بليز بنات دخلو

[...؟؟...]

السلام عليكم ..

مبارك عليكم الشهر حبايبي والله يرزقكم باللي تتمنونه بحق هذا الشهر الفضيل .

آنــا متزوجه صار لي 3 سنوات والله ما كتب لي بالحمل الحمد لله ع كـل حال , لا اعتراض على حكمة رب العالمين ,

سويت كل شي ، سويت تحاليل انا وزوجي الحمد لله سليمين ، سويت عمليه حقن خارجي بالاردن وما نجحت العمليه مع ان الدكتور عطانا نسبه 99% ان العمليه ناجحع لكن الحمد لله ع كل حال راجعت اكثر من دكتور وكل من يقول لنا سليمين وسمعت عن سالفه التبخر بالشاي الاخضر وسويت ما استفدت ورحت لحرمه قالت لي ما في شي ، واستخدمت عسل هم ماكو فايده ،
بس الحين اللي قاعده الاحظه بعد الجماع ان الحيوان المنوي ما يتم داخل ع طول ينزل !!!
بنات بليز شوفو لي حل واااايد تعبت نفسيتي وااايد تعبانه قولي لي شنو الحل
وسوري تعبتكم ودوخت راسكم والله يرزقكم باللي تتمنونه ..

ادعو لي ربــي يحقق لي منـاي ,... :yaaaaaarb::yaaaaaarb:

 

[fulla.81]

الله يرزقج ويرزقني بالولدالصالح
حبيبتي من حط عينه بربه ماخاب ،، لج بسوره البقره يوميا سبحان الله لها سحر هالآيه عجيب واكثري من الاستغفار بنيه الذريه
بس ميخالف تقولين لي شسم المره الي رحتي لها ودي اروح اشوف مشكلتي عندها *

 

[أحلى عيون]

اختي الغاليه الله يرزقج بالذريه عاجلا غير اجل


حبوبه بالنسبه لي بعد الجماع ينزل السائل منج هذا نفسي بالضبط وكلمت الدكتور وقالي رحمج مرتفع

اختي الطريقه الصحيحه الي ربي رزقني ولله الحمد

يصير الجماع وتنامين على بطنج على طول

او يكون طريقه الجماع الحركه الفرنسيه اسمحي لي بالكلمه هذي ماعرف اشرح

يعني تكونين انتي بحركه السجود وعلى طول تنامين على بطنج وعسى ربي يرزقج

واي سؤال راسليني خاص

 

[...؟؟...]

الله يرزقج ويرزقني بالولدالصالح
حبيبتي من حط عينه بربه ماخاب ،، لج بسوره البقره يوميا سبحان الله لها سحر هالآيه عجيب واكثري من الاستغفار بنيه الذريه
بس ميخالف تقولين لي شسم المره الي رحتي لها ودي اروح اشوف مشكلتي عندها *

الحمد لله ع كل حال وانا الحمد لله ايماني برب العالمين كبير وهو القادر ع كل شي ،
انا كل يوم استغفر واقراء القران اللهم لك الحمد ..

عمري انا رحت لحرمة من البحرين لاني بحرينيه وربي يرزقج ويرزق كل محرومه
:yaaaaaarb:

 

[...؟؟...]

اختي الغاليه الله يرزقج بالذريه عاجلا غير اجل


حبوبه بالنسبه لي بعد الجماع ينزل السائل منج هذا نفسي بالضبط وكلمت الدكتور وقالي رحمج مرتفع

اختي الطريقه الصحيحه الي ربي رزقني ولله الحمد

يصير الجماع وتنامين على بطنج على طول

او يكون طريقه الجماع الحركه الفرنسيه اسمحي لي بالكلمه هذي ماعرف اشرح

يعني تكونين انتي بحركه السجود وعلى طول تنامين على بطنج وعسى ربي يرزقج

واي سؤال راسليني خاص

حبيبتي والله الحيوان المنوي ما يتم داخل وخايفه حدي وتسلمين ع الشرح ان شاء الله راح اراسلج تسلمين عمري وربي يحقق لج مرادج بحق هالشهر الفضيل .. :yaaaaaarb:

 

[هيبة ملك]

روحي لحرمة تمرخج وترد الرحم محله يمكن صاد مؤتفع
والله يرزقج ياربي

 

[@ام يوسف@]

الله يرزقج الذريه الصالحه واكثري من الاستغفار

 

[&هند&]

حبيبتي بعد الجماع ارفعي رجولج على تاج السرير والله يرزقج الذرية الصالحة ،،،،،

 

[أغلى أمنياته]

الله يرزقج عاجلا غير اجلا بالذريه الصالحه​

 

[أم نواف غير]

الله يرزقج الذرية الصالحة​

​

حبيبتي

​

 

[*qalaa*]

الله يجبر خاطرك يارب وخاطر كل محرومة

 

[marshmelo0o]

حبيبتي خلي الجماع بالحركه العاديه يعني المتعارف فيها خلي تحتج مخده واول مايتم الانزال رفعي ريولج تقريبا من عشر دقايق الي ربع ساعه والله يرزقج الذريه الصالحه

 

[ميما السعوديه]

انا بعد نفس الشي مادري ليش
احاول ارفع رجولي شوي
والله يرزقنا وياك

 

[ملكه الحطب]

اختي الله يرزقج ان شاء الله ياااااااااااااااارب

سوي الحقن مره ثانيه وسوي انابيب لا تياسين والله يرزقج ياااااااااااااااااارب

 

[النجاح هدفي]

انااا نفسج والله رفعت رجولي
بس ان شاء الله بحاول اناام ع بطني ع طووول

الله يرزقنا ويرزقج ويرزق كل محروومة

 

[...؟؟...]

تسلموون حبايبي ع الردود والدعوه الحلوة منكم
يارب يرزق كل محرومه ويرزقكم ع قد نيتكم

والله سويت كل اللي قلتوه لي بس ماكو تغيير وانا الحين عدت تحاليلي عشان اشوف يمكن تاثرت الهرمونات من بعد العمليه
الحمد لله تحاليلي الهرمون الحليبي والغده وكل شي الحمدلله ممتازة
والرحم البطانه والسمك الحمد لله تمام
الحين باقي تحليل نسبه التبويض انتظر يطلع ادعوي لي كل شي تمام

 

[بانانا]

ماعليه دام التحاليل سليمة الموضوع مسألة وقت
الصبر ثم الصبر
الله يرزقج ويرزقنا معاج

 

[الزيـــــ^^ـــــن]

انزيين حبيبتي سوي تحليل الاجسام المضآده ،،؟؟؟!!

وخلي مره تمرخج ،،، وروحي شووفي نفسسج عند احد يمكن فيج عين او تابعه ،،،؟؟!

والله يرررررزقج يااااااااااارب