بكمل الاربعين ابيتي!

[كويتية مينونة]

بنات انا الحين نفاس صارلي 20 يوم وحيل متضايقه ابيت اهلي محد فاضيلي والكل مشغول عني وفكرت ارد بيتي عند ريلي ،
انا بجر وودي ارد عند ريلي وانا متغيره ومكمله نفاسي وبنفس الوقت نفسيتي تعبت وودي ارجع شقتي !!
شرايكم بنات اكمل نفاس ابيت اهلي والا ارد عند ريلي وانا بعدي نفاس؟
اقنعوني شنو الاحسن لي

 

[نونه الزعفرانه]

ردي شقتج اهم شي راحتج صراحة دام محد فاضيلج ومو قادره تتأقلمين

 

[hano0oda]

هذا اول بيبي ؟
اذا اي كملي عند اهلج الايام بسرعه تمشي رجعي وانتي خالصه احسن
واذا لا ردي عادي وايد بنات جذي

 

[خوووخه w]

كملي نفاسج بيت اهلج عادي مالج شغل فيهم مابقى شي والحين اصلن تجهزين لطلاعتج وبتغيرين شكلج لازم ماتخربين المفاجاه وحرام اول بيبي انا انصحج لا تروحين لشقتج

 

[hano0oda]

عدل كلام خووخه

 

[-فلانة-]

انا بعد بجرية بس للحين ما ولدت و مقررة أنفس في بيت أهلي أسبوعين و خلاص،،
أحس أرتاح أكثر في بيتي..​

 

[sosowaty]

لا حبيبتي قعدي فبيتج لما تنظفين مرا وحدة هانت ما بقا شي

 

[المها الابيض]

قعدي عند اهلج احسن دامج بجر
وانتي ان شاالله عديتي الصعب
وراح تمشي الايام بسرعه وترى
الاربعين دايما ضيقه خلق وودج
بس تطلعين

 

[منتهى الرقه89]

حبيبتي ترا الاربعين والنفاس حدة غثيث وضيفة خلق ووكريه سبحان الله وهذا كله من الهرمونرت وان اجوا يديدة عليج ودامج بجريه خلج عند اهلج هاانت تحملي هالجم يوم وقضي وقتج باي شي روحي فريش لريلج ونظيفه ويديدة ترا همن بالشقه بتلعوزين بالبيبي وبريلج وبنفسج صعب علبج لاتحاسبينها سهله

والله يسهل امورج عليج ياارب ...

 

[ام اغلى الناس]

تحملي في بيت اهلج
والله يعينج

 

[FJ style]

ظلي ببيت اهلج

انا نفسج الحين بالاربعين بس مو بجرية طبعا
بس اتضايق ان الكل مشغووول ومحد يقعد معاي ووايد فكرت ارد بس لي الحين ما جهزت شي ولا سويت نيو لوك ف ان رجعت كلش مو حلو

ما عليه ضغطي ع نفسج شوي وابدي جهزي وعقب رجعي لو عالاقل 30 يوم او 35 يوم

 

[جوري الكويت]

اللي يريحج


اهم شي تكونين مرتااحه

 

[حرم_الغلا]

كمــلي أربعيــنج بــيت أهـلج وهـالفتـره فــترة تجهيـــز جهــزي لطلــعتج..
والـلي خلصـــج مــن أولــه يخلصــج مــن أخـــره أن شاءاللـه..
ونصييـحه لا تبــينين لــزووجج أنــج مــو مــرتــاااحه بيــت أهلــــج ....

وربتــي مـاجبتي ​

 

[دلولي]

خلاص هانت حبيبتي اجلسي في بيت اهلك وكملي الباقي بيتك بيكون فيه مسؤليه زوج وبيبي وهم نفسك اساليني انا مجربه

 

[tbola]

صح كلام البنات مابقا شي الحين لهي روحي اب تجهيزج ولوقت بسرعه يمشيييييييي

 

[توتا حمرا]

اذا بيت اهلج ماكو احد معاج عيل اذا رديتي بيتج شبصير

زوجج اكيد دوام وبتختنقين وبتضيعين اكثر

بيت اهلج احسن عالاقل مابتضلين بروحج واللي فيج ضيقة من النفاس

حاولي تطلعين مع زوجج اتغيرون جو لو مرة بالاسبوع

 

[Zaina-al-zaina]

الله يصبرج ويمسح ع قلبج وترتاحين

الوحده ادور الراحه واحيان الاهل مايشجعون كلش !

صبري مثل ماقالوا البنات ! وخل الايام تعدي ! والله كريم !

 

[سميره مملوحه]

لا لا لا خلج بيت اهلج احسن ترا اذا رديتي الحين بتلوع جبدج زياده من صياح البيبي والزوج ماله خلق صياحه على الاقل انتي احسن مني انا اربعيني كلللله عند زوجي طبعا ويه اهله عشان اهلي بالسعوديه والله كريم

 

[ضحاوي الديره]

نصيحتي لج لاتردين الحين
خلج ببيت اهلج وخلاص مابقى شي غدا شرج
جهزي لطلاعتج واهتمي بنفسج
وردي لريلج بلوك جديد احسن من تردينله الحين وترا الحال ماراح يكون احسن بشقتج مع ريل وبيبي يديد يمكن تتضايقين اكثر

 

[عطرالكلام]

كمــلي أربعيــنج بــيت أهـلج وهـالفتـره فــترة تجهيـــز جهــزي لطلــعتج..

والـلي خلصـــج مــن أولــه يخلصــج مــن أخـــره أن شاءاللـه..
ونصييـحه لا تبــينين لــزووجج أنــج مــو مــرتــاااحه بيــت أهلــــج ....​

وربتــي مـاجبتي ​

نفس الراي
:eh_s(15):