بكريه ومتوهقه بنفاسها ساعدوني بليز

[كبرياء انسه]

مساء الخير
بليزهذا اول مشاركة لي وابي مساعدتكم!

انا مقبلة ع فترة نفاس وعندي اكثر من سوال ومحتاره ف اجوبتها

السوال:

متى اقدر امارس تمارين كيجل بعد الولاده ع طول ولا! وهم التمارين الثانيه! وشنو افضل تمارين؟

انزين الحلبه متى تستخدم ! في 20 الاولى ولا الاخيره؟

وهم الفلفل الابيض ؟

والرشاد؟

يعني ابي اوقات استخدامهم اذا ممكن لاني احترت من كثرة المواضيع

والمشد ع طول ولابعد اسبوع؟

ادري طولت عليكم بس مالي الا انتو

 

[ام غازي 2012]

تقوومين بسلامه ان شاءلله


وعلي حسب حبيبتي ولدتي طبيعي ولا عمليه
طبعن العمليه مو زين اتسوين تمارين الي بعد ست شهور


انا الطبيعي عادي


والحلبه اول عشرين يوم
والفلفل الاسود عاد اول سبوع ثاني سبوع
وخليه علي طول بشوربات


ورشاد مع خبه سوده مع سمن خلطيهم كلهم مع بعض وعفسيهم مع تمره

واكلي منها من اول يوم
بس تتدفي عدل من دلغات وملافع قطن وملابس تكون دافيه

وي سؤال ثاني حاضرين

 

[اخت خالتهم]

ربي يهون علينا و عليج
ومنكم نستفيد

 

[ام غازي 2012]

بنات فيه برنامج فيافي للنفاس ولدوره


شوفوه واستفيدوا


وان شاءلله تقومون بسلامه يارررب

 

[واحة المسك]

حبيبتي
اولا تمارين كيجل اذا طبيعي يبي لك لين يلتام الجرح وتنزل الخيوط لانه يمكن يفك الخياطه اذا العضله بدت تنشد
والحلبه اول عشرين يوم الاولى
والرشاد اخر عشرين يوم
والفلفل الابيض د من بداية الولاده حطي ع اكلك منه
ويارب يقومك بالسلامه وانا مثلك ع وشك ولاده الله ييسر لنا اجمعين


ونسيت اقلك المشد ثاني اسبوع افضل لان الرحم يكون رجع لوضعه الطبيعي ومو تشدي بطنك بقوه ع خفيف والاسبوع اللي بعده شدي اكثر

 

[كبرياء انسه]

يعطيكم الف عافية حبوبات وربي ييسر ولادة كل حامل