بغيتكم شوي

[وايتي]

عندي فكرة افتح محل لتاجير فساتين الزفاف بس ما عارفه كيف ابدأ من وين ايب الفساتين واشتريهم او كيف اتعامل مع مصممات ازياء ولو بشتري من مصممات كويتيات كيف اتعامل معهم لاني من الأمارات

 

[أماني عمري]

اللي اعرفه مصمماتنا اسعارهم غالية

طلبي من النت و حطي بمحل و الله يوفقج

 

[الشيخة@]

رفع لعيونش

 

[وايتي]

اللي اعرفه مصمماتنا اسعارهم غالية

طلبي من النت و حطي بمحل و الله يوفقج

مشكورة حبيبتي على الرد بس اخاف اطللب من النت لاني ابى اشوف الموديلات والخامات

 

[وايتي]

رفع لعيونش

تسلمين وانا اقول اهل الكويت ما يقصرون

 

[راعية الطيارة]

الغالية ما يحتاج تشترين ولا تصممين
وايد عرايس مضيجة عليهم فساتينهم و ودهم يستفيدون بدال قطتهم بدون فايدة
انتي تاخذين الفساتين من العرايس هذيلا و تتفقين معاهم متى ما جا احد يأجر الفستان تدفعين لهم نص الاجار و نصه لج
طلعًا تشترطين يكون مو ملبوس غير لبسة وحدة
و ممكن تتفقين معاها بجم تبي يتأجر عشان لا تطالبج بسعر خيالي
و بيني لها انه ممكن يتاجر اكثر من مرة اذا كان حلو و سعره مناسب يعني مو رخيص ولا غالي
و انتي اكيد ادري بأسرار الشغلة .

الله يوفقج .

 

[om deaj]

اختي راعية طيارة هالفكرة حاولت تنفيذها بس فشلت

بسبب قلة الطلب

ثانيا بعض البنات الله يهيديهم يحسبون انه فستانهم بيطير واني ااجره من وراهم

ثالثا انا ما استفيد اي شي غير المعابل والمحاتاة واجار معرض ومعاش موظفة
والي تحط نفنوفها اهي الربحانة

رابعا اسعار التاجير او البيع الي يحطونها البنات خيالية والله من واقع تجربة اتكلم

موقف بقوله وبختصر الي صار:
وحدة حطت عندي فستانها العرس لبسة وحدة وطلبت فيه مو اقل من ٤٥٠ دينار
شامل الجيبون والطرحة وللعلم من الخبر وموديله عادي بس مقاسه كان اكس سموووووووول
محد سال عنه حتى بالغلط
قمت قلتلها حبيبتي تعالي اخذي نفنوفج ما مشى عندي ومسويلي زحمة وبصراحة كنت على ويه ولادة ومابي امانة احاتيها يالله اعابل بروحي والنفاس والبيبي

وادق واطرش مسجات ولاحياة لمن تنادي
وشوي ولا اشوفها مبطلة الوتس اب قمت كلمتها
قالتلي كنت مسافرة وبخصوص الفستان تبرعي فيه

انا حدي انقهرت يعني لو منزلة سعره يمكن احد يفكر فيه
وهم خلته امانة برقبتي اروح اتبرع فيه وكاهو عندي ناطرة اروح لجنة زكاة اوديه والله مفتشلة لانه كريم الاساس ليلحين عليه ماكلفت عمرها حتى توديه تغسله

 

[راعية الطيارة]

ابييييه وانا قلت باختصرلها الدرب

تسلمين على ذكر تجربتج نوني

اشوف بنات اختي بالسعودية يأجرون حتى نفانيف اعراس اخوانهم لكن محل راقي و تودي النفنوف حق المصبغة و اذا مو موديته تنزل سعره و انتي تودينه

 

[توتاتوتا]

انصحش تاخذين من السعودية فيها محلات تفصيل فساتين روعه ورخيصه مثلا محل برجوازيه المشهور فالكويت وغالي لقت بنت جيرانا نفس الفستان فالخبر و قال لهم صاحب المحل انا متعامل مع حريم كويتيات ياخذون من عندي و السعر فرق شاسع دبلات فالكويت

أو تاخذين من سوريا ولبنان