بلايز طويله فوق التريننق .. وين القاهم ؟

[Galaxy90]

السلام عليكم و رحمة الله و بركاته

بنات انا و اختي متوهقين شوي

لوووول

ما نحب نلبس تريننق خالي بدون شي طويل ( ما تطاوعنا قلوبنا :dddds: )

فا ابي من البلايز او القمصان الي تصير طويله و اهم شي اهم شي هالشروط :

1- تكون لايقه على تريننق

2- و تكون راهيه شوي و طبعا مابيهم طوال وايد

الي تلبس فوق التريننق اكيد فاهمه شقصد

الله يعافيكم ابيكم تخدموني باسماء محلات عندها هالنوع و تكونون متاكدين بليز , يعني لحد يقولي يمكن تلقين هني او هني

او تدلوني على وحده تبيع

و اكرر مره ثانيه البلايز مابيهم اي بلايز ابيهم لايقين ينلبسون فوق تريننق

اتمنى تفيدوني و سلامتكم ​

 

[سولاف]

انا بعد نفسج ودي على هالبلايز ماادري ان كان نفس اللي اقصده بس يشبه الفانيلا طويله تنزل لتحت البتاع تتغطه فوق الترينج تنلبس وطبعا جاكيت الترينق ينلبس فوقه ويكون اقصر من الفانيلا

اي والله انا شفت بس استحيت اسئل منهم منوين يايبينه

 

[miss-one]

في بمجمع العدساني

الوان وايد

 

[FOZQ8]

روحي سيتي سنتر يبيعون بديات طويله وكل الالوان
وفي المحل مال الجينزات اللي تحت امبيه نسيت اسمه !! عندهم بديات مفتوحه عالجنبين عشان ما يلزق
والله ناسيه اسمه!!!

 

[سولاف]

محل مال الجينزات تقصدين بسيتي سنتر؟

 

[FOZQ8]

بمجمع زهره حبوبه تحت بالزاويه وحتى يبيع توينزات سايزات كبيره بليز اللي ذاكره اسمه تقول
ذاكرتي موووشي

 

[FOZQ8]

امبيه تذكرت ديربي هههههههههههههه
حدي موشي مووو ؟
بس بدياتهم حلوه تناسب المحجبات
او تقدرين تاخذين مالوت سيتي سنتر وتفتحينهم على الجنب عشان اهوا قطن تدرين يلزق

 

[Galaxy90]

ما اروح لا العدساني ولا الزهره و ماحب سيتي سنتر !! و ابي جاهز مالي خلق اخذه و افتحه و مادري شنو

امبيه عالوهقه @@ لووووووووول

انزين ماكو غيرهم ؟؟

و صج مشكورين عالردود بنات

 

[miss_Ba6oOo6a]

شخباااااري كل مكان موجودين وكل الالوان النقره وسوق السالميه والعدساني وديربي كل محلات بو خمسه انتي تختارين الون الي تبينه ويلوق مع التريتنق

 

[EartH AnGeL]

حبيبتي اذا تبين قمصان طويلة مو بلايز قطن.. وملونة وحلوة تحصلين بسفيرا الافنيوز شفتهم قبل فترة وسعرهم حلو بعد
انا ماحب البس ترينيغ بس احس يلوق عليه قميص طويل ولا شرايج؟

 

[viva la glam]

انا اشتريهم من سيتي سنتر.. وسنتر بوينت قمصان طوال قطن

 

[Galaxy90]

مشكورين بنااات

يعطيكم العافيه

 

[Galaxy90]

حبيبتي ايرث اينجل

اي انا احس جذي بعد حق لا يلزقون خو التريننق شوي يكون راهي انشالله يبيله روحه والله

تسلمين

 

[đeɱɛɼɑ™]

انا شارية لي واحد من ستي سنتر بــ 5 دناانيير
وكان فيه جميع الالوان

 

[لبى حنانكـ]

والله انا اشوف بنات عندنا بالكليه يلبسون فوقه
قميص طويل راهي وفيه فتحات اصغيره عالجنب
روحي اخذي لج خامه بارده للين بس بسرعه اتعفس وفصليها ارتب

 

[AFRoDiT]

ديربي جينز .. طبي و تخيري كل شي تلقين
حتى عندهم ترينيات طويله من غير بلوزه معاها ..

 

[كيوت_25]

انا شاريه من سنتر بوينت قمصان طويله على 4 دك

ومن زارا بديات طوال على 5 بس اعتقد خلصوا

و من جيوردانوا بدي يصير نفس خامه البلوفر شتوي طويل بـ9 دك

و البسهم تحت الترينينغ

 

[Marka Store]

من ديربي
بلايز قطن روووعة
كل الالوان متوفرى، ولي مقاس 3اكس لارج

مو شرط تروحيله زهرة، موجود بسوق شرق، وبليلى جاليري

 

[حلوة الحلوين]

اي عرفتهم ترى عاديين وموجودين بكل مكاااااااااااااااان

 

[مسك]

بمجمع السندس بحولي جميع الالوان قطن ساده او فيهم رسمات جدام