بـكل صراحـه هـل تتمنـين زوجـة ولـدج بالمستقـبل ( تكـون نفـس معاملـتج مـع أم زوجـج )..

[ماعرفتك زين!!!]

السلام عليكم
بنااات الموضوووع مبين من عنووووانه ؟؟؟؟

 

[عسل حدي]

اذا الله رزقني بولد
ونوى يتزوج
ماراح اخليه يسكن عندي خير شر واذا اهو بغى هالشي اعزلهم يعني شقته مالي شغل فيهم خير شر
مابي بنت الناس تاملها مثلي ولا ابي ولدي يعيش معانات ابوه مع امه
ابي لهم حياه مستقره يعتمد على نفسه ويشيل بنت الناس
وبنت الناس لها خصوصيه
الله يهدي خالتي يارب مايحسون انه احنا بنات ناس وحرام اللي يسوونه فينا

 

[زوجة عزيز]

اي اكيد لان الحمدلله اهل زوجي ماشافو مني الا كل طيب وخير

 

[عسل حدي]

وانا بعد والله دشيت بيت زوجي حابه وشاريه والله
وعديتها حسبة امس انشالله واحاضر وفوق تسلطها اقول ميخالف باجر تتعدل توني يديده خل اكسبها
بس مصره تناشبني كأني خذيت منها ريلها مو ولدها
انا مشكلتي انه زوجي وحيد اهله لا اخوان ولا خوات
تخيلي اذا يوم واحد طلعت تغديت ولا تعشيت معاه بره بروحنا تقعد تدعي وتسب وتحسب وتطلع الطلعه من جبدي
واذا بتقولولي ليش قاعده عندها
اهي قاعده عندنا هذا بيت زوجي واهي امه طبيعي بيخليها عنده وين بتروح واللي محببني فيه انه مايزعلها على كل اللي تسويه فينا
الله يهديها يارب مانبي شي بس تلهى بنفسها
الادهى والامر انها مو كبيره بعالمر وتوها متقاعده ومتفرغتلنا بالدخله وبالطلعه ماعندها غيرنا
وهاليومين طالعه طلعه يديده ماكو سفر بروحكم انا امل بروحي بالديره دريلي على ريلكم قلت حق زوجي انا مابي اسافر ٥ سنين جدام

 

[امـ خــزامـى]

^^^
الله يعينك ويرززقك

بالنسبه لي الحمدالله ابيهم يعااملوني مثل مااعامل خالتي
بوسة راس على الداخل والطالع
كافه وعاافه ماعلي من احد
اي شي يسويه زوجي لهم اشجعه وماايضيق صدري وبالعكس انبسط

بكل مناسبه هديه واوقات من غير مناسبه

وكل اسبوع ازورهم

 

[عسل حدي]

الله يتمم عليج يا ام خزامى
ويهدي خالتي يارب

 

[granted]

انا مو متزوجة بس بصير خالتي قماشة مع جناتي المستقبليات فديتهم lol :d

 

[عسل حدي]

لووول

 

[نور دنياه]

اي ابيها تعاملني مثل ماانا اعامل خالتي الحين
بوسه على راسها وزواره كل اسبوع وهدايا بالمناسبات وتكون رسميه مابيها ميانه لاني كنت ميانه وياهم وعطوني على راسي ، تالي كشيت منهم وصرت رسميه والحين الحمدلله راحه بال

ماشافوا مني الا كل خير

 

[حكآية قلب]

اااااااي ابيها مثلي


يارب ترزقني الولد

 

[Pinky -cat]

والله يا ليت ، انا وديت ام زوجي بس طلع علطل ما لقيت منها غير كل طناش واستعباط وجني ياهل بعينها يمكن من الطيبة
الزايدة او لاني شكلي صغير عبالها ياهل.

 

[Pinky -cat]

والصح انه كل ام ريال توخر شوي عنهم خل يعيشون حياتهم بهدوء بدون تدخل ، ناوية اسوي هلشي ويا ولدي لمن يشرف
اول باذن الله

مشكورة حبوبه على موضوع متابعة بشوف ردود البنات

 

[دانة_ دبي]

ان شاء الله بعامل زوجة ولدي بمعاملة بنتي
اكيد مو نفس معاملة ام زوجي لي لان المعاملة زفــــــــــــته


بس ان شاء الله انا مخلية ف بالي ايمع كمن فلس و اشتري شقة صغيرة او بيت صغير و اعطيه هدية لعيالي لو كان البيت كبير ممكن اقسمه بينهم عسب يرتاحون و يعيشون مستقلين ولو شقة صغيرة ممكن اعطيه هدية يوم يتزوج
لاني اتمنى لهم الراحة مثل ما اتمناه لنفسي

 

[Patcholli]

ماعندي ام زوجي متوفيه
بس حمواتي مايحصلون جنه نفسي الصراحه
اجامل لاقصى حد حتى لما يجرحوني ويظايقوني ما ارد

 

[SWiiiRZ]

طبعا اتمنى و ابي ها احسن مني تكون

الحمدلله خالتي ذهبه و مافي مثلها عسى الله يحفظها لي يا رب

جد والله احبها وااايد اهي امي اللي ما يابتني وانا بنتها اللي ما يابتها

و اعاملها بكل احترام حتى دلع ادلعها فليش
ما اتمنى انها تكون مثلي و أحسن

 

[حبي مودي..]

بصراحه انا اعامل ام زوجي بكل احترام وما عمري قسيت زوجي عليها ولاشكيت منها لكن ما ينفع الطيب رد لي الحسنه بالسيئه والاهانه حسبي الله ونعم الوكيل،،ان شاء الله زوجت ولدي بعاملها بطيبه وبكون لها الام وبعطيها كل شي انحرمت منه واهم شي الخصوصيه والحريه،،

 

[سيلينا]

ياريت تصير نفسي وبشهادة الكل انا ما اقصر معاها

بس انا ما ابوس راسها بالطالعه والنازله! مو عن شي بس انا معاهم بالبيت مو معقول بسلم ووببوس راسها كل ماشفتها ولا شرايكم !
انا اسلم عليها لي كان صارلي مده ماصادفتها او بالجمعه الاسبوعيه بس مو كل يوم مو عن شي انا لي صرت عند امي بالبيت ما اسلم عليها كل يوم
وبوسة الراس بالمناسبات القويه نفس ما اسوي مع امي قاعده اسويه معاها لانها بحسبة امي

قد اكون غلط بسالفة السلام بس مادري احس المنطق يقول جذي اني اسلم عليها لي كنت من زمان مو شايفتها بس مو امس سهرانه معاها واليوم ابوسها

ونرد لموضوعنا الحمدالله ان ما جاها مني خير ماجاها مني شر و عاده روحي حسبة بنتها

 

[الأهداب السوداء]

الحمدلله زوجت ولدي حبيبي قبل سنة والله بنت الناس عسسسل وانا اشوفها مثل بنتي لأن م عندي بنات كبار وهي تعاملني باحترام وعندي قاعدة اساسية ان شاءالله ب أطبقها مع اولادي وبناتي إني م اتدخل ب حياتهم ابدا وكل واحد يعيش ف بيت مستقل

 

[((shoOoshoOo))]

اي

لاني الحمدلله حيل احبها

 

[عسل حدي]

عااد بتطبقون ولا لي صرتو خالات بتشينون التفس
لووول