بليز ابي مساعده

[رمانه حمرا]

السلام عليكم يابنات
ابي منكم مساعده بليز .. رفيجتي عيد ميلادها بعد اسبوعين وابي هديه حلوه تليق فيها شنو اهديها ساعدوني الله يعطيكم العافيه

شكرا...​

 

[أحلى عيون]

عادي اي شي حلو


اهديها ساعه ماركه

او طقم عطورات

او جنطه ماركه

يعني من هذي السوالف

 

[Uccello]

شنو هوايتها ؟؟

اذا عرفتي شنو اتحب راح اتعرفين شنو اتيبيين لها

و موفقة

 

[فتوشة]

امممم جم عمرها عشان اعرف اعطييج افكاار ...
او اذا تبين شي رخيص وعاام اشتري ها واايد اشياء تحسين انها تحب جذ يسوالف و حطيهم بقوطي من المكتبه مربع و لفيه بشريطه ...
سوري حبيت اساعدح بس مادري جم عمرها

 

[صدى النورس]

هلا رمانه حمرا انا رايي من راي اختي فتوشه واذا حبيتي اشتري ساعه من سواتش او شنطه من اكسسوريز يعني ماركات كول او طقم عطورات للجسم من نكتار او بودي شوب بس لو تاخذين اشياء رخيصه واكثر من شي راح زي ماقالت الاخت فتوشه اولا بتنبسط من عدد الهدايا وراح تضمنين شي راح يعجبها
مثلا تاخذي فستان ناعم تطقمي حلق او شنطه ناعمه او جزمه كرمتي
وجد انا لا حظت يفرحون بالكم اكثر من النوع خخخخخخ
وانا اولهم

 

[الشيخه شيخه]

انا احب الهدايا اللي تكون انا متمنيتهم
يعني شوفي شنو كانت تتمنى تشترين او عاجبها
وجيبي لها
مافي احلى من جذي
وكل عام واهي بخير

 

[معشووقة السفر]

بما ان احنا عالصيف ييبيلها كاميرا تصوير او تلفون موديل حلو او شي تلبسه تراجي ترا داماس مسوي خصم 50% بالافنيو