بقولكم الي الي يزود وزن البيبي واعطوني افكاركم بعد

[غلا حائل]

السلام عليكم ورحمة الله وبركاته

شلونكم خواتي انا اول مره اكتب موضوع بالمنتدى يعني دايم ارد وحبيت بعد افيدكم بخصوص وزن البيبي سمعت انه حليب الموز يكبر حجم البيبي

وبعد عندي اشياء سمعته انه السكر تلهمه الحامل يزود ذكاء الطفل بس الي عنده سكر حمل تنتبه مو يزود تدعي علي لا تجنبيه
مدري انتم سمعتوا بهالشي لان اختي بالدوام تقول تشوف الفلبينيات ياكلن سكر يقلن عشان بعدين يحفظ دروسه بسرعه

والي عندها افكار بخصوص ذكاء الطفل تقولنا حيااااااكم سولفوا هنااا

 

[ام الحلوااات]

اول مـــــــره اســـــمـــــع ان الـــســـكــر يـــزيـــــــد مـــن ذكـــــــــاء الــطـــفـــــــل​

 

[زين ودلال]

حتى اناااااا

 

[sweet lady]

للرفع

 

[يا كويتنا]

للذكاء مو السكر والله اعلم


المكسرات والكشمش

 

[توحه1]

من ناحية الحليب والموز صاجه يزيد وزن البيبي والبطاط بعد
وهم التمر واللبن

اما السكر مااقدر افيدكم ماادري اول مره اسمع هالمعلومه

 

[شذا الياسمين]

في الشهر التاسع التمر يزيد وزن البيبي عن تجربة ..
مـــــــشكوره على المعلومات حبيبتي ..

 

[السليلة]

التمر وااايد يزيد الوزن البيبي ويسهل لولاده

 

[ice-moon]

حليب المراعي طازج

وشكرا

 

[غلا عزوزي]

في وحده سمعت عنها ماشاءالله كل سنه متفوقه واعلى المراتب تحصل عليها لدرجه منجنين من ذكائها ماشاءالله وتقول جدتهاا ان بنتها اول ما ولدتها او بعدها بفترة الله واعلم توفت الله يرحمها المهم واسألوها عنها تقول كانت امها من اول ماحملت فيها لي الشهر التاسع وهي تاكل خس بشكل موطبيعي وتكثر منه لان سبحان الله يغذي الجنين و يخليه ذكي حيييل سبحان الله *

 

[الماسه حساسه777]

التمر سمعت عنه زين

والاكل الصحي

 

[غمزة خجل]

التمر واللبن وحليب الموووز

والسلطاات تزيد الدم معروفه

الفواااااكه بعد

عمة زوجي تقولي كثري لبن وفواكه والدكتور يقول لزوجي الحليب البارد

 

[ليالى الحنين]

الحليب وتمر

 

[سوسن1980]

اول مره اسمع فيها

 

[نارنجه]

بالنسبة للذكاااء انا سمعت عن علج البااان
سبحان الله بالشهور الاولى يقطع اللوعه وبالشهور الاخيرررة زين لذكاء الييبي
حتى عقب لما يكبررر الياهل عطيه علج البان منقوع او علج:eh_s(7):

 

[نـعـومـه]

حليب

موز

تمر

افكادو

لوز مفيد

 

[english muffin]

اول مرة اسمع انه الخس مفيد
بطيح في السلطات عيل

 

[عبث طفله]

حليب المراعي عن تجررربه

 

[Ghaima]

انا بعد سمعت الموز يزيد الوزن مو متأكده من التمر يزيد او لا

بس بنات تأكدوا من الدكتور قبل اي شي اللي يناسب غيرج يمكن ما يناسبج

 

[غلا حائل]

بالنسبة للذكاااء انا سمعت عن علج البااان
سبحان الله بالشهور الاولى يقطع اللوعه وبالشهور الاخيرررة زين لذكاء الييبي
حتى عقب لما يكبررر الياهل عطيه علج البان منقوع او علج:eh_s(7):

مشكوره على ردك حبيبتي بس علك اللبان تقصدي لعلك المر او المستكه الي مثله نعلكها حنا