بكره مقابلتي وابي ارائكم بهالدكاتره بنات التربيه وينكم

[ميمو "]

اصول التربيه # ملسي المطيري


مقدمة برامج # مزنه العازمي


انقليزي 141 # هارون ولتر



بليز ابي رايكم فيهم وكيف نظامهم وطريقة الامتحانات والدرجات والنفسيه وكل شي واكون لكم شاكره :yaaaaaarb:
انتو املي الوحيد ما ابي ابتلش بدكتور يطلع عيني :rgewrg: ولا اهزء :eh_s(2): انا وحه احب الدراسه والالتزام وبمشي صح ابي دكتور يعطي a بسهوله ومشكلتي اغيب فخايفه اروح فيها بسبت الغياب

 

[ميمو "]

اشدعوه ولا رد

 

[أبلة فاتن]

تقصدين ملفي المطيري ؟ زين وفوق الزين بعد لا تحاتين كل البنات يمدحونه شدي حيلج وتاخذين امتياز يارب

ومزنه العازمي حبوبه هالانسانه بس مادري عن درجاتها بس اتوقع زينه

والاخير الانجليزي شديد عالحضور والغياب بس زين تندمت ماخذيت عنده خذيت عند هذيج الايرانيه زهرا بارز

وما عطتني قريد


وبالتوفيق يارب​

 

[ميمو "]

مشكوره حياتي بس هل فيه دكاتره احسن منهم بس ابي اعرف واهم شي كريمين بالقريدات

 

[أبلة فاتن]

اصول تربيه هذا احسن واحد

الباقي منو صادق اسماعيل ما انصح فيه نحاسه

وجلالي حمامه زين بس مادري عنه


بالنسبه حق مزنه مادري هالماده ما اخذتها لان من الدفعات القديمه ف الدكتوره مو قديمه حييل


الانجليزي ابو النحاسه كلهم بس شدي حيلج على كثر مدحهم اخذ يطلع خرطي


عالحظ بس مو منبوذين دكاترتج احسن من غيرهم


عندج اللي زينه انجليزي صبيحه بوفتين

واللي مو زينه صبيحه راشد و فضيلة السعيد انحاشي منهم


​

 

[أبلة فاتن]

Rate Your Professor - قييم مدرسك - kuniv.net - جامعة الكويت

هذا موقع تقييم الدكاتره


وعندج تجمع بنات التربيه ساليهم يفيدونج اكثر

 

[بدويه حنطاويه]

ملفي يمدحونه , ومزنه مره كانت مراقبه علينا بأمتحان حبوبه , اما الانقلش ماعرفه والله ...

عموما حبيبتي انا كنت ماخذه مفاهيم رياضيه عند نهى رويشد والكل كان يذمها حيييل وماكنت احضر عدل عندها عطتني اف ورديت خذيت نفس المقرر عند دكتوره ثانيه ورفضت المقرر وخذته نهى وانجبرت اخذ المقرر عندها مره ثانيه وشديت حيلي وجبت اي صدقيني هي على الطالبه مو على الدكتور اهم شي عندهم الحضور والغياب بالدرجه الاولى وكل ماكان غيابج قليل رفعوج قريدات اكثر ..

بالتوفيق حبيبتي

 

[ميمو "]

مو قادره اسجل كل شوي يكتب البريد غير صالح لازم اكون عضوه عشان اشوف التقييمات

 

[ميمو "]

انا اعرف مصختها بس بليز ابي تقييم الدكاتره الي ذكرتهم ولها دعوه خالصه

 

[^^طالبه^^]

الله يوفقج و يسهل لج طريقج يارب

 

[ميمو "]

مشكوره حبيبتي هالدعوه الحلوه هذا الي احتاجه دعوه طيبه وتوفيق خاصة اني مستجده يعني بالجامعه وسوالفها انا وكومار سواء