بليزززززز نصحوني كثير محتاره

[احلى توتا]

مرحبا خواتي ​

الله يرزقنا جمعيا الذريه الصالحه عاجلا غير اجلا​

انا صار لي سنه متزوجه وبعدي ماحملت
فقلت لزوجي شرايك نسوي تحاليل نتاكد قال لا ماله داعي
بس انا قررت اسوي ​

الله يسلمكم الدوره عندي ماشالله تبارك الله منضبطه ومنتظمه
وحمدلله من الشكل الخارجي الهرمونات مضبوطه لان مافي شعر زايد ولا تغير بالصوت ولا تساقط بالشعر
يعني الشكل العام الهرمونات زينه
رحت المختبر وسويت تحليل
fsh وطلع لي 4,17
وسويت تحليل lh وطلع لي 5,17
وبعدها قمت اسوي بحث بالنت وطلع نتيجه تحاليلي طبيعيه
زوجي يموووووت على العيال
ولما يشوف الاطفال وده يعطيهم قلبه
وجد ودي افرحه
وانتوا تعرفون الحياه الزوجيه والممارسه الزوجيه ما تصير بشكل يومي تصير بفترات متقطعه
فقررت اشتري الجهاز الي يحدد وقت الخصوبه علشان اضمن يكون باذن الله حمل ​

شنو رايكم
شنو شوركم
شنو تنصحوني
اثق فيكم وفي نصايحكم
وهل في اشياء اشربها ولا استعملها وتساعد في الحمل
والله يرزقني ويرزق كل وحده متاخر بالحمل


واهله وامه والكل ليش تاخرتوا ليش تاخرتوا فلانه حملت وفلانه ولدت وماالومهم ولدهم ويبون يفرحون بعياله
وفوق كل هذا غثى حريم الحما والكلام الي كل مايشفوني يقلونه
انا حملت من ليلتي وانا حملت من ليلتي
ونفسيتي صارت دمار من هالموضوع
وفي ناس يقلون لي لا تفكيرن ويصير حمل
بس هذا مو بيدي افكر ليل ونهار وعلينا الدعاء وعسى ربي ما يردنا خايبين ​

 

[سمو النفس]

حبيبتي اعتقد سنه كافيه الحين روحي لدكتور او دكتوره وسوي تحاليل انتي وزوجج وشوفي ليش تأخر الحمل وان شاء الله مايكون فيكم الا العافيه

 

[ربيع_الروح]

أول شيء قطي الكلام الي يقولونه حريم الحمى من راسج
لأنهم ما وراهم الا الغثى ويخلونج تفكرين وتتحبطين
وهذا كله مو زين لأن التفكير يأخر الحمال
(المشكلة انا نفسج ذابحني التفكير :eh_s(4)::eh_s(4)

ثاني شي دام تحاليلج زينه جربي استخدمي الجهاز الي تعرفين منه فترة التبويض
انا للأمانه ما جربته بس يمكن ينفعج

بس إذا استخدمتيه اكثر من مرة وما فاد اتوقع لازم ريلج يروح يجيك
لأن انتي ولله الحمد تحاليلج زينه


والمرقدوش والمرامية وايد زينين وقت الدورة
وعسى الله يرزقج بالحمل السليم وتقر عينج بشوفه ضناج يا رب:yaaaaaarb:

 

[احلى توتا]

مشكورين على المرور والافاده
والله يهديه ويصلحه ويسخره وان شالله يرضى ونروح

 

[برنسيسة2007]

