضوه " ريريز " منزله قصه رعب ومافيها طاري حب ولا شي ونزلتها كـ تغيير للقصص الموجوده عندنا


بس لانه القصص قصيره يعني تنزل كلها بيوم واحد فـ الكل يقراها بنفس اليوم وبس يوقفون البنات عن قرايتها ويروح الموضوع بالصفحات الاخيره بالقسم ...

وفي وايد قصص عن بر الوالدين او عن قصيده مكتوبه يعني البنات مو مقصرين بالمواضيع...
واذا عن المشاهدات.. ترا باجي القصص ما تنزل كلها كامله.. يعني كل يوم ينزلون جزء منها والبنات يطلعون ويدشون عالموضوع عشان يشوفون نزل جزء ولا لا وهذا الي يخلي المشاهدات ترتفع... وقصة الملكة اليزابيث انا لما بطلتها بصراحه استانست انه بنات وايد قارينها وما توقعت هالشي منهم ! تقريبا اغلب البنات الي معانا اهني قارينها !

واذا انتي حابه تشوفين قصص تاريخيه اهني فـ تقدرين تحطيلنا وحده اهني وانشالله البنات بيقرونها وتزيد هالمواضيع عندنا بالمنتدى

 

[G!RLooNa]

معنه اغلب القصص اللي تنزل حب بس ترا اغلبها تكون واقعيه حلو تقرين قصه واقعيه عشان تستفيدين.. و عالقصص التاريخيه صح انا قريت مالت الكونتيسه ايليزابيث عجبتني

ووو ليش ما تنزلين انتي قصص جذي عشان الباجي يتشجعون وينزلون

 

[أحلامي يقظه]

اهو صح كلامج ..
وانا صراحه قمت امل من قصص الحب..ونصها اعرف منو بتحب وشلون لاني انا كتبت قصه وعارفه تفكير الكاتبه..
بس في كاتبات يبدعون بالاسلوب يخلونج تقرين القصه غصب وتكملينها لي النهايه..
انا كتبت قصه اجتماعيه بس مو وايد قروها كثر قصص الحب وهذا دليل انه مثل ما قلتي اغلب اللي يقرون مراهقات.. واكيد الحب مو بس للمراهقات بس الكبار يعرفون انه قصص الحب مرات تكون خياليه حيل من جذي ما يتابعونها وايد والدليل قصة ريريز الفتاة الهاربه كان الواقع غير وقصتها الحب غير بس روعه اسلوبها ماشاء الله ..

هم الحين قصة يوميات ثقيلة الوزن ..عجيبه .. روووعه وابداع..كلها كوميديا..

بس سوري حبوبه مرات القصص اللي يألفونها البنات احلى من الواقعيه .. الاسلوب والتشويق اهو اللي يخليج تقرين القصه وكثرت قصص الحب بالقسم والردود الوايد عليها اهي شوي تعطي طابع لنا انه القصص الباجي مو مشوقه هالكثر..التاريخيه والبوليسيه والاجتماعيه والدراما والكوميديه..

بالنسبه لي القصص اللي يالفونها البنات احلى..وكل واحد و وذوقه حبوبه ^_^
ويمكن لو يحطون قسم للقصص الخياليه والحقيقيه عشان كل واحد يقرا بالقسم اللي يبي يكون شي حلو ^_^

 

[.. أم فاطمه ..]

بنات انا مو معترضه على قصص الحب بالعكس اقرو قصص قديمه عن الحب و الرومانسيه اتحسينها نظيفه ما تخافين ان مراهق يقراها , بالعكس تلاقينه يفهم الرومانسيه بشكل نظيف


وعندي بعد نقطه
: دايم قصصنا الخليجيه اللي اهي نفس مسلسلاتنا من اول شي تقرين جم سطر خمنتي باجي القصه و طلع نفس تخمينج .. و اول مايبدون القصه توصف جسم بطلة القصه , اوكي عرفينا على هوية بطلة القصه ما قلنا شي بس مو من المقدمه , يعني صايره كل القصص شلون تبدي مثال

عاية بو فلان فيه فلان و فلانه و فلانتانه عمر هذا جذي و شكل هذي جذي , و العايله الثانيه نفس الطريقه , بالصدفه مادري شلون لفه كبيره و بالنهايه نفس المحور ..

و للأمانه انا كنت اقرا هالقصص بس بنات لما تقرين القصص التاريخيه و الواقعيه و الادب الفرنسي تحسين عقلج يرفض قصص تكلم بس القلب , القصص التاريخيه و الادب الفرنسي و الانجليزي يخلونج تشغلين عقلج تفكرين و انتي تقرين ,

اما القصص اللي سايده هاليومين تعطي بنج حق عقلج و بس اقري و انتي ساكته


مادري يمكن عشان قريت كميات احس ابي اجدد معلومات و الله مادري *_^

 

[DALLY]

صج اني احب اتابع المسلسلات بس هذا مايعني ادمان او اتابع اي مسلسل واحب انوع من مسلسل تاريخي الى مسلسل خليجي واقعي

قصص بلشت اقرا من هالمنتدى الراقي وركزت على القصص الواقعيه سبحان الله استهوي قرايتهم وكل انسان له شي يستهويه نعمه من الله

