بغيت رايكم يا كويتيات بخصوص المايكروويف والتوستر

[مرت بوعلي]

السلام عليكم ورحمة الله

كويتيات طلبتكم لا تردوني .. أبي رايكم بس ..



أنا في بيت حمولتي .. وماعندي إلا غرفة بداخلها حمام ( أعزكم الله وأجلكم )

وبجنب غرفتي غرفة ولدي ..

بغرفة ولدي حاطه كبت عووووود ( كبتي وزوجي ) وكبت صغيرون للصغيرووون حبيبي وألعاب حقه.

بغرفتي ماكو إلا السرير والشيفونيره والــتلفزيون والكمبيوتر .. وعندي مساحه صغيره ..

باخذ رايكم فيها ..

أشتريتلي ( مايكروويف و توستر ) وعندي ثلاجة صغيره وبراد ماي

أشرايكم أشتريلي كبت صغير فيه رفوف ..

وأحط لي البلاستيكات ( ملاعق وشوك وصحون ) بدل ما كل شوي داخله بنصاص الليالي المطبخ

وشنو الأكل اللي ينحط بالمكروويف ..<<< حدها خوافه :eh_s(2):

بنات فيدوني بليز ..






أختكم أم علي

 

[أسمى حب]

اهلين اختي ام علاوي
فكرتج حلوه و على قولتج احسن من النزله انصاص الليالي انتي تحتاجين غلاية مايكرويف و توستر لأني ما انصح بغلي الماء في الميكرويف .
فيه اكياس في الجمعيات خاصة لتسخين بعض انواع الاكل بالمايكرويف و الاشياء اللي ممكن تسوينها بالمايكرويف كثيره تجي طرق اعدادها مع كتيب الخاص بمايكرويفج اللي تشترينه لن بعضهم يصير مثل الفرن الكهربائي يعني تقدرين تسوين فيه كل شئ من حلويات وكيك و شوربات و رز و لحوم .

و الكبت شوفي الاسواق الشعبية شكثر فيها اشكال وانواع اخذي اللي يناسب غرفتج و حطي علية المايكرويف و توسترج و ممكن الغلايه بعد اذا يشيل و استفيدي منه في تخزين المعلبات و الاشياء الثاني .

قبل لا تشترين الماكرويف شوفي مميزاته و صناعته و كم نوع يمكن استخدامه فيه و جذية

عاد قولي لنا شصار وياج بعدين

 

[مرت بوعلي]

فيض الايمان مشكوووووره مشكوووووره على لطفج الكريم وردك الطيب بارك الله فيج

 

[bnt_kwt]

اي حلو دام انه عندج مساحه حتى لو صغيره استغليها انا يوم كنت ابيت حمولتي كنت مسويه جذي

توستر وغلايه وثلاجه بس ماحطيت مايكرويف

اخذي لج كبت خشبي صغير احلى من البلاستيك في ارفف عشان اتحظين فيه اغراضج وفوقه حطي التوسر والغلايه

 

[غلاي غير]

لا تسخنين الاكل بالميكرويف وخاصه المثلج بتطلع ريحته وتعفن الغرفه خلج على التوستر ابرك ودايم بالليل الاكل خفيف وغلايه وثلاجه اظن كافي

 

[رشيقه]

لا ما انصحج اتحطين توستر او مكاروييف بتصير يحة الغرفه مو شي

وغرفة النوم لها خصوصيتها

انا اقول اتحطين لج غلايه و شاي و بسكوت نفس الفنادق احلى

 

[وردة النرجس]

انا بعد رايي نفس رايي إختي الي قبلي

لأن إن حطيتي هالشغلات بغرفة النوم

ماراح تعيشين جو النوم أو الإسترخاء كافي التلفزيون والكمبيوتر الي حاطتهم والثلاجة

خليج على الكيتلي وبس

 

[[..كـــــرك..]]

تبين اكتب لج مضار المكرويف ماعندي مانع ؟

موزيييييييييييين ابتعدي عنه قد الستطاع