بلـــــيز بــنات أبــي رايــكم .. ؟

[NoNa AlMansouri]

الــــسلآم عــليكمـ بــنوتاآات .. شــلونكمـ ؟


انا هالســنه بتخرج من الثانويه انشاءالله .. ادعولي اييب النسبه اللي فبااليــ :yaaaaaarb:


المــهم .. تقدملي ولد خالي واهوا يدرس برا ثاني سنه .. وعلى اساس ان اذا صار نصيب انشاءالله ياخذني معاه واكمل انا بعد معاه هناك..




فــ هل تأيدوون الزواج بهالعمر و كون اني رح اكون فبدايه زواجي مو بين اهلي وما اعرف شي هناك وهل رح اقدر امشي اموري ,,؟

ولا ما تأيدوون؟؟! وليش




ابي رايكم ومساعدتكم بلييييز :eh_s(7):

 

[فـلـ 50 ـس]

وعليكم السلام والرحمه

الله يسهل لج حبيبتي و يوفقج

صح ان عمرج صغير و توج بس والله على حسب يعني في بنات عقلهم كبير و فاهمين الزواج و متحملين المسؤولية

بس لا تنسين ان بدايات الزواج صعبه تحتاجين تكونين بين اهلج فما بالج بالغربة بعد

انتي استخيري و اذا لقيتي ان التخصص اللي هناك يناسبج توكلي على الله

او نطريه سنتين لين يخلص ويستقر بالديرة
وانتي يمديج تكونين مستعده و مثبته نفسج بعد بالدراسه
وبعدين سنتين يمرون بسرعه فلا تخاطرين ولا تستعيليين و تجربين الا اذا كنتي واثقه من تحملج للمسؤولية




​

 

[رووح ابووها]

استخيري قبل كل شي
واذا الريال زين الله يكتبلج الي فيه الخير

 

[بنت حبيبي]

حبيبتي احنا عندنا جذي البنت ماتكمل 20 الا وهي في بيت زوجها
كلهم يتزوجون صغار بس على حسب هل تقدرين تتحملين المسوليه او لا
هذا الشي انتي اللي تحكمين عليه مب احنا وصلي صلاه استخاره والله بيكتب
اللي فيه الخير

انتي فكري بعدج صغيره والحياه جدامج

 

[MJnoont el-hesn]

صلي صلاة استخارره
والله يكتبلج اللي فيه الخير

 

[عادت ذكرياتي]

على حسب إذا نوعيتج صبورة وتتحملين الغربة وحياة يديدة هالشي راجعلج


ربي يوفقج حبوبة

 

[مس عسولة]

استخيري ربج
والله يوفقج عادي الزواج ماله عمر واحسن صغيرة بس فتحي مخج وصيري فطينه واذا احتري بشي شاوري امج وخواتج واخذي النصيحه الي تناسبج لان مافي احد يفهم الوضع كثرج
والله يوفقج يالغاليه ويسعدج
شدي حيلج موفقه
واذا ع الغربه خلص سنتين وع ماتخرجين الثالثه ان شاءالله هانت سنه او سنتين بالعكس تاخذين راحتج معاه بروحكم بدون تدخل اهله 

 

[mf6nt el3lat]

استخيري واذا ارتحتي توكلي على الله واذا انتي متقبله الولد خلاااص باي مكااان بتستاانسين وحلوه الدراسه براا والغربه اكتشااف وخبررره ،،،،

بس انتي اسالي نفسج ، تقدرين تفارقييين اهلج ؟!؟!؟! فكري عدل هذا زواج والله يكتب لج اللي فيييه الخير ويسسدد خطاج ويوووفقج يااارب

 

[بنات حواء2]

ما أئيد و كلامي عن تجربه
الزواج المبكر اكبر خطأ و سبب كثرة حالات الطلاق في المجتمع الكويتي
حبيبتي تو الناس عليج و عليه
و اذا خاطره فيج ينطر لمن تتخرجين من الجامعه
و موفقين يارب

 

[لمى الهاجري]

امممم ممكن تمبجون لمدة سنة ولما يرجع تزوجون وتروحين معاه كورس هناك بيكون على اخر الكورسات

 

[^LILY^]

آنـــى رايي ومن وجهةة نظري

الاولى دراستج والشهـــآده
ابو الرياجيل لابو ابوهم

الصراحه وبدون هيــــآط
رديت خطآب بس عشان دراستي
لان اخر شي بالدنيا افكر فيه الزواج
صحيح اني مصيري بالقفص الذهبي << هع هع
بس الصراحه هالزمن

ألا الشهـــــآده

 

[G!RLooNa]

لا صراحه ما ايد اولا اثنينكم صغار مو بس انتي و انا مو مع الزواج قبل عمر ال٢٠ حق البنت

عالاقل ثبتي روحج سنتين بالجامعه و عقب يصير خير

 

[♥ SWeeRa ♥]

حبيبتي هذا زواج ومحد يقدر يحدد مستقبلج فيه
انتي استخيري
واذا ربي يسر امورج توكليي على الله

 

[NoNa AlMansouri]

تـــسلمون حبيــباتي على الردود ..



