بكرا السفر بكرا .. تعالو خل اسلم عليكم :p

[*((كـارينـا))*]

:hearting: صبــاح الخير يا أحلى كويتيات وخليجيات وعربيــات :hearting:

فديتكم والله


بكرا انا امســــــــافره (( سوريــا ,, لبنــــــــان بلاد الارز ,, وتركيــا ))


اول شي ابيكم تدعون لي ارجع لحبيبة قلبي الكويت بالسلامه

مــدة رحلتي 21 يوم .. عشان اخذ راحتي بالتنقل من بلد ليي بلد


عاد حبيـــــــــــــــــت نسولف مع بعض عن هالدول ورايكم فيهم :eh_s(10)::sfg: وعن اسعارهم وعن الاماكن الترفيهيه والسياحيه الحلــوه عندهم ......................


:nbptr: يلا تعالو نتقهوى ونشرب شااي الضحى ونقول كل إلي عندنا :nbptr:

:balo: حياكم

 

[ايامنا الحلوة]

تروحين وتردين بالسلامه



لبنان حلوه وطبيعه وتركيا ماتبيها كلام حلوه \\وسوريا مااحبها احس ماتونس

اهلي كانو مترددين بين رحلتين اما انروح لاردن وسوريا وتركيا مع بعض

او مكه والمدينه والطائف


انا واكثر افراد عائلتي نبي المكه والطائف

احلي وارق وتصلح للعائلات بصراحه

 

[احلى ـآ وحده]

تروحين وتردين بالسلامه قلب ..

اجازه سعيده . .

 

[*((كـارينـا))*]

شاكره مرورج

اختي إلي يعرف لسوريا يسافر لها لانها الدوله الوحيده إلي اذا ما كنتي امجربتها وعارفه إلي فيها ما راح تستانسين اكييييييييييد


ولبنان خوفوني منها قالو غالييه حيييييييل بس همن بروح


وتركيا صج صج ودي اشوفها واللمهم عندى جوهااااااا لانى تعبت من الحر والغباااااااار (( فديت كويتنا ))

 

[*((كـارينـا))*]

مشكووووووووووووووووووووووره حيااااااااااااااااااتي :hearting:

 

[لامار الكويت]

تروحين وتردين بالسلامه

سوريا اعوذبالله منها ديري بالج علي زوجك اذا كنتي متزوجه مشافيح عالريال قطييييييييييييييييييييعه


تركيا مارحت



لبنان وناااااااااااسه وجو وحلوه ونفس اسعار الكويت بس شوي اغلي


الملابس نااااااااااااااااااااااااااااااااااااااااااااااار تخيلي ماجبت ولا قطعه حتي لبنتي ماجبت غاااااااااااااااالي ومره شفت جاكيت مو طبيعي هنيه بالمنتدي يبيعونه ب45 لقيته بمجمع بالاشرفيه اي بي سي ب90


انا رحتلها شهر 12 اللي فات

طبعا التلفريك حلو حييييييل وناسه

امممممممممممم السوليدير حلو تمشي وقهاوي ومحلات الاغلب غالي بس فيه محل واحد اسمه كات قشيت المحل كله عندها ساعات واكسسوارات تهبلللللللللللللللللللللللللللللل كل رفيجات اختي بالجامعه يسالونها عنهم وصوايغ حق اهلي كله منها

في محل بعد بالسوليدير قشيت جناط مادري شسمه يجننن شريت 5شانيل تهببببببببل تلقينه بالممرات واللللله نسيت اسمه بس مبين


فيه مطعم الصياد عالبحر اكله مو طبيعي اذكر طلبت عيش ودجاج كانه طباخه اللي مسويته مو مطعم



فيه بالسوليدير مطعم البلد حلو بس زحمه


طبعا اخذنا شوفير مع سيارته سوالنا جدول سياحي

 

[لامار الكويت]

فيه بعد مطعم فوق الجبل بمنطقة برمانه شي مو طبيعي كل سواق يعرفه يمااااااااااااااااااه يا اكله شي خيالي


واذا تذكرت بقولج

وانتي بعد اذا تعرفين شي عن لندن قوليلي لان باجر سفرتي

 

[*((كـارينـا))*]

وااااااااو انزين اختي جم صرفتي حق لبنان يا ليت تقولين لي أخت لامـــــار

 

[*((كـارينـا))*]

حبيبة قلبي عاد متى طيارتج بكرا ؟

 

[لامار الكويت]

طيارتي عالساعه عشر تقريبا


صرفت حق لبنان تقريبا 600 بس طبعا مرات اسابق زوجي عالمطعم ادفع عنه اساعده شوي واخر يوم عطينا الشوفير هديه 100 دولا يعني صرفت 1000 وبقالي 400 دينار ورهيت علي نفسي

بس عموما لبنان لازم تدورين اسعار معقوله فيه الغالي واللي وسط واللي رخيص طبعا نادر رخيص رخيص

ويبيلج ماتلعبين وتشترين اللي يسوا واللي مايسوا جذي راح تكلف اكيد وحتي لو الديره اللي رايحتلها رخيصه طول ما انتي ماترتبين شغلج راح تكلف عليج واااايد وانا خليت اخر يوم اشتريت جنااااط وساعات واكسسوارات قلت سبحان الله يمكن يحتاج شي زوجي مع انه الحمدالله مقتدر بس بكل شي لازم تحطين احتياط


