بقدم 4 هدايا لصديقاتي المقربات ( اعمارهم 48-45-40-39)

[كبرت وراحت على]

السلام عليكم

صديقاتي المقربات كشخة وفي مناسب مرموقه

وطيوبات هم كبار بس قلوبهم خضراء

وقدمولى خدمة جليله ووقفوا معاي بمرضى

الله يخليكم

شنو ايب لهم انا فكرت بساعات

ابي ماركة حلوة بحدود ال30 دينار وشكلها راقي وتلبس بليز

او هعطونى افكار بعد

وحده منهم تموت بالمكياج _03ba:

 

[aengineera]

امم ليش ما تاخذينلهم فاوجرات مساج احس احلى من ساعه يمكن ما تعجبهم

اذا مصرة عالساعه روحي محل اون تايم في ساعات وايد بحروة هالسعر

 

[laura mercier]

خلي اختنا التاجره ساره ستايل ....تسويلك اطقم اطياب وتطبع اسم كل وحده على مجموعتها...وحطي معهم سجادة صلاة بثوبها...
مع اني زعلانه من ساره...بس شغلها راقي والحق يقال....

اوسويلهم دروع وكتبيلهم كلام حلو وخلي الدرع زجاجي.....

اشتريلهم دراريع مغربيه كشخه ومعاهم الخف والقوري المغربي والاستكانات المغربيه....

وبس

 

[Uccello]

نصيحة
لا اتيبين لهم نفس الهدية راح يحسون انج مو مهتمة بس تبين تعطينهم اي شي
شوفي شنو اهتمام كل وحدة فيهم و يبي حق كل وحدة شغلة
فراح اتخلين كل وحة اتميز و انتي راح اتميزين بعينهم
و موفقة

 

[أم عبووووود]

والله اون تايم فيه ساعات حلوة وان شالله تلقين اللي يناسبهم

ولا روحي اخذي لهم ست عطر والبدي لوشن والشوار جل بيضون مسوي تنزيلات وبعد مادري كل وحدة وشنوتحب

ان شالله اكون فدتج

 

[كرستال]

حبيبت قلبي والله كلامج حلو

أجمل ما في الحياة الصداقة الوفية الحلوة والدائمة

بعدين من قا لراحت عليج ----!!!! ههههههه

في ساعات ماركة فلمنقو اسعارهم حليوه وبعد فالنتينو

الله يديم عليكم المحبة يارب

 

[قرطبيه]

امم ليش ما تاخذينلهم فاوجرات مساج احس احلى من ساعه يمكن ما تعجبهم

اذا مصرة عالساعه روحي محل اون تايم في ساعات وايد بحروة هالسعر

رايي من راي انجنيرا تهدينهم جلسه مساج راح تكون هديه مميزه ...

 

[Ritaj]

انا اشوف انك تهدين كل وحده الشي الي تحبه

 

[كبرت وراحت على]

اهديتهم وايد استانسوووووووووووووووووووووووو

 

[بعيون مغليك]

شنو اهديتيهوم