بــس اللـي ســووا كــــيـــراتــــيـن يـــدشـــون

[barbie girl]

هاي بنوتاااات


حبايبي انا ودي اسوي كيراتين لكشتي لووول


انا شعري خفيف ودهني اهو بالاساس ناعم يعني ملمسه مو خشن يعني لو اضربه بهوا السشوار يصير ناعم مع ردات شووي نافش طبعا لعبت فيه بالصبغ


ابي اسوي كيراتين ومرشحه صالون جاك وشاتومون وسيماز (عمري ما طبيته ) على حجي اللي مجربينهم بالمنتدى


لا تقولون لي وحده اتيي بالبيت ولا صوالين بو طقه لانهم يغشوووون الله يخليكم ابي الصوالين المعرووووفه


بس اللي خوفني اللي تقول طلع لها قشره واللي صار دهنييييي واللي لازق


بنات الله يخليكم انصحوني يا اللي صج صج مسوين كيراتين مابي سمعنا وشفنا لاااا ابي اللي سوت كيراتين تعطيني تجربتها سواء زينه او شينه و اهمممم شي وين سوته

 

[&موناليزا&]

رفع لعيون صاحبة الموضوع

 

[يازمان العجايب]

اذا ناعم لاتسوين يصير دهني بزياده

 

[غاليه الاثمان]

رفعععععععع

 

[catwiti]

مممم في عضوه هني او سيدة اعمال بالاصح اهي تسوييه كيراتين بصالونها وبرازيلي وكيراتينها سعره حلو الاحلى انه تشوفين راي البنات بالمنتدى اذا يذمونها او يمدحونها فشي واضح يكون اسمها alesar / اليسار سوي سيرج عنها وشوفي مواضيعها واراء الي سوو عندها

وسلامتج

 

[فطوم 89]

نفس سؤالج

 

[barbie girl]

مشكورين حبايبي ما قصرتوا

وهم ابي تجاربكم ونصايجكم


انا شعري خفيف والخوف انه يلزق بس اهو حاليا محترق من الصبغ ويتعقد ولازم اغرقه بلسم عشان اقدر امشطه


بس انا ابي جاك او شاتومون او سيماز


مابي لا لاليك ولا لابلوبيل ولا صوالين الجابريه الله يخليكم

 

[STOP SHAYOO5A TOP]

انا قبل شوي كنت حاطه موضوع عن احسن وحده تسوي كيراتين ومحد رد علي بس من حوستي بالمنتدى لقيت يمدحون مدام هدى بصالون شاتومون ومدام تمام بصالون سيماز وجاك وااايد غالي

 

[مزيوونه حيل]

انا شعري ملمسه ناعم ونفسج لعبت في بالصبغ والهايلايت .. سويت قبل شهرين كيراتين ويهههههههههههبل بصالون اسمه قلوس بالجابريه صار يونس بس اسبح واطلع انشفه هوا عالمشاي يصير جني مستشورته بصالون ومايلزق ولا يدهن بس ندمت اني ما اخذت الشامبو الخاص في لانه قمت استعمل شامبو عادي واحس شوي قام يجفف.. بس نصيحتي سوي لانج بترتاحييين

 

[++The DuchesS++]

اذا شعرج دهني لا تسوين نصيحه راح يصير دهني زياده

 

[dla3_princess]

امي و خالتي سوووا بصالون شاتوموون و واايد حلوو شغلهم

و رااحو على مدح رفيجاات خالتي مجربينه يعني مضممون بإذن الله بس غاااالي

تخيلي امي شعرها خفيف و لي رقبتها بس و خذت عليها 200 د.ك !! احس واايد

بس جنه عطووها معااه شاامبو و بلسم اعتقد...


المهم و انا كنت صاابغته اشقر فاااتح و تقطع و راااح فيها المهم و صاار خششششششن ما يتمشط حتى

لآن متروووس اوكسجين ... المهم سوويته عند عضووة معانا اسمها alesar

سعرها واااايد زين و ترا عندها شهاده معتمده من ماركه قلوبال للكراتين و معلقينها عندهم...

المهم انا جربت شغلها وااااايد حلوووووو تباارك الرحمن بس غلطتي

ان اوول فتره ما استخدمت شاامبو الكيراتبن و غلطتي الثاانيه ان صبغت بني فووقه

فراااح الكيراتين من شعرري...

بررددد ان شاااءالله اسوويه عندهااا لأن ارتحت فيه...

و انصحج استخيري قبل لا تسووينه بأي مكان

و بعد ترا احسن انج تسووينه بأيام الدوووورة لآن في شرط ان ما يجيس شعرج مااي كللللللش

......


و مووووووووووووفقه يااااااااااااااااارب

 

[STOP SHAYOO5A TOP]

اب اب اب

 

[دندوووشه +]

انا شعري مو خشن بس جاف وتعبان ونافش من الصبغات توكلت على الله وسويت عند وحده سوته لي بالبيت مدحتها وحده بالمنتدى وباجر رابع يوم وبغسله واشوف النتيجه انشالله وابلغج بس ادعولي يضبط جزاكم الله خير