بليز بنات جامعة الكويت بخصوص انذار المعدل!

[Miley SmiLey]

السلام عليكم


بنات بليز حدي خايفة وقاعدة احادي ان راح ينزل لي انذار ثالث وبعدها فصل. بليز ساعدوني :"(
انا معدلي العام 1.86 وعندي انذارين وخايفة هالكورس ينزل لي انذار ثالث. اللي ابي اعرفه اذا نزل لي انذار ثالث هل راح يفصلوني او لا؟انا مجتازة 51 وحدة وهالكورس مسجلة 12 وحدة. وبالصيفي هذا مسجلة مادة وحدة. ابي مساعدتكم بليز.. حدي خايفة :"(

 

[أبلة فاتن]

نفس قصتي هههههههه بالضبط لا وابشرج خريجه بعد !!

عموما انذار التخصص ما تنفصلين لازم تعيدين مواد التخصص وتاخذين قريد عالي فيها

اما انذار العام للمعدل العام لج انذار اول

وثاني

اذا ما رفعتي المعدل مع السلامه فصل

كلمي الدكاتره انا يأست اعلنت انسحابي هههههههههه

صيفي ماراح اخذ


حفظت اللوائح الجامعية وزهقت المعدل ما يرتفع هبوط حايشه من هالتخصص​

 

[Miley SmiLey]

اي انا ماخذه انذارين معدل عام. يعني اذا خذيت انذار ثالث هالكورس هذا. راح انفصل نهائيا؟؟؟

 

[أبلة فاتن]

^^

امبيه كلمي الدكاتره ترى معدلج قريب لل 2

يعني لو تاخذين بكل المواد بي


ينشال الانذار العام لج !!



بس الانذار الثالث اتوقع فصل راجعي التوجيه والارشاد عندي بروشور الانذار

ويت اجيبه​

 

[أبلة فاتن]

سمعي بنقلج البروشور عندي بالضبط:

- تبدأ انذارات الطالب على قائمة نهاية الفصل الدراسي الثاني من التحاقه بالجامعه

- يوضع الطالب على قائمة الانذار اذا كان معدله العام يقل عن الحد الادنى المطلوب وذلك حسب
شرائح الوحدات المسجله التالية :


الوحدات المسجله -------- الحد الادنى المطلوب


45 وحده فأقل-------- 1.67

أكثر من 45 وحده وحتى 60 وحده---------- 1.87

أكثر من 60 وحدة _______ 2



-يبدأ حساب معدل التخصص بعد بلوغ الوحدات 60 وحده دراسيه

-على الطالب ان يرفع معدله العام الى المعدل المطلوب خلال الفصلين الدراسيين التاليين
لوضعه على قائمة الانذار والا اعتبر مفصولا


- مع مراعات المادة الخامسه يمنح الطالب المفصول لحصوله على انذار الثالث فصلا دراسيا استثنائيا
لرفع معدله العام اذا كان ضمن الشرائح التاليه :


الوحدات المسجله ------------------ الحد الاقصى للمعدل الفصلي المطلوب لرفع الانذارات

اكثر من 100 وحده ---------- b+

60 الى 100 وحده -------- b

اقل من 60 وحده -------- b-


فإن لم يرفع الطالب بعد منحه هذه الفرصه الاستثنائيه للدراسه معدله العام الى المعدل المطلوب
تم فصله من الجامعه مالم يشمله البند التالي :



- مع مراعات الماده الخامسه يجوز في بعض الحالات الاستثنائية ان تنظر لجنة شؤون الطللابيه
في الجامعه في الالتماسات المقدمه من الطلبه الحاصلين على الانذار الرابع في المعدل العام للنظر
في اعطاءهم فرصه استثنائية اخيره وفقا للشرطين التاليين :

- الا تزيد المده اللي يحتاجها الطالب للتخرج عن فصل دراسي واحد

- الا يقل المعدل العام عن 1.90


فان منح الطالب هذه الفرصه ولم يرفع بعد ذلك معدله العام للمعدل المطلوب يعتبر مفصولا نهائيا من الجامعه .​

 

[أبلة فاتن]

يعطيني العافيه تعبت وانا انقل لج ترى اقري اللوائح

نقلتها بالحرف الواحد واصلا بروشورهم موجود عالستاند انا ماخذته

عموما كل التوفيق لج ولي ​

 

[Miley SmiLey]

ان شاء الله براجع دكاترتي هالاسبوع واتمنى يساعدوني,, امبيه حدي خايفة من الانذار الثالث

مشكورة حبيبتي ماقصرتي.