ولاحظت كل الروايات مو بعضها كلها الهدف من طرحها التنبيه والعبره وهذي تعبتر اهداف ساميه لله الحمد وهذا المطلوب من ورا هالقصص الواقعيه

ومو عدله تنقال كلمة ساذجه عن القصص ف النهايه هي من الواقع والله كاتب ف الاقدار ان هالاشياء راح تصير لأي بني ادمي الله اختار يعرضه لهالمواقف والتجارب ولما يعتبر وينصح غيره بأسلوب ان يطرح القصه بشكل راقي وسلس يستهوي الاغلب عيب نقول ساذج لهدرجه حياتنا وقدرنا صار اي شي وساذج

وكل عضوه تفكر تطرح روايه واقعيه او غيره من حقها لان المجال مفتوح للكل دام القسم هذا مفتوح وخاص لهالشي والاحترام لابد منه والحريه الشخصيه ف الطرح مسموحه وكافي ان اكوا قوانين وحمدلله احنا كعضوات متطلعين عليها وعارفين الحدود ويزاهم الله خير العضوات اللي عندهم الجرأه والامكانيه يطرحون روايتهم سواء واقعيه او غيره واذا بنركز عالواقعيه ففيهم الخير اللي يحبون يطرحونها من اجل فكره يوصلونها عشان الكل يعتبر من هالتجارب ولا ننسى ان الحياه تجارب ولو شنو ماكانت انواع التجارب لازم نقول قدر الله وماشاء فعل وهم طرحهم لها يعتبر نعمه لنا والحمدلله


ونفس ماقالت الغاليه كيوت برنسيس ان اكوا قصص مو بس عن الحب وكل اللي متطلعين حيل على هالقسم وخاصه الروايات الواقعيه يشهدون على كلامي

حيــــاج,,,,

 

[ReRez]

هذا رايج و احترمه .. و مثل ماقالوا خواتي في وايد قصص مو عن الحب

و قصص حب يكون في منها عبره و هدف .. في قصص يستفيديون منها المتزوجات مثل بقصه عندي تكلمت عن معاناة زوجه بغض النظر عن الجوانب الثانيه اللي فيها

و بعد في قصص توضح للبنات كثير امور خافية عنهم بالنسبة لمرض معين مثل يوم تكلمت عن الصرع و وحده ثانيه تكلمت عن مرض ولدها الصغير

يعني مو الغرض اهو حبني واحبك و سوالف مراهقه مثل ماقلتي

وفي قصة كتبتها تتكلم عن الجن والعياذ بالله و مافي اي شي عن الحب

و انا مابي اتكلم عن نفسي بس لأن وايد اقرى قصص اهني وتكون مليانه عبر

ومثل ماقالو خواتي تقدرين تنزلين لنا قصص تاريخيه لأن صج في وايد قصص حلوين مثل قصة (( ماري انطوانيت والثوره الفرنسية ))

و (( قصة كريستين اللي حاربت الاستعمار النمساوي لإيطاليا ))

و قصة (( الطاغية روبسبير اللي أعدم ستة آلاف مواطن فرنسي في 6 أسابيع ))

و ان شاءالله كل البنات يقرون هالقصص

 

[miss kl al’3la]

انا قريت الموضوع وبصراحه احنا لازم نشجع المراهقات على كتابه القصص بالاول مو من البدايه نقولهم ان اللي تسووونه موصح وبعدبن راح يبدعون مثل ماقلتي اختي (ام فاطمه )ان بدايعه القصص كلها مثل الشي ..لان البنات اللي يكتبونهم للحين في البدايه مو اديبات فلازم يكون في اخطاؤ لان الابنيه لما حبت تكتب قصه اكيد قلدت اسلوب كاتبه عجبها اسلووبها وبعدين بالروايه الثانيه تبدا تكتب من اسلوبها لين تصبح مبدعه لان ماراح تصير مبدعه من اول ماطلعت من بطن امها!! مافي احد جذي وبدال لانشجع على قرايته القصص اللي يكتبونها الغرب وكل عاده هذا مايشجع له مجتمعنا تقليد الغرب فقط!! لازم نشجعهم على قرايه الققصص اللي يكتوبونها ادباء العرب امثال نجيب محفوظ ..
وانا بكل صرااحه ضايقني انج على طول اتجهتي للغرب دون ذكر ادباء العرب.. على الرغم من براعه نجيب ممحفوظ في كتابه الرواياته ..التاريخيه والادبيه والرومنسيه اللي داييم فيها حكم سوا من اي نوع وتفتحك اعقولنا

 

[miss kl al’3la]

ومشكوره ويعيج العافيه
.....تقبلي مروري ....

 

[.. أم فاطمه ..]

كل ردودكم على عيني و راسي و في ردود استفدت مها للأمانه


و امس قريت رواية الاخت ريرز الفتاه الهاربه بصراحه اعجبتني حييييييييييل و ماخليتها لين كملتها للأخر

و بلشت اقرا يوميات ثيلة وزن و من اول 3 بارتات شدتني حيل

و بالاخير لولا اختلاف الاراء لبارت السلع

و السموحه من الجميع


شكرا