اذا على تحمل المسؤوليه انا من النوع الصبور والفطين وهم تفكيري واأيد أكبر من عمــري << والله مو مدحا بنفسي بس هذي شهاده الناس ..
واهوا مستعيل لان ما يبيني اروح حق غيره على قولته ويبيني اكون معاه لان اهوا قاعد يدرس هندسه وبقاله من 3 لي 3 سنين ونص تقريبا ..


ومشكورين مره ثانيه فديتكم ..

واللي عندها شي تقدر تفيدني فيه تقوله الله لا يهيــنها ..

 

[Mjnont '3lay]

تبين نصييييحتي ؟؟؟
استخيري واذا ارتحتي توكلي على الله وعادي العمر مو مهم اهم عقل المره شلون واللي تقول اكثر الطلاق بسبب الزواج بسن مبكر اقول السموحه بس غلطاااااااااانه لانه حتى فيه حريم جامعيات وشهادات وحالتهم حاله وبالحياة الزوجيه عليميات وتطلقو وهذا عن تجربة وحده تصير لي وانا ما اعمم بس فعلا فيه جذي تلاقون البنت صغيره بس ماشاءالله ربت بيت ووحده ثانيه كبيره بس عقلها عقل ام 14 !! من غير زعل بس والله هذا الواقع اللي قاعده اشووفه وانتي حبيبتي اذا تقدرين تفتحين بيت ومسؤؤليه خلاص توكلي على الله وانتي مغمضه والله يسخرلج اياه يااارب ويوفقكم مع بعض

 

[ســـــاآرهـ]

اذا حاسة انج قـــــــــاأأادرة تتحملين المسؤولية تزوجي و سافري و انا اايدج والله معاج وتروحين وتردين بالسلامة ​

 

[ألم صمت]

آنـــى رايي ومن وجهةة نظري

الاولى دراستج والشهـــآده
ابو الرياجيل لابو ابوهم

الصراحه وبدون هيــــآط
رديت خطآب بس عشان دراستي
لان اخر شي بالدنيا افكر فيه الزواج
صحيح اني مصيري بالقفص الذهبي << هع هع
بس الصراحه هالزمن

ألا الشهـــــآده

وانا معاها بكل كلمه قالتتها بعدين لاحقه عالزواج ياما شفت بنات ع اخر سنه نزل مستواهم عشان الزواج والخطاب بالاول انتي كملي دراستج وموفقه ان شاء الله :d

 

[تُخْفِي غَلَاها]

.,

لا اله الا الله
الاســـــــــــــخاره ثم الاســــــــــــخاره والله يكتـــــــب لج الي فيه الخــــــــير

.,​

 

[fulla 7elwa]

اولا انتي شنو يقولج احساسج
ثانيا مافي مششكله بالعكس منها زواج و منها تكملين دراستج
انا من رايي اذا الولد شايل عمره مافي اي مشكله
احسن لج من تقعدين و عقب تاخذين واحد الله اعلم شبيكون
دام الولد ولد خالتج و عارفينه مافي اي مانع

 

[hbenc]

يبا اتزوجي وكلووووووش ومالج شغل من الي يقول توكم صغار يبا عفي نفسج احسنلج الدنيا تخرع الحين والفتن وايد وبعدين وااااي ياحلو الزواج الي يكون بغربة ياحلوه وياحلوه امنيتي اتزوج واحد يدرس برة او يشتغل برة تدرين ليش ؟ عشان يفهمني عدل واي شي يصير بينا ما له غيري يعني لو نتكافخ مالنا الا بعض بهالغربة عكس لمن تكونين بين اهلج بالكويت وتدلعين ويدلع على راسج ومنها يكون فاهمج عدل وتقربون من بعض حيييل وبعدين يدتي ويدتج تزوجو واعمارهم 14 و15 اذا مو 12 مالج شغل من الي تقولج صغيرة

انا اختي عمرها 17 سنة اسم الله عليها واتعرف كل شي خو انتو جيلكم يفهم الصغيرة والكبيرة يعني مفتح

توكلي على الله وانا اول المباركين لج حبي


وكلوووووووووووووش