وسلامتج

 

[لامار الكويت]

قصدي صرفت 1000 كويتي وشريت حق 600 ورديت معاي 400 دينار

 

[لامار الكويت]

ايه صح نسيت اقولج فيه بالاشرفيه مجمع اسمه اي بي سي فيه محلات نفس اللي عندنا مثل اولدو مثل محل كله خشب بالفنيوز وبشرق بس ما اعرف اسمه نفس سعر الكويت

بس سبحان الله شريت جنطه من المحل الخشب جيت الكويت كل احد يسالني يعني البضاعه تختلف بس نفس السعر

 

[لامار الكويت]

رحت بلبنان منطقه اسمها الفريه ثلوووووووووووووووووووج وتركبين نفس البقي بس بالثلج بس اتوقع ماعندهم ثلوج بالصيف

وناااااااااااااااااااااااااااااااااااااااسه

رحت قصر المشاهير صورت مع التماثيل كذكري وكتغيير مثل ام كلثوم الشيخ جابر الحريري الشحروره وناس شكثر


وفيه شغله ظروووووووووووووري تعرفينها اذا قالكم اللي يوديكم تبون حفله مو علي طول تقولين ايه اسالي فيه رقاصه ولا لا




لان قالنا الشوفير تبون حفله محترمه قلنا ايه

مطرب لبنان طبعا مو مشهور بس حلو صوته وبعدها مطرب ثاني وبعدها طبت الحبيبه


لووووووووووووووول يخرب بيتها جسم شعر ويه


وحتي ببدلة الرقص ذرااااااااااااااااااااااااااااااابه وكشخه


يمااااااااااااااااااااااااااه تجنن بعدها طلعنا من الحفله



تاكدي اذا فيه مسخره ولا لا

 

[نمــارق]

الله يوفق الجميــــــــع ان شاء الله ... وتروحيــن وتردين بالســـلامة يالغاليـــة .. وان شاء الله تستانسون يارب ..
شوفي سوريا رووووعــــــــــة وبالعكس مع العوايل ماشوف شي يضايق الناس محترمة ومحد يخز الثاني ^_^>> متعقدة من الخز !!
روحي لمشتى الحلو .. خيــــــــااااااااااال روووعــــــة طبيعة وهـــــــــــدوووء أحسن من المدن بس ترى منطقة مسيح ..
بس والله محترمين ومؤدبين وحبيتهم حييييل كلهم طيوبين ...
ولبنان مارحتلها وتركيا كذلكـ ...
انا من النوع اذا حبيت مكان أعلق عليه ماحب أغير ^_^
يعني جولاتي كل سنة ماتعدى سوريا ومكة والطائف ..
وماوصيكم بنات بالسفر لازم نراقب انفسنا ونراقب الله سبحانه وتعالى يعني لازم نلتزم بالحجاب ونبيعد عن الأغاني والحفلات وهالسوالف ..
خــلوا إجازتنا حـــلوة بطاعتنا لربنا ^_^

 

[*((كـارينـا))*]

بعد عمرى كفيتي ووفيتي


انا طيارتي بعدج بالضبط يمكن انتلاقى بصالة الانتظار اذا ما عندج مانع لانه طيارتي على الساعه 11 خليني اعزمج على كوفي


وفديتج لامار والله كفيتي ووفيتي بهالمعلومات الحلوه احس نفسي الحين واثقه بلي راح اسوي وانى راح اعرف اشلون راح اتصرف :balo: ​

 

[*((كـارينـا))*]

مشكوره حبيبتي نمارق :balo:


عاد انا نفسج همن وايد تعلقت بسوريا بس من فترة 4 سنين ما زرتها ولا قبل كل صيف اهناك

وعلى العموم انا ما احضر حفلات لان اهلي ما يرضون وهم ما يناسب عايله يروحون حفله وهالسوالف............

 

[*((كـارينـا))*]

صج نسيت اقولج نمـــــــارق انه مناطق المسيح بسوريا وعن تجربـه ناس محترمين وما يأذون احد وكلن بحاله وهذا احسن صفه شفتها بالسوريين النصرانين ..

 

[سارة كيوت]

تروحين وتردين بالسلامة
لبنان روعة بس حدها غالية أنتو اهم شيء تتمشون مو لازم تشترون اسواق الكويت ماااعليها قصووور
سورية حلوة بس انتبهي من الحرامية ايديهم خفيفة على الفلوس أسواقها حلوة ورخيصة خصوصا القطنيات عندهم تهبل وارواب الحماااام والملابس النسائية الداااخلية جودتها زينة ورخيصة طبعا سوريه كله تقلد الموديلات الاوربية والتركية وتخيط نفسها بمعاملهم عشااان كذا اسعارهم مناسبة مو غالية خصوصا الجاكتيات الشتوية حيل حلوة وفيه عندهم ماركات درجة أولي حصرية لدولتهم
روحي سوووق باب توما راااقي وناس هالمنطقة كلهم مسيحي بس اخلاق واحتراااام للناس ولاعليهم من أحد
أما تركيا مااقط رحت لها

 

[فعلو نكي تكفون]

واي بنات ترا لبنان تقريبا نفس اسعار الكوييييييييييت انا كل سنه فيييهاا بس نصيحه تقعدين في بحمدوووووون الجو روعه وكلها عوائل و كويتيين احنا نمشي ونسلم لوووووووووول