السلام عليكم
شلونكم شخباركم ؟؟
بنات أمس صار بيني وبين زوجي نقاش وانتهى بزعل بس من ناحية موضوع النقاش ولا حياتنا الحمدلله ماشيه ..
أمس بعد مارجع من الدوام كلمني عن موضوع السفر قال لي تبينا نسافر بعطلة العيد قلت له نروح الحج قال روحي مع أهلج ( لأن اهو راح للحج قبل الزواج أيام ما كان بالثانوي )
المهم بعدين قلت له إذا بسافر أبي أتشرى واتسوق مو تقولي لا قال احنا نروح نغير جو قلت له بعد نتسوق ودي أصير تاجره صغيره :q ..
قلت له شرايك بتايلند قال ماتصلح لج قلت له أدري بس يمدحون سوقهم ( مع العلم اني ما أحب تايلند ولا أواطنها من الأشكال اللي فيها والناحيه الاخلاقيه لشعب هالدوله ) .. بعدين جان يقولي شرايج بسويسرا قلت له حلوه بس غاليه قال بس تفصخين نقابج هناك قلت له احنا خلصنا من هالموضوع من زمان جان يقول اهم مانعين النقاب بأوروبا قلت له مرت خالي راحت سويسرا وهي متنقبه يعني عادي .. بعدين قلت له انا مالبس النقاب عشان أفصخ وألبس فيه ( نقابي يغطي كل ويهي يعني ما يبين شي لا حواجبي ولا يبهتي ومرت خالي نفس الطريقه الله يثبتنا ) قال وإذا صرنا بالمطار وقالج الموظف كشفي عن ويهج قلت له نقوله نبي وحده تكشف علي أو من الاساس نروح حق موظفه .. أهو عصب من هالناحيه يقول احنا رايحين لهم ونفرض عليهم راينا بديرتهم !! قلت له ما غلطنا بشي مثل ما اهم بديرتنا يسوون اللي يبون احنا من حقنا هالشي قال مثل شنو يسوون قلت له ما يدخلون خمر بديرتنا ؟؟ قال لا وحتى برمضان نمنعهم من الاكل بالأماكن العامه وهذا قانون بالدستور ومن هالحجي .. بعدين قال انتي رجعيه بطريقة تفكيرج وقال عن مرت عمه يوم راحوا تايلند انه موظف المطار هناك سوى سالفه يا تكشف عنده ولا مايخليهم يدخلون وعمه عصب وكان عمي اللي اهو ابو ريلي رايح معاهم ويا خالتي (وخالتي نفس الشي متنقبه مثلي وأتوقع انها اكشفت ويها طافني حسافه ما سألته)
عمي عصب عليهم قال إذا ما سويتوا اللي يبي ولا بمشي عنكم عقبها غصبن عليهم رضوا .. ودخلنا بسالفة انه المره عادي تكشف عند الدكتور قلت له بس بالضروره مو دايماً جان يقول عيل خلاص مانسافر لأن مو ضروره وردينا على نفس السالفه قلت له نطلب موظفه ورد عصب وقام يغلط !!!وانتي تفكيرج عوي ورجعي وانه الدين يسر مو عسر وانه انتوا ( يعني انا واللي يفكر مثلي ) شوهتوا صورة الدين بتفكيركم !!!!! قلت له لازم أكون مثل تفكيرك ولا ما يصير ..
ودايماً إذا تناقشنا تنقلب هوشه وانه اهو الصح وانا الغلط
طبعاً انا حدي انقهرت وكنت شوي وأصيح ورديت عليه بجم كلمه اني ماغلطت وهذا من حقي وانه اهم فيهم سلاطه على المسلمين قال دام اهم جذي ليش رايحه لهم قلت له بشوف الطبيعه اللي عندهم :q .. وانتهى الموضوع ان انا الغلطانه ..
قبل شوي قلت له شرايك باليابان قال خلاص ماراح نروح مكان يا دول عربيه أو جنه قال معاهم ماليزيا ولا ما نروح مكان .. قلت له اليابان فيها مسلمين وأصلاً كل ديره فيها مسلمين جان يقول مابي أتناقش معاج بشي لأن تفكيرج سطحي والنقاش معاج عقيم .. !!!!!
انا غلطت بشي ؟؟؟
واللي عرفته انه فرنسا وبلجيكا وإيطاليا ممنوع عندهم النقاب وإسبانيا على وشك تمنع ولندن يمكن بس سويسرا عادي .. اللي راحت سويسرا وهي متنقبه منو كشف عليها ؟؟ ريال ؟؟ وطلبتي موظفه وامنعوج ؟؟ وشلون تعامل الموظفين بالمطار ؟؟
أتمنى تفيدوني وتشورون علي .. ومشكورين مقدماً
شلونكم شخباركم ؟؟
بنات أمس صار بيني وبين زوجي نقاش وانتهى بزعل بس من ناحية موضوع النقاش ولا حياتنا الحمدلله ماشيه ..
