مساكم الله بالخير بنات شخباركم
فوفه
زيتونه
تسلمون ياحبيباتي على سؤالكم والله فرحت لمه شفت ردودكم :wqedqw:
الله لايحرمني منكم يارب :eh_s(7):
الله يسلمكم موعدي كان الساعه 5:30 توكلت على الله ورحت بروحي للاسف زوجي مسافر
وانا بالطريق الين وصلت وانا استغفر الله وبعد مانزلت وعطيتهم ورقت الطبيبه قالتلي قعدي بالاستراحه
لين ناديج والله ورحت قلت اتسلى بالمجلات الي محطوطه بعدين قلت ماكوا شغل :bbbiu:
خنه اقعد وادعي واقرا الي حافضته
بديت اقرا الحمد
المعوذات
وقعدت ادعي من كل قلبي اللهم لاسهله الا ماجعلته سهلا وانت تجعل من الحزن سهلا
يمكن ولا الف مره هههههههه بسم الله الذي لايضر مع اسمه شي في الارض ولا في السماوات وهو السميع العليم الف مره هههههه <<<< من الخرعه
وقعد ادعي وادعي انه الله يسهله
شوي ولا تناديني كانت الساعه ست الا ربع ودخلت الغرفه وفصخت ملابسي
ولبيت هدومهم
وانسدحت على السرير
وحضرت السستر العده
انطر انطر انطر الحين تي الدكتوره الحين اي الطبيب
ابد صخه محد ياي انا قلت خيره
خلني اعيد قرائتي وادعيتي ولهيت بالاستغفار والادعيه وله اسمع اذان العشا والا الساعه ست وربع
انا هني سالت السستر شسالفه :eh_s(10): قالت الطبيب ياتله حاله طارئه
والحين بي قتلها بعد شكثر بالضبط
قالت خمس دقايق مامداني خلصت كلامي والا هالي داشه
دكتوره ودكتور الاشعه
الدكتوره هي دكتورة امراض نسا
هي ركبتري البطه والسائل والدكتور قاعد على جهاز الاشعه
بدت تحقن الصبغه وانا ازيييييييييييييد بالاستغفار والادعيه
يارب :yaaaaaarb: يارب يارب يارب :yaaaaaarb:
ماوعيت والا الدكتور يقول فنش يازييييييييييييييييينها من كلمه هههههههههههههههه
بعدين قالي الطبيب روحي الحمام تكرمون حاولي تتبولين
وبعدها قالي امشي بالغرفه خمس دقايق رايح راد عشان اتاكد انه كل الصبغه طلعت
وعطوني كوتكس احطه عشان الصبغه لما تطلع
وبعدها رديت انسدحت على السرير
وخذه اشعه ثانيه من بره عشان يتاكد انه بطني نظف من الصبغه
ماصدقت والله ماصدقت ربي شلون سهلها
اجذب اذا قلت ماتعور بس عوار يقدر الواحد يتحمله
الف الف الف الف الحمدلله ازمه وعدت
فرحت من كل قلبي اني خلصت لاني شايله همها من 3 اسابييييييييييييييييييييييع
بس تدروون عاد ماادري شنو النتيييجه :eh_s(10): الربورت شطوووله وعطتني السستر الاشعه
ولا قالت شي والطبيب راح عند مريض ثاني
قمت قريتها <<< عبالها دكتوره
مافهمت شي غير جم كلمه قلت ليش ادوخ راسي باجر اروح لطبيبتي طمني عليها
والله يعيييييييييييني
بس حدي فرحانه اني خلصتها هم وانزااااح
بنات صراحه وللامانه كل وحده ودها تسوي اشعة صبغه ترووح البراء كلنك ماشاء الله علييييييييييهم
والنعم والله فعلا سهالات :eh_s(7):
هذا كل الي صار اليوم ادري قرقت على راسكم بس اموووووووووووووون :lololoe: <<< ثقه البنيه
