بليز امي مساعده ولي بثانية ابتدائي و حدي متوهقه

[BaRoOoRii]

السلام عليكم و رحمة الله وبركاته

قوه خواتي شلونكم ؟؟

بغيت اسألكم عن الي عندها احد من عيالها بثانية ابتدائي
ولدي ليلحين ما يعرف يقرأ الحروف الهجائية ومادري شلون احاول خليه
يحفظهم عدل و يقدر يقراه :eh_s(2): :eh_s(16):,,,,


وبدعيلها دعوه من قلبي:yaaaaaarb:

و مشكوورييين​

 

[رمانة الكويت]

هلا فيج اختي

انتي تحتاجين مدرسة خاصة اتيليج البيت واتدرس ولدج عدل

مو بس الحروف حتى الحركات الفتحه والضمة ... والمدود ..

يعني ولدج يبيله تأسيس .. ولحقي عليه الحين قبل ما تتوهقين ..

انا بناتي كله تأسيس مدرسة اتييلهم البيت يومين بالاسبوع .. الجمعه والسبت ..

والحين ماشاء الله يعرفون الحروف والكلمات وخطهم زين ..

 

[@ام يوسف@]

ااب

 

[برونزية رشيقة]

نفس مشكلتي !!!

ولدي بثانية ابتدائي وما يعرف يقرا الحروف ..

أنا اعتقد منهج أمل فراشة بيضاء وااااااااااااايد صعب عاليهال ..
وركضة ركضة 3 كتب مادري 4 كتب والله نسيت ..

يخللي المدرسة ما تعطي المنهج حقه بالتدريس ..

كتابين بالسنة كافي ..
الكتاب الأول للفصل الدراسي الأول
والكتاب الثاني للفصل الدراسي الثاني ..

مو خمسين ألف كتاب .. الياهل شيلحق عليه ؟؟؟؟؟؟

 

[LiL MaMa]

امبيييييه المنهج فاااااشل

شنو يعني بس لازم يعرف صورة الكلمه

اليهال مو عارفين الاحرف و السبه ان المدرسات مركزين بس على صورة الكلمه

انا تعبت مع ولدي
بس قررت اييبله مدرسه
ابيه يتأسس

بلحق عليه مدام توه

 

[أغلى حبيبه]

رمانه عطيني رقم المدرسه

انا بعد بنتي ب ثانيه ولي الحين ماتعرف الحروف

 

[جروح ودموع]

العربي صعب وااايد وولدي مو قادر يستوعب

 

[F.A]

دخلوهم القاعده الحلبيه تأسيسم قوي

 

[برونزية رشيقة]

من زمان ودي أدششه قاعدة حلبية بس مترددة مادري ليش!!!!

العضوات أللي عندهم تجارب بالقاعدة الحلبية
ياليت يذكرونها لنا ..
وعيالهم استفادوا وإلا بس دفعي فلوس وماكو استفادة بالأخير؟؟؟؟

يزاكم الله خير

 

[كويتية222]

الحمدلله ان عيالي مادرسوا بمدارس الكويت والا كان علوووم ويا منهج الحكومة وامل فراشة بيضاء

الطفل ما يعرف شنو حرف يعني لاتقولين له أ هذا اسمه ألف سمعيه صوته العادي آه وتالي الحركات القصيرة والطويلة

​

 

[روح الطبيعه]

بنتي بسم الله عليها >> قولوا ماشاءالله ^_^

تقرأ وتكتب وخطها حلو وتقرأ حتى اللوحات الارشاديه اللي ع الطريج

وهي مادشت حتى الروضه

لكن راح اقولكم اشلون صارت جذي >> مع العلم ترى والله ماجبت لها مدرسه

لكن حطيت لها سبوره واكتب لها الحروف بشكل يومي وطريقة النطق اذا كانت مفتوحه او مضمومه

وهي تقلدني واشوي اشوي قامت تحاول تجمع الحروف وتطلع كلمه لها معنى

والحين بسم الله عليها والله يحفظها

من احسن مايكون

فرغوا نفسكم لهم اشوي والله يتعدلون لانهم توهم اصغار وظهنهم صافي

المدرسااات ماراح يفيدونكم وكل تفكيرهم بالفلوس وبس