بكمل ماستر بجامعة الكويت ،، وعندي جم سؤال ،، ياليت اللي يدرسون هناك يردون علي ..

[( المـلاك )]

السلام عليكم


خواتي بسألكم بخصوص الماستر ،،

وايد افكر اني اكمل ماستر
و طبعا الافضل بجامعات بره
بس ظروفي ما تسمح اني اسافر عشان الدراسه بهالوقت
وانا بستغل الوقت مابي اطوف سنين عالفاضي


و قريت انه عندنا كلية الدراسات العليا تصير بجامعه الكويت بالخالديه

فـ ناوية انشالله اني اكمل هناك و بروحلهم وبسألهم

بس عندي جم سؤال

ياليت اللي عندها المعلومات الاكيده ترد علي
او اللي تدرس ماستر هناك ترد علي
يعني مابي تردون علي بمعلومات قديمة او مو متأكدين منها


اول شي
انا سمعت انه فترة التسجيل من شهر 11 لي شهر 1 صج ؟؟

و عندي بعد 4 أسأله ،،

* يقبلون خريجه كلية التربيه الاساسيه ؟؟ ولا شرط خريجين جامعه الكويت ؟؟
* جم المعدل الادنى المطلوب ؟؟ ولا ماله علاقه ؟؟
* يشرطون لازم سنوات خبره ولا ماله داعي ؟؟ لاني تعيين يديد و توني اول كورس
* لازم اخذ تفرغ دراسي ؟ ولا عادي اداوم الصبح واخذ موادي العصر ؟؟


واخر شي
بالنسبة لمكان الكلية بالضبط بالضبط وين يكون ؟
و لو بروح استفسر منهم بنفسي وين اروح اي مكان بالضبط ؟




و شكرا مقدمااا :eh_s(22):

 

[جوري أبيض]

الله يوفقج إن شاء الله
كلية الدراسات العليا بالخالدية و تحصلينهم
في مبنى بكلية الهندسة جم الكافتريا
و بالنسبة للمعدل مو متأكده منه ٢.٨٦
و في تقدرين تشتغلين و تدرسين العصر
هذا إلي أعرفه

 

[( المـلاك )]

الله يوفقج إن شاء الله
كلية الدراسات العليا بالخالدية و تحصلينهم
في مبنى بكلية الهندسة جم الكافتريا
و بالنسبة للمعدل مو متأكده منه ٢.٨٦
و في تقدرين تشتغلين و تدرسين العصر
هذا إلي أعرفه

مشكورة حبيبتي عالرد ،،


بانتظار باجي البنات ،،
انزين بنات انا سمعت انه اذا بكمل ماستر بالتربية لازم خبره 3 سنوات
بس السؤال الحين ماقدر اكمل الا بالتربية لاني تربية اساسيه ولا عادي ؟؟

 

[توتا الكتكوته]

يارب يوفقج ونشوفج دكتوره تنورين الجامعه بدل العاهات اللي يدرسونا كله حاقدين علينا ما يعطون قريدات

 

[بنوتة طموحة]

رفع

أنا بعد ودي أعرف

وربي يوفقنا ويسهل علينا

 

[( المـلاك )]

مشكورين بنات


اب اب اب

 

[LA TROO7]

انا حاليا ادرس ماستر وشكثر وياي خريجات تربيه اساسيه

المعدل 3 نقاط والعام مو متاكده منه

خبرة 3 سنوات

التسجيل من شهر 11 الى شهر 2

بالتوفيق

 

[طموحه بزياده]

الله يوفقج اللي عرفه لازم خبره ثلاث سنين وتاخذين فيهم امتياز

 

[fri2010]

اللي اعرفه ان بس اذا تبين تكملين ماستر تربيه لازم خبرة ٣ سنين
اذا كليه ثانية مو شرط
واصلا. الخبرة عشان تفرغ دراسي بس

 

[توتا الكتكوته]

اب اب

 

[Q8Buying]

احسن لج تتابعين موقعهم .. وينزلون الشروط وقت ما يبطلون باب الترشيح ...

http://www.graduate.edu.kw/arabic/index.php

 

[( المـلاك )]

مشكورين بنات ،،

انزين شنو التخصصات الموجوده غير مجال التربيه
لاني مابي انطر 3 سنوات

و السؤال اللي يطرح نفسه
هل باجي التخصصات
تسمحلي اني ادرسها كوني خريجه تربيه اساسيه
ولا لا ؟؟

و الخبره 3 سنوات شرط عشان اخذ التفرغ الدراسي ؟ ولا شرط دايم ؟
لانه عادي عندي ما اخذ تفرغ ،، يعني اداوم الصبح وادرس العصر

و بالنسبة للمعدل
سمعت اللي معدله اقل من المطلوب
يسجل بنظام الغير مقيد

صح ولا لا


ياللي الاخت اللي تدرس حاليا ماستر تجاوبني لانه اكيد عندج علم بهالمعلومات

و مشكورين خواتي ماقصرتوا

 

[fri2010]

انا خريجة كلية الاداب وابي اكمل بنفس الكليه

مو حاطين لي شرط ان يكون لي خبره لما حطو الاعلان بالجريده الشهر اللي طاف

فقدمت اوراقي بس مع الاسف سقطت بامتحان التوفل

المهم قلت لهم اذا باخذ تفرغ دراسي اشلون قالو لي لازم يكون عندج خبره 3 سنين

جان اقول واذا ما ابي تفرغ دراسي

قالو عادي تداومين الصبح والعصر بالكليه

بس اذا تبين تكملين بكليه التربيه لازم خبرة 3 سنين بس مو بس حق التفرغ الدراسي يمكن عشان مجاله تربوي وتدريس