هلا والله ماراح ازيد على جيشا
صح المميز عندهم مفارش الكورشيه وفي الوان وفي بيج وفي همن اسود تلاقيهم بالسيتي سنتر بساحة الجراند بالاس وفي بعد ببروغ نفس ماقالوا البنات وطبعا اهي مدينة روعه وفيها مدينة العاب لليهال قريب منها وعرض للصقور والدلافين اذا رحتوا مبجر قبل الساعة 5 طلعوا على العروض
وطبعا الكاكاو عجيب وخصوصا ببروغ في كذا محل وهمن في سوق مثل سوق السبت كشكات بس ما اذكر اي يوم كنا هناك عندهم كاكاوات يعبونه نفس البنك والترمس بورق مخروط واهوا كور صغار بس لذيذ حده اذا راحوا وشافوا الكشكات لا يطوفونه واهو ترا شغل بيت يعني مو معلب بس يستاهل تذوقينه وسألي عن الانواع اللي ما فيها كحول بس اعتقد قالنا كلهم مافيهم كحول وقالوا انهم هوم ميد
وهمن عندج شارع لويس للماركات وشارع اللي فيه مجمع سيتي دو وايد حلو وفي كذا محل حلوين بس اسامي ما اذكر
وفي مجمع فيه بالدور الاخير يمكن الثالث او الرابع بضاعه اطفال حلوة واغلبها تلاقين الماركات الفرنسية والالمانية وغالبا مو موجودة بالكويت واذا ماركة موجودة تلاقين موديلات الكويت قديمة واللي هناك فريش
وهمن في سوق مسقف بواحد من مخارج الجراند بالاس حلو كله كافيهات وفيه كذا محل ماركات واذكر محل كان عنده بدل عجيبة وهمن محل اكسسوارا فرنسية حدها ستايل اساور وخواتم
والحلو ببروكسل انها قريبة من امستردام ولاهاي وكل مدن هولندا
وقيربة من احلى مدن شمال غرب المانيا اللي اهيا كولون ودوسلدورف وهمن ساعة ونص وانتي باريس ومثلها همن اذا بغيتي اليورو دزني
وفي كذا مدينة العاب برا بروكسل اعتقد اسمها الوايبي وهمن تمثال الاسد مال نابليون وهناك يصير شو حق المعركة اللي فازوا فيها البلجيكيين على الفرنسيين
همن لوكسونبورغ ساعة ونص وفي مكاتب تسوي رحلات لكل هالمدن وراحت تستانس اذا بغت تسويلها جدول بروحها او مع مكاتب
بروكسل نفسها مملة يومين تفرينها واذا بغيتي السوق 3 ايام و3 ايام رحلات برا واذا بغيتي الدول الثانية راح تستانس اختج اذا طولت حتى لو تروح باريس مرتين او المانياوالمدن الهولندية راح تقضيها تمشي حلو بكذا دولة
وعليها بالعافية بس لا تطوف سوق بروغ وسوق المانيا وخصوصا الماركات الالمانية والبلجيكية
اي صج جنة اخوي قالي عندهم اوت لت برا بروكسل يمدحها يقول كله ماركاتهم المانية وبلجيكية وهولندية خل تسأل عنه
