بقدم سمكة زينة هديه ! الله يعافيكم ساعدوني

[Little_Queen]

سلاااااااااااااااااااام


شلونكم بنات ؟


عندي وحده من رفيجاتي ابي اعطيها هديه غريبه


الا و هي سمكة زينه

تقريبا استقريت على نوع السمكه الي رح اعطيها ياها

الا و هي سمكة الفايتر

بس الحين المشكلة شلون أعطيها ياها

الاكواريوم الي ينباع بمحلات السمك شكله مو وايد حلو .... عارفينه الي يكون بلاستيك و من فوق يتسكر . .

وانا خاطري انها تحطها في اكورايوم زجاجي مدور جذي و صخر و حركات

بس شلون بعطيها ياها باكواريوم زجاجي مبطل و الماي يتكتك على ماتوصل بيتهم !

انا بعطيها الهديه انشالله و احنا طالعين كلنا يعني بسويلها سووووووبريييز على قولتهم

فبغيت مساعدتكم و افكااااركم النيره

في مكان يبيعون احواض او مزهريات حلوة لها غطا و تنفع حق السمك ؟

قولولي رايكم عطوني حل

انا واااااجد مشكل !!

 

[miley]

روحي بيتهم وحطيها بغرفتها بدون ماتدري

 

[Little_Queen]

مايلي .. اهي الفكرة حلوة واااااااااااااااااااايد

بس المشكلة اني مادل وين بيتهم أساسا و بعدين حتى اذا دليته أحس فشله اروح اطق الباب يا جماعه هاكم سمكه حق بنتكم حطوها بالدار مفاجأه على ما نرد من بره !!



يعني اهي وحده من رفيجاتي و مو كلوووووز وايد وياها بس حابه أهاديها لانها تحب هالسمكة وايد و ماعندها منها

بس والله بحط الفكرة في حسباني يا مايلي لانه صج حلوة عجبتني واااجد وااااجد

 

[xXBountyXx]

فكره وايد حلوه

انج تهدين شخص عزيز عليج شي حي يهتم فيه



بالنسبه للأحواض

عندج في سوق الحمام ألوان وأشكال

و أحواض زجاج حيييييل حلوه حق هدايا

وبعد تلاقين عندهم اكسسوارات صخور وسوالف زينه وااايد حلوه


يعني ماراح تطلعين من السوق الا وانتي شاريه كل اللي بخاطرج




بس عاد ديري بالج على الحوض وانتي بالسياره تسوقين

مو يطب وينكت اللي فيه وانتي بالسياره

تركدي





اذا تبين اي شي انا حاضر




تقبلي مروري

xXBountyXx

 

[AmOoNa-]

حبيبتي في اعواض زجااج وايد حلوه بسوق الحمام على دينارين ونص جذي عجيبين وفي حوض سمج مع كل الشغل فلتر وكل شي صغيروون اب 10 ومغطا من فوق بس انتي اخذي الصخر وولسمجه والحوض عطيها ياهم واهي تحطهم كلش كلش اذا مصره على انج تعطينها كل شي زاهب لاتحطين وايد ماي بالحوض واختيارج ممتاز لانه الفايتر ماتحتاج هيتر

 

[أنوثهـ حتى الثمالهـ]

حلو لو تقدمينه بحوض مدور بس روحي لاي محل زينه وتغليف خل يسوون لك كفر للعلبه من فوق فلين مثلا وثبتي بالفلين من فوق نوع ورد هي تحبه او دبدوب او اي زينه تجي في بالك
واعتقد بيكون شكلها حلو وجديد وكيوت

 

[دنيا رديه]

حطي من فوق قصدير لوووووووووول عشان الماي لايطيح

 

[اميرة-الاحجار]

يمكن تحصلين من هالاحواض بمحلات الزهور وتقدرين تعلقين عالحوض جم ورده طبيعيه وتخلين المحل يوصلونه لبيتها او تاخذين السمجه وتخلينها بالجيس مال محل السمج وليما توصلين للمكان الي بتواعدينها فيه تطلعينها من الجيس وتحطينها بالحوض وتنزلين فيها

 

[جاكليت]

حبيبتي الفايتر ينباع بقلاص

واذا تبين أي شي أنا زوجي عنده محل رقم 31 في سوق الحمام و في بجمعية الدسمة روحي شوفي اللي تبينه

 

[Ano0on]

حبوبه في محل صووب السوق الايرااني روحي له رووووعه بتصميم هالسواالف يحط لج نباتات داخليه ومائيه بنفس الوقت شكلها حلوو للغرفه
واذا تبين اي شي انا حاضرة اوصف لج واعلمج الطريقه

 

[daloo3ah]

في احواض بسوق الحمام تهبل .. دائريه ولها قاعده والقاعده ألوان .. احمر اخضر ازرق ..

واااايد حلو .. حطيلها فيه صخر وهالسوااالف .. و في بالجبره الاولى > المحل الي قبل الاخير >> من جهه اليمين ..
عنده نبـــتات طبيعيه للأحواض .. وايد احلى مما تحطين نبته صناعية تلوع الجبد مع الايام تتوصخ .. وخل يظبطولج ياه اهناك


وموفقه انشالله .. فكرتج وايد حلوه ^_^
كنت بسويها برفيجتي بس مشكله كل الي اعرفهم ما يحبون الحيوانات الا القليل

 

[Little_Queen]

ثاااااااااااااااااااااااااااااااااااااااانكس بناااات والله انكم صج صج صج احلى منتدى بهالدنيا كلها قسما بالله كل ما احتجت شي ولا صارتلي مشكلة على طول أيي المنتدى و أكتبها و الله ما تقصروووون

افكاااركم تهببببببببببببببل حيااااااااااااااتي انتو ... مشكوووورين و شوفو الموضوع الي بحطه الحين شسويت بالسمكة الزينة الي شريتها

 

[mzagiaa]

واي اتينن
و خووش هديه
من وين ماخذتها ؟