حبيبتي في حاجه اغلب الدكاتره يغفلون عنها
Lh لازم يكون نصفfsh(بحثي بالنت وراح تفهمين ان شاءالله)
وانت مو نصف بعض بس تأكدي من وحدة القياس عشان تتأكدين نصف بعض او لا
لذلك اذا وحدة القياس موحده معناته مو نصف بعض يكون فيه ضعف بالتبويض وشوفي بعد هرمون الحليب
بعدين انا ما اقدر احددلج هل هو منخفظ جدا لانج مو مو حاطه الوحده
وشغله ثانيه روحي للدكتوره وقوليلها ابي فحص لتبويضي
طبعا راح اتروحين لها ١٢من الدوره ادا دورتج مضبوطه كل ٢٨يوم
اما اذا مضبوطه بس كل٣٠ او٣٥ تبويضج يكون متأخر
مو ١٢ من الدوره
ونصييييييحه زوووجج لاااااازم يفحص يمكن يكون فيه ضعف او دوالي وانتي تحورفين بعمرج
واسال الله لج الحمل ولي ولجميع المسلمين والمسلمات
وعليج بالعلاج الرباني

 

[غرام القمة]

الله يرزقج ويرزقنا ياااااارب

 

[ابدا يالغالي مانساك]

بس لازم ترراجعين حبيبتي انتي وزوجك
وتسووي تحاليل الروتينه للحمل وتطمني

واذا علي تحلي التبووويض كلير بلو الديااجتل
وكلام النااس لاتعطينه مجاال بحياتج فلانه حملت من ليلتهاا وفلانه مااحملت
حبيبتي قووولي هذي ارزاااق وربي اللي ارااد وعطاااه فلانه وغيرره
وبيجي يووم وربي بيعطيج

ويرزقج ويفرح قلبج وقلب زوجك ان شالله
​

 

[مرفأ الذكريات]

حبيبتي نصيحة روحي حق الدكتورة مهجة البدر

شغلها نضيف وما تلعب بالمريضة انا اراجع عندها

واذا زوجك ياخذ هرمونات خلي يسوي تحليل لان الهرمونات تقتل الحيوانات المنوية

وان شاء الله راح تلاقين كل خير

وعسى ربي يرزقك الذرية الصالحة
واهم شي المواضبة ع الدعاء وقراءة القراءن

ومن الله التوفيق

 

[هيبة ملك]

تأكدي أن زوجك سليم وأنت

وحاولي تروحين حريم يمكن عندك ميلان أو صده

وعسى ربي يرزقج

 

[احلى توتا]

جزاكم الله الف خير وحده وحده عسى ربي يرزقكم ويرزقني الذريه الصالحه

ان شالله بنفذ كلامكم
كلامكم حيل يجبر الخاطر

 

[glby7sas]

حبيبتي انا نفسج ترا وبالضبط نفس مدتج صارلنا سنه
بس تبين نصيحتي اول شي خل زوجج اذا احد بطل الموضوع يقولهم تو الناس نبي نستانس انسافر ولا تعلمون اي احد على اي شي وانتو روحو الدكتور اثنينكم سو تحاليل نصيحه مني لا تعلمين احد حتى لو كانت امج واذا احد كلمكم قولو تو الناس بعدنا هذا احسن كلام يسد حلوجهم خصوصا اذا زوجج قالهم
انا نفسج قعد احن على زوجي نروح الطبيب يالله اقتنع لمه وعدته اني ماراح اقول حق احد وهالشي يصير بينه وانا اللي ابي افحص ومن هالحجي
طبعا الدكتوره هند يزاها الله خير اهي اللي ساعدتني وطبعا ماشاورت زوجي خذتنا اثنينه بالمكتب وقالت لزوجي هذي اوراقك ما ابيك تجامع زوجتك وله تحتلم لمد 3 ايام واصعد بعدها فوق سو التحليل حطته جدام الامر والواقع وقالتله محتاجين تحاليلكم انتو الاثنين وفعلا سوا التحليل وكانت الصدمه الكبيره انه معاه قله الحيوانات المنويه وبطئ بالحركه اما انا الحمدالله كان مجرد تكيس عطتني حبوب وقالتلي سوي رجيم لوووووول بس ولي يومج كل من يسألنا انقوله تو الناس حتى امي ساعات تتكلم اقولها ان شاءالله بس ليلحينه معاريس وتسكت ترا الضغوط اللي يسونها الاهل اهي اللي تخربط الهرمونات فوق تحت والله