أمس بعد مارجع من الدوام كلمني عن موضوع السفر قال لي تبينا نسافر بعطلة العيد قلت له نروح الحج قال روحي مع أهلج ( لأن اهو راح للحج قبل الزواج أيام ما كان بالثانوي )
المهم بعدين قلت له إذا بسافر أبي أتشرى واتسوق مو تقولي لا قال احنا نروح نغير جو قلت له بعد نتسوق ودي أصير تاجره صغيره :q ..
قلت له شرايك بتايلند قال ماتصلح لج قلت له أدري بس يمدحون سوقهم ( مع العلم اني ما أحب تايلند ولا أواطنها من الأشكال اللي فيها والناحيه الاخلاقيه لشعب هالدوله ) .. بعدين جان يقولي شرايج بسويسرا قلت له حلوه بس غاليه قال بس تفصخين نقابج هناك قلت له احنا خلصنا من هالموضوع من زمان جان يقول اهم مانعين النقاب بأوروبا قلت له مرت خالي راحت سويسرا وهي متنقبه يعني عادي .. بعدين قلت له انا مالبس النقاب عشان أفصخ وألبس فيه ( نقابي يغطي كل ويهي يعني ما يبين شي لا حواجبي ولا يبهتي ومرت خالي نفس الطريقه الله يثبتنا ) قال وإذا صرنا بالمطار وقالج الموظف كشفي عن ويهج قلت له نقوله نبي وحده تكشف علي أو من الاساس نروح حق موظفه .. أهو عصب من هالناحيه يقول احنا رايحين لهم ونفرض عليهم راينا بديرتهم !! قلت له ما غلطنا بشي مثل ما اهم بديرتنا يسوون اللي يبون احنا من حقنا هالشي قال مثل شنو يسوون قلت له ما يدخلون خمر بديرتنا ؟؟ قال لا وحتى برمضان نمنعهم من الاكل بالأماكن العامه وهذا قانون بالدستور ومن هالحجي .. بعدين قال انتي رجعيه بطريقة تفكيرج وقال عن مرت عمه يوم راحوا تايلند انه موظف المطار هناك سوى سالفه يا تكشف عنده ولا مايخليهم يدخلون وعمه عصب وكان عمي اللي اهو ابو ريلي رايح معاهم ويا خالتي (وخالتي نفس الشي متنقبه مثلي وأتوقع انها اكشفت ويها طافني حسافه ما سألته)
عمي عصب عليهم قال إذا ما سويتوا اللي يبي ولا بمشي عنكم عقبها غصبن عليهم رضوا .. ودخلنا بسالفة انه المره عادي تكشف عند الدكتور قلت له بس بالضروره مو دايماً جان يقول عيل خلاص مانسافر لأن مو ضروره وردينا على نفس السالفه قلت له نطلب موظفه ورد عصب وقام يغلط !!!وانتي تفكيرج عوي ورجعي وانه الدين يسر مو عسر وانه انتوا ( يعني انا واللي يفكر مثلي ) شوهتوا صورة الدين بتفكيركم !!!!! قلت له لازم أكون مثل تفكيرك ولا ما يصير ..
ودايماً إذا تناقشنا تنقلب هوشه وانه اهو الصح وانا الغلط
طبعاً انا حدي انقهرت وكنت شوي وأصيح ورديت عليه بجم كلمه اني ماغلطت وهذا من حقي وانه اهم فيهم سلاطه على المسلمين قال دام اهم جذي ليش رايحه لهم قلت له بشوف الطبيعه اللي عندهم :q .. وانتهى الموضوع ان انا الغلطانه ..
قبل شوي قلت له شرايك باليابان قال خلاص ماراح نروح مكان يا دول عربيه أو جنه قال معاهم ماليزيا ولا ما نروح مكان .. قلت له اليابان فيها مسلمين وأصلاً كل ديره فيها مسلمين جان يقول مابي أتناقش معاج بشي لأن تفكيرج سطحي والنقاش معاج عقيم .. !!!!!
انا غلطت بشي ؟؟؟
واللي عرفته انه فرنسا وبلجيكا وإيطاليا ممنوع عندهم النقاب وإسبانيا على وشك تمنع ولندن يمكن بس سويسرا عادي .. اللي راحت سويسرا وهي متنقبه منو كشف عليها ؟؟ ريال ؟؟ وطلبتي موظفه وامنعوج ؟؟ وشلون تعامل الموظفين بالمطار ؟؟
أتمنى تفيدوني وتشورون علي .. ومشكورين مقدماً
التعديل الأخير:
