بليززززززز ساعدونى من ريلي كرهت الرياييل

[يا فرحه ما تمت]

الله يخليكم ساعدونى انا مليت

ريلي معلقنى من اشهر طقت جبدى منه

شتنصحونى اخلى اهلى يكلمونه ولا لا علما كانوا يبون يتدخلون بس رفضت

ولا مثل ما راح .. بيرجع

السببب خاينى مع وحده بالفراش وللحين ساتره عليه وما علمت احد
وكان بتم مصالحه بينى وبينه لكن طلع لى سالفه تافهه و ركب الغلط على
وانا بخيانته ساتره عليه

تعبانه نفسيتى حيل شوروا على

بنات اهو مطلقنى طلقه اولى و رد كلمنى تلفون واتساب هل هذي تعتبر مراجعه ؟

 

[iLLuMinaTion]

الله يعين

 

[lailosh]

يعني نايم مع وحده بالفراش وتبينه بعد وساتره عليه مادري شرد عليج

 

[مذهلة2013]

لاحول الله

لاتسكتين وخلي الاهل يتدخلون نايم ويه وحده استغفر الله وتبينه ؟!

لاحول الله هذا خاااااااااااااااااااااااااااين

 

[زبــــــــدة]

يعني نايم مع وحده بالفراش وتبينه بعد وساتره عليه مادري شرد عليج

اي والله مادري !!

 

[banota_kuwaitya]

أستغفرالله ربي وأتوب إليك..
حبيبتي فكري عدل بشنو تبين الصلح أو الانفصال.. هذا قرار يرجعلج وحدج لان في حريم ماشاءالله عليهم يقدرون يتناسون ويعيشون مع الريال من غير لا ايبون طاري وفي حريم لا ما تتحمل تقعد ثانيه معاه..

إن قررتي ترجعين متأكدة ماراح يعيدها؟ لأن أعوذ بالله ممكن ينقلج أمراض الله لا يقول..

وشغلة ثانية، متأكدة اهو كفو؟ نايم مع وحدة والعياذ بالله ويطلع سالفة يقلبها عليج؟ شنو مو مستوعب جريمته ولا يستهبل؟

الله يكتبلج اللي فيه الخير لج، حكمي عقلج وفكري​

 

[طيشن على جديه]

ليش ساتره عليه ترى جذي يتمادى عليج تشوفين راسه كبران ولا سال ؟؟
انا اقول خلي اهلج يتدخلون السالفه موبسيطه هذي خيانه ..
والله يهديه ويرجعه لج ..​

 

[3houd86]

كلامج معاه مو مراجعه, بس مثلا لو تنامين معاه أو يردج بالكلام قبل انتهاء العده هاذي مراجعه.

و بصراحه يا اختي بلاه من هالرجال, لا عاد مكسوره و تبرد فوق شينه قوات عينه.

بعدين حبيبتي تقولين مطلقج يعني شلون معلقج؟ قصدج ما جاب الورقه؟
إذا هذ الموضوع كلمي أهلج اهم يجبرونه, بنات الناس مو لعبه.

و جزاج الله خير, بنت ناس. لو آنا يمكن ما كنت تحملت و بطيت الجربه.

 

[smo0o]

أحسن شي سويتيه سترتي عليه

لا تنسين من ستر على مسلم في الدنيا ستر الله عليه في الآخره

ربي للحين ساتره مافضحه

الله يهديه يارب

ويكتب لك الخير

 

[M!SS.LOBY]

الله يعينج

 

[جذابه بنت ذيابه]

من ستر علي عبد ستر الله عليه يوم القيامه

لا تفضحينه و خلاص اللي صار صار ماتبينه بلغي اهلج

 

[أحلى فروحه]

انا مع جذابه ،،
استري عليه واذا ماتبينه خلي اهلج يتدخلون وانفصلي عنه ،،
لان بصراحه شي يعور القلب الموقف اللي قلتيه ،،
والرجال ع قولة وحده من الاخوات كبر راسه ،،
فاذا تبينه رديله وانسي اللي صار بس صعب تنسين ،،
اما اذا تدرين ماراح يترك هالسوالف انصحج لا تستمرين معاه ،،
وانتي صلي الاستخاره وادعي ربج والله معاج ،،،

 

[مدّهره !]

اللهم إسترناا فوق الأرض وتحت الأرض ويوم العرض


هذا زناااا وغير حكم الزنااا فيهاا أمراض شلون تضمنين ع نفسك ؟؟؟


والله مااعندي إقتراح غير أدعي إن الله يسترنااا أحيااء وأموووات

 

[sh_mashael]

ساتره عليه عشان عيالها

الله يعينچ

و الله مادري شقول

يبيله احد يزفه زفيه و تفاهمي بينچ و بينه و بنبرة غير و خليچ حازمه چود ينعدل

قلة ادب و جلة حيا و العوي عوي و الله يهدي الجميع

و اذا بتردين له
خل يروح يفحص و يحلل باچر يجيب لچ امراض هذا اذا مافيچ امراض منه

 

[نـعـومـه]

لا موعشان عيالج ساتره عليه

انتي تحبينه وتيينه

انا اقول ضغطي على نفسج وسكتي خليه اهوه ايلج بكل ندم نع ان الحل الافضل الطلاق بس شكلك ماتبين الطلاق براحتج طبعل بس اقلها تصبرين وتسكتين لما اهوه ايلج يراضيج ويوعدج مايكررها لاتكلمينه من نفسج

 

[جوري الصالح]

حــــــبوبة ...
خـــــلي الاهــــل يتــــــدخلون بحــــل المــــشكـــلة
لا تتستـرين ع ريــــلج صــــــارحيهم لا يـــقلب الحق عــــليك

 

[سعوديه 1]

دايم استغفري وانصحك تدخلي الاهل بالموضوع عشان يعرف انه وراج اهل وما يستخف فيك مره ثانيه ويعرف حدوده

والخيانه صح صعبه لكن لو تحبينه وتبينه يمكن نعتبرها غلطه وما تتكرر باذن الله

الصلح زين اختي لكن مثل ما قلت دخلي اهلج بالموضوع

 

[امـ خــزامـى]

استخيري وربي يكتبلك الخير ويرضيك فيه


البنات ماقصروا

 

[مسالمة66]

يعني نايم مع وحده بالفراش وتبينه بعد وساتره عليه مادري شرد عليج

اي والله صدقتي ما ادري شقول


ما اقول الا اني صج صج كرهت مو الرياييل الا الحريم من سذاجتهم الزايدة

 

[دلوعةمآمآ]

الخيانه توجع

الله يعيينك ويمسسح على قلبك يارب ..

استغفرالله واتوب إليه