 

[أبلة فاتن]

فديتج يالغالية وفديت بنات الكوييييييييييييييييييت كلهم

 

[Miley SmiLey]

يعني شنو

"الحد الاقصى للمعدل الفصلي المطلوب لرفع الانذارات"

مافهمت شنو المعدل الفصلي؟

بليز احد يطمني؟ يعني الحين اذا خذيت انذار ثالث راح يعطوني فصل استثنائي؟ يعني هالصيفي اذا المعدل ارتفع لي 2 راح تنشال الانذارات؟

 

[Miley SmiLey]

بليز ابي اعرف يعني شنو قصدهم ب "الحد الأقصى للمعدل الفصلي المطلوب لرفع الإنذار"

 

[أبلة فاتن]

الكلام واضح حبوبه !!!

أكثر من 45 وحده وحتى 60 وحده---------- 1.87



انتي الحين 51 وحده واذا نجحتي هالكورس بكلهم يمكن يرتفع انشاءالله حسبي 64 وحده تصير عدد وحداتج صح

فلازم يصير معدلج نقطتين عرفتي


الحد الاقصى يعنى الحد الاعلى


يعني اذا ماخذه عدد وحدات كيت لازم تجيبين بهالمواد بي بلاس


اذا وحداتج اقل من 60 وحده لازم بكل المواد بي سالب علشان يرتفع قاعدين يشرحون لج شلون ترفعين المعدل

حبوبه

ركزي حجيهم واضح ترى

 

[أبلة فاتن]

ليش ما تراجعين التوجيه والارشاد !!!!!!!!!!

اللي عليهم انذارات دايم يحطون لهم اعلانات بالكلية يراجعونهم


اذا ارتفع هالكورس ينشالووووووووووووووووون جنه ماعندج شيء
​

 

[Miley SmiLey]

لا قصدي عن هذا :


الوحدات المسجله ------------------ الحد الاقصى للمعدل الفصلي المطلوب لرفع الانذارات

اكثر من 100 وحده ---------- b+

60 الى 100 وحده -------- b

اقل من 60 وحده -------- b-

يعني شنو الحد الاقصى للمعدل الفصلي يكون b- ؟ حق اي فصل قصدهم؟ الاستثنائي ولا اللي الحين؟


انا ماعندي امل يرتفع هالكورس عشان جذي ابي يعطوني كورس استثنائي عشان ارفع المعدل:\

 

[أبلة فاتن]

هذاا كله مع بعض حبوبه :


- مع مراعات المادة الخامسه يمنح الطالب المفصول لحصوله على انذار الثالث فصلا دراسيا استثنائيا
لرفع معدله العام اذا كان ضمن الشرائح التاليه :
الوحدات المسجله ------------------ الحد الاقصى للمعدل الفصلي المطلوب لرفع الانذارات
اكثر من 100 وحده ---------- b+

60 الى 100 وحده -------- b

اقل من 60 وحده -------- b-


يعني تحت بند الماده الخامسه يمنحونج كورس استثنائي ترفعين فيه معدلج اذا وحداتج اقل من 60 لازم تجيبين بكل المواد بي ماينس

طيب روحي التوجيه يوم الاحد لانج انذار ثاني للحين ما دخلتي عالثالث !! بس اذا نزل الثالث هذا الفرصه فرصتج الصيفي رفعيه حبوبه


انا توني سحبت الكورس الصيفي بايعتها ههههههههه ،، انتي اخذي مواد اوفر لود يعني مواد رفع معدل اخذي بالشريعه سجلي قبل لاتسكر شعب وخلج

من مواد التخصص مواد المطلوبه عليج خلج منهم هالصيف حلي مشكلتج اول عرفتي اخذي مادتين

وحده شريعه ولا تربيه ورفعي مثل اساليب تفكير او ثقافه اسلامية هذول مواد ترفعين فيها معدلج

 

[Miley SmiLey]

اوكي مشكورة ماقصرتي.

 

[قطوووة]

انا كان عندي انذار تخصص
فصلين ورا بعض

كان 1.49 ورفعته الكورس اللي وراه الى 1.88

ويعطونج فصل ثالث استثنائي ترفعينه ..
خذيت صيفي ورفعته لـ 2.1

والحمدالله الحين تخرجت

 

[أبلة فاتن]

قطوه انذار التخصص لو تاخذين 5 عادي بس ما يخرجونج

الا تشيلينه


احنا قاعدين نتكلم عن الانذار العام المعدلي الكلي حبوبه !!

عرفتي

 

[قطوووة]

الله يعينكم جد

انا رفيجتي لها اكثر من سنه تعيد بهالمواد وللحين ماتخرجت

 

[أبلة فاتن]

لايكون انا رفيجتج هههههههههههههههه

تدرين عندي 5 تخصص

و عام واحد ههههههههههه

وحاطه فبالي اقول بيباي هههه ​

 

[أبلة فاتن]

انذار التخصص لازم تعيد مواد تخصص نفسها وتاخذ قريد عالي فيهم

بس البنت للحين 51 وحده ما اجتازت ال 60

لان حساب معدل التخصص يبلش من 60 وحده