بليز ابى طريقه الصمون الفرنسى فوقه زيتون وذره وصوص للتقديم

[مخدددده]

السلام عليكم

انا شفته عند وحده واستحيت اسالها .. موعارفه طريقته اللى تعريف ياليت تعطينى فكره عن طريقته والصوص شنو مكوناته اهو شكله حلو ويصلح لتقديم وجنه كان طعمه فى شويت فلفل خفيف يدوب يبين بليييييز مشتهيته ابى طريقته ويعطيكم العافيه

 

[عزيزه النفس]

مااعندي فكرة ان شاء الله البنات مايقصرون

 

[<<لمار>>]

ماعندى فكرة

 

[جارة القمر]

يالتي تشرحيلي


أكثر


ما فهمت شي حبيبتي

 

[طيرشلوا]

كتاب عبير الراشد ما ادرى شنو طريقتها لان صراحة موعندى الكتاب بس بعطيج طريقتى
حبيبتى الخبز الفرنسى تفتحية وتقطيعينة احجام متساوية على حسب الحجم الى تبين
وتدهنينة بزيت زيتون وشوية ثوم ناعم حيل مايبين (ممكن تخلطين الثوم مع زيت الزيتون وعادى ممكن تستغنين عنة اذا مو حابتة)
فية كذا خلطة اسويها لة 1* ممكن تحطين شاورما (بس دجاج مسحب محموس مع بصل وزيت زيتون وفلفل اسود وبزار معاة نص علبة ذرة مصفى منها الماى وتكونين خالطة جبن قلاص مع مايونيز وشوية قشطة وحطيها فوق الخبز ودخليها الفرن تتحمر شوية من تحت ومن فوق
ماتطول بالفرن يمكن ربع ساعة )
2*وممكن تحطين صلصة البيتزا وفوقها زيتون وجبن موزيلا
3*وممكن حمسة مشروم وفوقها خلطة بيضاء (قيمر وكريمة - او مايونيز وكريمة - كريمة وجبن قلاص - جبن كرافت الازرق مع قشطة وشوية حليب سائل - جبن قلاص ومايونيز - كريمة مع حليب جوز الهند )

بس الاساس الى ينحط على الخبز الفرنسى زيت الزيتون والثوم ومثل ماقلت ممكن الاستغناء عن الثوم

خل اسوية هاليومين واصورة وانزلة ان شاء

اتمنى انى افدتج

 

[مخدددده]

حبيبتى طير شلوا ماقصرتى ومشكوره ع الشرح ياقلبى ^_^

وبنتضار صورج

 

[جارة القمر]

تفضلي طلبك

http://q8yat.net/showthread.php?t=215590
http://q8yat.net/showthread.php?t=303673&highlight=%C7%E1%DD%D1%E4%D3%ED

http://q8yat.net/showthread.php?t=215590&highlight=%C7%E1%DD%D1%E4%D3%ED

 

[math2020]

مشكوووورة

 

[بساكيت]

حبيبتي انا اسوية بطريقة ثانية بس وايد حلو اييب الخبز الفرنسي واقطعة صغار واحط فوقة خاطة من فلفل اخضر وجزر مقطعين وايد صغار واخلطة مع جبن قلاص ومايونيز واحطة فوق الخبز وارش علية اوريغانو وادخلة الفرن شوية لين يذوب الجبن جربية يمكن يعجبك وبالعافية

 

[مخدددده]

جارة القمر وبساكيت
مشكورين حبايبى وماقصرتوا :^_^